Fjólublár viðbjóður

 

Ég hef ævarandi ofnæmi fyrir fjólubláa litnum sem var í tísku 196tíuogeitthvað þegar ég var gelgja.  Ég átti kjól í þessum lit, skó, spöng, jakka, hárband, sólgleraugu, hring, úrfesti og ég veit ekki hvað og hvað.  Þessu sló svo illa inn, að enn í dag get ég ekki á heilli mér tekið þegar ég sé þennan lit.  Þetta er svona svipað ástand sem ég upplifi gagnvart fjólubláa viðbjóðnum og ég ímynda mér að naut gangi í gegnum tilfinningalega (músímúsí) þegar rauðri dulu er varpað framan í það.

Ég veit að það er ekki vinsælt, en ég ætla að blogga um Júróvisjón, af því ég þarf tilfinningalega útrás á því dæmi öllu.  Þetta lag sem vann sá ég og heyrði einu sinni og ég er búin að gleyma því (guði sé lof) og ég var ekki gagntekin og heltekin.  Þetta hefur ekkert með flytjendurna að gera, nema fjólubláa átfittið sem þau veifuðu framan í mig og gerðu sig um leið ódauðleg í huga mínum ().

Það sem ég sá og þoldi, var lag sem Pálmi söng, eftir Magga Eiríks og svo féll ég gjörsamlega fyrir stráknum hennar Andreu (man ekki nafn á honum eða nafn lagsins), en hann var með æðislega útgeislun strákurinn.  Og mikið rétt, lag með Svölu Björgvins (Wiggle Wiggle song) var líka vel hlustandi á.

Upptalið og búið.  Ég veðja alltaf á rangan hest.

Ég held ennþá með Silvíu Nótt og vildi hafa hana sem árlegan viðburð á Júróvisjón.  Hún er svo sjarmerandi þessi stelpa.

En eins og maðurinn sagði þá er Júróvisjón til margra hluta nytsamlegt. 

Kjötkaupmenn gleðjast.

Grillseljendur eflast.

Áfengis og tóbaksverslunin þarf að ráða meira fólk.

Auglýsendur fá raðfullnægingar yfir gróðanum.

Svo má blogga um þessa plebbaráðstefnu alveg endalaust og botnlaust.  Bæði fólk eins og ég sem  urlast upp af þessum viðburði og líka þeir sem elska að fylgjast með.

Að þessu samanlögðu er Júróvisjón þjóðþrifamál þrátt fyrir fjólubláa viðbjóðinn.

La´de svinge!  Takið nú vel eftir þeim fjólubláa.  Hann er greinilega ávísun á sigur. 

Újeeeeeeeeeeeeeeeeeeeeeeeeeeeee

Óljóst með Eurovision-myndband í ár

Athugasemdir

[Edda Agnarsdóttir, 19.3.2008 kl. 11:34]

Ææ Euróvision.

Fjólublái liturinn er hins vegar eitthvað sem ég er hugsi yfir. Keypti mér einn fjólubláan kjól í sumar eftir áeggjan búðarkonunnar og systur minnar sem sögðu að hann færi svo vel við gráa hárið mitt, vitandi það að maðurinn minn þolir ekki þennan lit og ég hef held ég aldrei átt fjólubláa flík, enda ekki hrifin af litnum í fötum nema í undantekningartilvikum. En í kjólin fór ég einu sinni út á götu í Kaupmannahöfn þar sem hann er keyptur og ekki söguna meir, en næst þegar við hittumst þá veit ég í hverju ég á að vera!

[Jenný Anna Baldursdóttir, 19.3.2008 kl. 11:46]

Edda, ertu ekki hrædd við að ég brjálist yfir litnum eins og nautin þú veist.  Muhahahaha

[Ásdís Sigurðardóttir, 19.3.2008 kl. 11:46]

Fjólublátt ljós við barinn, ekki gleyma því.  Fjólubláar páskakveðjur til þín darling       

[Ásthildur Cesil Þórðardóttir, 19.3.2008 kl. 11:58]

Ég elska fjólubláan lit, hann klæðir mig líka vel. Og ég fíla lagið sem fer út mjög vel hehehehe... En ég elska þig líka Jenný Anna, þú lífgar svo sannarlega upp á mína tilveru á hverjum degi og oft á dag stundum. 

