Ég er ekki perri :)

Ég horfi ekki á Mannaveiðar í sjónvarpinu og mér líður eins og ég sé perri.  Það eru allir að tala um þennan þátt og flestir að kafna úr hrifningu.  Só?? Ég ákvað nefnilega fyrirfram að hann væri glataður.  Sparar tíma en stundum veðjar maður á rangan hest.  Lítið við því að gera.

Ég var ekki fyrr búin að hella úr skálum reiði minnar vegna drottningarviðtala við stjórnmálamenn, um leið og ég sæmdi Helga Seljan, sokkabandsorðunni fyrir vasklega framgöngu, þegar hann talaði við ISG í Kastljósi þriðjudagsins, þegar allur pakkinn var rekinn ofan í kokið á mér í kvöld. 

Hvað haldið þið?.  Ísland í dag og Kastljósið voru með vinsælasta mann Íslands, þessa dagana, Kristján Möller, í yfirheyrslu.  Það er greinilega eitthvað í loftinu, fólk sennilega að vakna af vetrardvala, því nú var gefið í Kristján á báðum stöðum.  Sigmar í Kastljósi og Svanhildur og Sölvi (sem Kári í Erfðagreiningu segir að sé með stórt typpi, hann hefur sko séð hann í sundi), hjóluðu í karlinn og létu hann ekki sleppa billega.  En maðurinn kann ekki að skammast sín.  Honum finnst hann í alvöru Guðs gjöf til íslensku þjóðarinnar.

Ætli það sé einhver vírus í loftinu, eða kemísk efnasamsetning, sem treður sér undir húð sumra sem komast til valda á þessu landi?  Sumir valdhafar snarsnúast í skoðunum og það hlýtur að vera vont að hafa skrifað grein fyrir tveimur árum eða svo sem gengur algjörlega á skjön við það sem viðkomandi stendur fyrir í dag og það án þess að maðurinn telji sig hafa skipt um skoðun.

Ég skiletta ekki enda ekki nema von, ég skil ekki einu sinni sjálfa mig.

Ergo: Ég held mér saman til morguns en þá bíða ný pirringseliment, gleðiefni og uppákomur.

Og ég tek þátt í því, bölvið ykkur upp á það börnin góð.

Nigthy, nighty. 

Athugasemdir

[Sigrún Jónsdóttir, 10.4.2008 kl. 23:24]

Ég sá bara Kastljósið og ég hugsa að hakan á mér hafi sigið niður fyrir maga meðan ég horfði á viðtalið við Kristján Samgöngu...!  Hvernig geta sumir stjórnmálamenn "umhverfst" um leið og í ráðherrastól er komið? og það sem meira er komist upp með það og þá sérstaklega gagnvart flokkssystkinum?

[Jenný Anna Baldursdóttir, 10.4.2008 kl. 23:31]

Anna: Var líka typpi í Mannaveiðum???? Af hverju er ég að missa hérna?

Sigrún: Segðu.

[Steingrímur Helgason, 10.4.2008 kl. 23:34]

Tungunni tamast, hjartanu kærast, ~typpalínur~ ?

[Brynja skordal, 10.4.2008 kl. 23:48]

Hef ekki séð Mannaveiðar og ekki sá ég kastljós heldur þannig að.....Hafðu ljúfa nótt mín kæra

[Lilja Guðrún Þorvaldsdóttir, 10.4.2008 kl. 23:53]

Ég verð að vaka eftir Kastljósi kvöldsins, og sjá atganginn þar.  En ég hef engan séð í sundi eða á typpinu í Mannaveiðum.  Í hvaða þætti var það?

[Jenný Anna Baldursdóttir, 11.4.2008 kl. 00:24]

Þetta var ekki í Mannaveiðum.  Þegar Kári í Efðagreiningu var í viðtali á Íslandi í dag, sagði hann að Sölvi væri "stór" maður, það hefði hann séð í sundi.

Hm.. og fruuuuusssss ætla að breyta fyrirsögninni.  Vill ekki vera eins og klámhundur.  En þetta var sum sé svona.

[Lilja Guðrún Þorvaldsdóttir, 11.4.2008 kl. 00:52]

Æ, ég ætlaði að horfa á Kastljósið en datt bara út, þegar ég heyrði samræðurnar. Ég missti mig. - En heyrðu ég var að skoða myndaalbúmið hjá þér og sá ekki betur en að húsbandið þitt sé gamall bekkjarbróðir minn, getur það verið?

[Hólmdís Hjartardóttir, 11.4.2008 kl. 02:03]

Hvað...ertu ekki perri??

