Önnur hauskúpa fundin

Ég ætla rétt að vona að þessi sem aldursgreinir nýfundinn hluta úr hauskúpu á norður-Spáni, sé færari í djobbinu en starfsbróðir hans hér á Íslandi sem "aldursgreindi" hauskúpuna af  Birni Grilli í síðustu viku.  Hann misreiknaði sig um þetta ein 60 ár eða svo. 

Hauskúpuhlutinn telst vera tólfhundraðþúsund ára gömul.  Hm.. rosalega er það óld.

Annars hef ég verið með martraðir út af þessu máli.

Að tala um að bera beinin,  alla leið upp í sumarbústað til einhvers fólks.

Úff, hver veit hvað gert verður við mann, eftir að búið er að kistuleggja.  Er maður ekki neyddur í þá athöfn, dauður og ósjálfbjarga, hvort sem ætlunin er að grafa eða brenna?

Annars finnst mér ekki gerandi grín að þessu máli.  Þó að auðvitað sé ekkert hafið yfir húmor, en viðhorfið gagnvart geðsjúkum á síðustu öld, kristallast í þessari meðferð á Birni.  Hann hefur ekki verið greftraður.  Bara gefinn lækni til rannsókna og annarra nota.

Hva; þó einn Kleppari fái ekki einu sinni jarðaför.

Frussssss

 

Fornar leifar manna finnast á Spáni

Athugasemdir

[Ragnheiður , 27.3.2008 kl. 20:52]

Það má nú vera að Björn hafi gefið afganginn af sér sjálfur, sumir gerðu það í þágu læknavísinda. Hinsvegar er það óskráð regla með lík sem enginn vill að þau eru notuð til að krukka í og vesenast með, þó mér þyki það taka út yfir allan þjófabálk að þræla manni í kassa og geyma undir rúmi barns.

Ég myndi allaveganna vilja vera á hillu á rannsóknarstofu og líta út fyrir að vera bráðmerkilegur afgangur. Svo myndi ég ekki nenna að fjúka um allt uppí Kjós þó að ættaróðal forfeðra minna sé þar í sveit sett.

Hættu svo að hósta kona, ég heyrði sko í þér í dag !

[Jenný Anna Baldursdóttir, 27.3.2008 kl. 20:56]

Hehe, fólk er nú grafið Ragga mín, þó það gefi úr sér innvolsið til rannsókna.

Ég er að drepast úr hósta, er komin með annan í bronkitiz.  Helv... verst að ég ætla ekki að hætta að reykja fyrr en 12.maí.

[Markús frá Djúpalæk, 27.3.2008 kl. 21:05]

Af hverju 12. maí?

[Eyrún Gísladóttir (IP-tala skráð) 27.3.2008 kl. 21:08]

Já og það kemur ekki til greina að þú hættir degi fyrr hehe.

annars væri ég ekkert sérstaklega til í að vera notuð sem öskubakki þegar ég er öll.

[Ásthildur Cesil Þórðardóttir, 27.3.2008 kl. 21:19]

Ég er ekki viss um hvort manni sé sama eða ekki svona eftir á.  Og þó sumum er ekki sama.  Ég man nokkrar sögur um reimleika eftir að menn tóku sér bein eða bara gerðu grín að líki, eins og hann svartnasi. 

[Heiða Þórðar, 27.3.2008 kl. 21:38]

Knús og von um skjótan bata.

[Ragnheiður , 27.3.2008 kl. 21:38]

Já kannski var afgangurinn af Birni grafinn, ja ..nema hann komi í ljós undir öðru rúmi ?

Annars fékk ég nærri slag í vinnunni í morgun, ein í húsinu og heyrði svona:

skref

drag

skref

drag

skref

drag

Veistu hvort Björn þessi var haltur ? Einhver gekk aftur í vinnunni minni í morgun meðan ég var ein þar...krípí

[Kristín Katla Árnadóttir, 27.3.2008 kl. 21:57]

Knús inn í nóttina.

[Þröstur Unnar, 27.3.2008 kl. 22:30]

Sama væri mér þót hausin á mér yrði notaður sem öskubakki eða poppskál, að mér dauðum.

Ragga:  Drag+skref=dragdrottning?

[Ragnheiður , 27.3.2008 kl. 22:52]

Afturgengin dragdrottining, á leigubílastöð ? Shit það er enn meira krípí en afturgenginn leigubílstjóri að bíða eftir túr.

[Jenný Anna Baldursdóttir, 27.3.2008 kl. 23:50]

Hahahaha!

[Ásthildur Cesil Þórðardóttir, 28.3.2008 kl. 00:43]

Leigubílstjórar hafa lent í því að taka upp "farþegar" sem hafa svo ekki verið í bílnum þegar komið var á áfangastað Ragnheiður mín  Nokkru sinni lent í svoleiðis ?

[Ragnheiður , 28.3.2008 kl. 08:17]

Nei ekki get ég nú sagt það Ásthildur, íslenskar afturgöngur eru orðnar umhverfisvænar og þær virðast taka strætó bara

[Jenný Anna Baldursdóttir, 28.3.2008 kl. 08:19]

Ætli það séu reimleikar hjá BSR??? Ómægodd.