[Ragnheiður , 19.3.2008 kl. 11:59]

Æj ég er laus við að hafa nokkurntímann elt tískuliti að ég slepp alveg en þennan lit þykir mér svolítið vænt um. Hann minnir mig á fyrrum tengdó sem elskaði hann.

Kær kveðja, fjólublá kveðja til þín Jenný mín

[Hrönn Sigurðardóttir, 19.3.2008 kl. 12:05]

Hvað ég er sammála þér með fjólubláa litinn!!! Ég lít út eins og páskalamb á leið til slátrunar í honum. Kýs að leggjast fyrir þegar búðir fyllast af fötum í þessum lit og rísa ekki upp fyrr en á þriðja degi.....

[Hrafnhildur Ýr Vilbertsdóttir, 19.3.2008 kl. 12:18]

Stelpur stelpur, þetta er geggjaður litur, langar að mubla allt upp hjá mér í þessum lit og klæðast honum líka....var í honum þegar ég fór í hitting til Eddu..... og verð kannski í honum þegar ég hitti þig elskan Passaðu bara að vera í flatbotna þá.....þá verður þú svo fljót að ná mér, spretthörð eins og naut.   Er hins vegar sammála með smekk á júróvision tónlist, Bjartur (hennar Andreu) var góður og svo Svala, púnktur og basta

[Sigrún Ósk Arnardóttir, 19.3.2008 kl. 13:29]

ohhh ég elska fjólublátt og bíð þér hér með í heimsókn á mitt fjólubláa blogg

[Steingerður Steinarsdóttir, 19.3.2008 kl. 14:25]

Fjólublár er held ég litur andlegrar visku eða eitthvað svoleiðis ef marka má einhver nýaldarfræði. Ég kann ágætlega við hann og finnst hann svolítið royal. Júróvisjón fer hins vegar gersamlega framhjá mér ár eftir ár.

[Hugrún Óladóttir (IP-tala skráð) 19.3.2008 kl. 14:43]

Gaman að þessu með hvað við þolum og ekki þolum .... yfirleitt ..... geta verið litir eða hvað annað. Það sem við ekki þolum þarf einmitt að skoða betur ..... Einu sinni þoldi ég ekki fjólublátt, hataði litinn ..... mér bara svona datt það í hug þegar ég las þinn mergjaða texta ;)

[Guðríður Hrefna Haraldsdóttir, 19.3.2008 kl. 14:53]

Sko Steingerði ... ekki nóg með að þetta sé andlegur viskulitur (held ég) þá hef ég eftir öruggum heimildum (Feng Shui) að hann laði að sér peninga. Þú sem sagt þolir ekki peninga ... múahahahahhaah! Hægt að fela eitthvað fjólublátt í vinstra horni stofunnar (fjær inngangi) og þar með fer allt að rúlla.

[Jenný Anna Baldursdóttir, 19.3.2008 kl. 14:53]

Hugrún: Merkilegt hvað maður getur fengið nóg af einhverju.  Hehe, skil þig vel.

Steingerður: Fjólublái liturinn er eimitt mjög andlegur litur og sem slíkur er hann fallegur, en ekki í klæðum takk fyrir.

Sigrún Ósk: Tékka á litnum hjá þér.

Búkolla, Ragga og Ásdís: Svona er smekkurinn misjafn.  Fyrir tísku og sjónavarpsefni. Sem betur fer.

Hallgerður: Verð aldrei höll undir kirkjur og guðsmenn, en ég verð mösímössí þegar tímamót verða í fjölskyldunni eins og þegar hann Jökull fermdi sig.  Oh, hann var svo sætur í jakkafötum og rauðri skyrtu.  Frumburður!! MYNDIR TAKK!

Krumma: Og á ég svo að koma í heimsókn til þín norður í þessi ósköp?

Hrönn: Þú myrðir mig!