Saurstofan hættuleg heilsu fólks

Og mér er að blæða út.

Húmorinn er farinn, það er einfalt mál.  Ég var að horfa á Spaugstofuna á netinu og mér stökk ekki bros.  Fyrir nú utan hvað mér finnst lélegt að gera grín að mögulegum veikindum borgarstjórans, þó ekki sé ég hrifin af honum.  Hversu lágt er hægt að leggjast?

Ég legg nú eiginlega til við toppana hjá RÚV og þá karla sem ráða dagskránni að Randvera allan hópinn.  Svo löngu tímabært.  Mikið djö... sem þetta er orðið leiðinlegt. 

Kvöldið er ónýtt, ég er farin að sofa, hágrátandi. 

Síðasta vika hefur verið gósentíð fyrir háðfugla.  Afrakstur kvöldsins; ekki félagheimilistækur, þar sem dagskrá er sett fram í flýti af heimamönnum.

Bömmer, en ekki bara núna,heldur á hverjum laugardegi í vetur.

 Svo kemst ég ekki yfir þennan kvikindisskap með borgarstjórann, í Lansabúningum, hann sýndur geðveikur að því best verður séð.

Andskoti langt seilst.

Ojbara og sveiattann.

Athugasemdir

[Hugarfluga, 27.1.2008 kl. 00:41]

Sá'etta ekki, en ef þetta er málið, þá segi ég amen sistah.

[Jóhanna Magnúsar- og Völudóttir , 27.1.2008 kl. 00:41]

Mikið innilega er ég sammála þér. Smekkleysa, endurtekningar á sömu ,,bröndurunum" og ónærgætni í nærveru sálna einkenndi þáttinn. Spaugstofan er OUT ...

[Brattur, 27.1.2008 kl. 00:44]

... mér fannst Spaugstofan óvenju fyndin og eiginlega bara sprenghlægileg... góður þessi sem lék borgarstjórann...

over and out...

[Kjartan Pálmarsson, 27.1.2008 kl. 01:19]

Nei þá er Bylgjan ,,björt og brosandi'' betri kostur.

[Tiger, 27.1.2008 kl. 01:22]

Mér fannst spaugstofan hin hressilegasta í kvöld - þrátt fyrir það að ég hafi nú ekki verið mjög ánægður með að umtöluð veikindi núverandi borgarstjóra hefðu verið svona áberandi. Hinn efnilegi Ellert Eiríksson, borgarstjóri spaugstofumanna, var mjög góður en mér hefði fundist veikindin mega vega mun minna í þættinum.

Hnífstungur undirferli náðust vel hjá þeim og ég bara hreinlega brosti duglega í fyrsta skipti í langan tíma yfir spaugstofuþætti. Vonandi var þessi þáttur loforð um fleiri slíka á komandi helgum.

[Fishandchips, 27.1.2008 kl. 01:37]

Alveg sammála þér Jenný. Það á ekki að ráðast á persónur stjórnmálamannanna og kvennanna. Það er lákúra.

Er svo ópólitísk sem hægt er, skila yfirleitt auðu í kosningum. Fyrir mér er þetta allt sami grautur í sömu skál,ár eftir ár.

En gat ekki nema vorkennt Ólafi, þetta er yndislegur maður. Hann var einusinni heimilislæknirinn minn. Og allt honum að þakka að ég á 2 syni í dag, en ekki 1

En ég er ekki sammála því sem er að ske í borginni, en það bara má ekki persónugera þessi leiðinda stjórnmál.

[Þuríður Björg Þorgrímsdóttir, 27.1.2008 kl. 01:38]

Mér fannst Spaugstofan ágæt, en Hrúturinn Hreinn var samt betri...

[Guðmundur G. Hreiðarsson (IP-tala skráð) 27.1.2008 kl. 01:49]

Þetta var á ömurlegu plani, þeir hefðu allt eins getað farið að dæmi bavíana og gert í lófann og kastað afrakstrinum í áhorfendur. Við tók hinn langdregni þáttur Laugardagsleiðindin, sem gengur út á að teygja leiðindi reglulega að slitmörkum; en þó ekki lengra. Margir halla sér að flöskunni á svona kvöldum.[ROP]

[ee (IP-tala skráð) 27.1.2008 kl. 02:08]

Það var mikið sem var athyglisvert í sjónvarpinuí  í dag. Það var þemakvöld sjálfstæðisfólksins og endaði með Spaugstofunni.