[Tiger, 11.4.2008 kl. 02:07]

Hahahaha ... Jenný mín. Ég verð víst að segja það - að ég gruna að þú hafir misheyrt - nema ég hafi mistekið eftir - að Kári var að tala um að Sölvi væri sannarlega "hávaxinn" og "myndarlegur" drengur (hafði séð hann "standandi" í sundi svo hann sá hve hávaxinn drengurinn var - enda var umræðuefnið vandamál sem fylgja því að vera mjög hávaxinn og sjúkdómar sem fylgja frekar hávöxnum en meðaljóni eða lágvöxnum...

En já, löngu tímabært að fréttamenn og konur taki sig á og sýni hvers vegna þau eru kölluð fréttafólk. Málið er að sauma að liðinu og fá viðmælendur til að gefa okkur eitthvað - eitthvað sem skiptir einhverju máli en ekki bara klappa þeim á kollinn og leyfa þeim að klóra fréttamanni á bakvið eyrun. Löngu tímabært ... eigðu nú góða nótt ljúfan og hentu typpadraumum út um opinn svefnherbergisgluggann áður en húsband lokar fyrir nóttina. Góða nótt skottið mitt..

[María Guðmundsdóttir, 11.4.2008 kl. 06:22]

"mannaveidar" "tippasýningar" og fleira í theim dúr  madur er greinilega ad missa af miklu heimanad  Gódur pistill Jenní ,eigdu gódan dag.

                                        

[Jóhanna Magnúsar- og Völudóttir , 11.4.2008 kl. 06:56]

Gúdmorning! Perri ? Typpi ?  ... Kári ? .. hmm.. sá ekkert tippi í Mannaveiðum, en sá Kára og Sölva og Kári sagðist einmitt hafa séð Sölva í Laugum (líkamsræktarstöðinni sem ég hef verið ýmist áskrifandi að eða þar sem ég hef ræktað líkamann) og hann væri stór. Sölvi fór svolítið hjá sér. Hann hlýtur að hafa verið að ýja að þessu við hann en ekki tala um hæðina. Hmmm....  Spái annars góðum degi!

[Hrönn Sigurðardóttir, 11.4.2008 kl. 07:52]

Ha? Hvar er typpi?

[Linda litla, 11.4.2008 kl. 08:27]

hummmmm..... ég ætti kannski að skella mér í sund með Sigmari og nota karlaklefann og kanna hvort að þetta sér rétt hjá honum Kára.

[Þröstur Unnar, 11.4.2008 kl. 08:28]

Hrönn. Búkolla er naut.

[Ásthildur Cesil Þórðardóttir, 11.4.2008 kl. 08:37]

Tippi eða Typpi það er málið.  En þetta var stórfurðulegt kastljósviðtal við Möllerinn.  Mér datt í hug, gott er að hafa tungur tvær og tala sitt með hvorri. 

[Ásthildur Cesil Þórðardóttir, 11.4.2008 kl. 08:38]

Svo misstirðu af henni Lilju bloggvinkonu í Mannaveiðum Jenný mín. 

[Katrín Snæhólm Baldursdóttir, 11.4.2008 kl. 08:48]

Það er nú einn þáttur eftir og þar með endirinn.og MORÐINGINN....svo þú nærð honum allavega og getur barasta ímyndað þér hvað kom áður.

Og þar sem sumt er ekki prenthæft get ég ekki sagt það hér sem mér finnst um suma ráðherra.

Verði ljós!!! 

[Gísli Baldvinsson (IP-tala skráð) 11.4.2008 kl. 08:55]

Eftir að hafa skimað yfir innskotin þá skil ég þetta svona; Möllerinn er erfðabreyttur og vel niðurvaxinn, hefur sett fram samgönguáætlun sem gengur undir nafninu Mannaveiðar. Er þetta ekki svona?

[Hrafnhildur Ýr Vilbertsdóttir, 11.4.2008 kl. 09:00]

Ha ha dásamleg komment....er að stela tíma til að lesa hjá þér....ok,ok er farin að mála...hlakka til þegar ég get farið að blogga af viti....

[Jenný Anna Baldursdóttir, 11.4.2008 kl. 09:03]

Kommentin eru nákvæmlega frábær.

Asskoti að missa af Lilju Guðrúnu en þeir hljóta að endursýna.

Spurning um að horfa á síðasta þátt, eins og Katrín bendir á.  Það er ekki eins og ég gæti ekki notið þess.

Varðandi typpi þá var ég nú bara að fíflast.  Er afskaplega áhugalaus um þau sem eru mér óviðkomandi.

Vó, hvað þetta er fallegur dagur.  Er farin út að moka snjó.  Og Gísli; you got it.