Það byrjaði með húsunum á Laugaveginum með menntamálaráðherra, sem vitnar til heildarmyndar. Svo yfir til samkomu flokksins á Hótel Sögu, þar sem að einhvers konar réttlæting ályktas um að borgarbúum líði best þegar sjálfstæðisflokkurinn stjórni borginni. Svo frétt á eftir til raftæknierfiðleika á sjúkraskrám Landsspítalans, þar sem að viðræddur læknir á einhvern hátt andar "afsökunartón" með að yppa öxlum, kannski yfir því að persónuvernd er ekki til staðar ef þörf er á "upplýsingum", til þarfa sérhagssinna.  Þannig játa þeir beint á sig að þáttaka hefur verið virk í sambandi við upplýsingar úr sjúkraskýrslum. Þar á eftir kemur svo Spaugstofan. Frábært þema.

[Hrafnhildur Ýr Vilbertsdóttir, 27.1.2008 kl. 02:27]

Ég hætti að horfa á spaugstofuna fyrir 10 árum síðan.... slysaðist til að skipta yfir á stöð eitt í kvöld og varð bumbult af þessu lélega og ósmekklega gríni. Þessir annars ágætu leikarar virtust þar að auki gera þetta með hangandi hendi, sketsar illa útfærðir og þeir eru alltaf eins....geldir.

Svo er maður náttla búin að stilla á sig klukku í fyrramálið til að hlusta á þáttinn á bylgjunni.....hlakka til. 

[Brjánn Guðjónsson, 27.1.2008 kl. 02:31]

við erum greinilega mis ferköntuð, mannfólkið.

ég hafði gaman að spaugstofu kvöldsins. enda kom mér ekki til hugar að verið væri að gera grín að þeim veikindum sem Ólafur hefur átt í, heldur að verið væri að afbaka þá umræðu um þessu tilteknu veikindi hans. sú umræða, um þessi veikindi, hefur nefnilega sumsstaðar verið á lágu plani.

á sama hátt voru þeir að gera grín að umræðu um hnífstungur. ekki að hnífstungum sem slíkum.

svona upplifði ég þetta allavega. það er einmitt málið með skop. sumir ná því en aðrir ekki.

[Guðborg Eyjólfsdóttir, 27.1.2008 kl. 02:37]

Þetta var alveg hreint ömurlegt að gera grín að hans veikindum, það var kanski dáldið fyndið með þessar hnífstungur og allt það en er verið að reyna að brjóta blessaðann manninn niður aftur.

[Theódór Norðkvist, 27.1.2008 kl. 02:45]

Hin ríkisstyrkta Spaugstofa hefur margoft farið yfir strikið í þáttum sínum. Mér fannst þeir ekki gera það í kvöld.

Ég hélt reyndar að það væri nóg að sýna fréttamyndir frá atburðum liðinnar viku í borgarmálum til að sýna fram á fáránleikann, en spaugstofumönnum tókst að gera mjög beitta og fyndna háðsádeilu úr atburðarásinni.

[Jón Steinar Ragnarsson, 27.1.2008 kl. 03:27]

Mér fannst brandarinn um Margréti sem Marg grét og brandarinn um að Villi væri miklu valtari en valtarinn, standa uppúr. Algerlega sko.

[Einar Örn Einarsson (IP-tala skráð) 27.1.2008 kl. 06:29]

Sammála Jenný.

Að vísu fór ég ekki tárfellandi í kojuna.

Er enn að hlæja að atriði hjá stelpunum á föstudaginn.

Ekki prenthæft hvað ég hugsaði eftir það.

10 maríubænir og hananú

[Gunnhildur (IP-tala skráð) 27.1.2008 kl. 08:10]

Já, þetta var sko verulega fyndin Spaugstofa, ég skellihló oft og mörgum sinnum. Þeir gera grín að öllum og þetta er ekkert meira nastí en bara grínið að Dabba, Denna og Dóra, Guðna, Bjarna Harðar og Helga Sæm í gegnum tíðina. Ég held að Énný blessuð ætti að slaka doldið á fýlugenunum... fara grenjandi í bælið út af húmornum í Spaugstofunni? Er ekki eitthvað annað og meira að?

[Jenný Anna Baldursdóttir, 27.1.2008 kl. 08:15]

Ekki misskilja mig gott fólk, nánast ekkert er hafið yfir húmor.  Mér fannst þeir ekki fyndnir, einfaldlega, og það í sjálfu sér er ekkert umkvörtunrefni pc.  Við erum með misjafnan húmor.  Hnífstungurnar fóru ekkert fyrir brjóstið á mér, en eins og ég sagði, þá fannst mér það ekki fyndið.  Mara-Grét var ágtæt.

Saurstofunafnið vísar hinsvegar í þetta skelfilega lága plan að gera grín að veikindum Ólafs, sumt er nefnilega hafið yfir fíflagang og ég fékk hálfgert ógeð á að þeir skyldu fara niður á það plan.

Aöl er Spaugstofan eins og ávallt, frekar leiðinlegt og þreytt efni sem mætti löngu verið búið að skipta út fyrir nýja og ferska hæfileikamenn og fólk.

[Jenný Anna Baldursdóttir, 27.1.2008 kl. 08:18]

Og í alvörunni:  Þið hérna sem haldið að ég hafi farið grátandi í rúmið, hehemm, það er eitthvað að ykkar húmor.

Djísúskræst.

Jæja er að fara í viðtal til hennar Valdísar vinkonu minnar. Síjú

[Hrönn Sigurðardóttir, 27.1.2008 kl. 08:33]

Ég sofnaði yfir spaugstofunni - hún var nú ekki fyndnari en það....

Gangi þér vel - smjúts

[Jenný Anna Baldursdóttir, 27.1.2008 kl. 08:38]

Kjartan: Góður, var að fatta þennan ca. hálftíma síðan.  Launfyndin ertu drengur.  Ég er í kasti hérna.

Takk Hrönnsla mín

[Ásthildur Cesil Þórðardóttir, 27.1.2008 kl. 08:50]

Ég er sammála þér Jenný mín um að það er verulega ósmekklegt að gera grín að veikindum fólks, og ennþá sárara er að sjá að fólki finnst það bara allt í lagi, af því að það hefur illan bifur á manninum.  Ég á reyndar ekki orð til, eftir allt þetta hafarí.  Ég held að menn ættu að skoða sinn hug, og huga að því að þá gröf sem það grefur öðrum vill stundum vera þannig staðsett að maður sjálfur detti ofan í hana.  Það gæti farið svo hér.

[Heiða Þórðar, 27.1.2008 kl. 08:51]

Ekki ein einasta brosgretta úr mínu andliti. Langt langt langt yfir strikið...stundin er að renna upp og ég er rétt stillt. Gangi þér vel elsku Jenný mín.

[Margrét Össurardóttir (IP-tala skráð) 27.1.2008 kl. 09:06]

Það er og verður ávallt ósmekklegt að gera grín að veikindum fólks finnst mér, ekki stökk mér bros á munn. Hnífaköstin tókust hins vegar vel hjá þeim en að öðru leyti fannst mér ekkert varið í þetta. Þeir mega hætta mín vegna, orðið löngutímabært.

[Jóhann Hannó Jóhannsson, 27.1.2008 kl. 09:10]

Þetta var á alltof lágu plani- veikindi manna eiga ekki að vera tilefni til árásar á þá.  Förum nú að gefa spaugstofunni frí!!

[Ásgerður , 27.1.2008 kl. 09:21]

Langt síðan ég hef hlegið svona mikið af Spaugstofunni, ekkert endilega af vekinda-grininu, en svona í heildina vel heppnaður þáttur , enda mikið til að gera grín af.

[Óskar Þorkelsson, 27.1.2008 kl. 10:19]

Jenny ég er algerlega ósammála þér og fannst þessi spaugstofuþáttur einn sá allra besti frá upphafi.. það vantaði bara boga og Örvar til þess að ræða málin nánar um þessa geðveiki sem einkennir borgarstjórn.  Þú hefur bara ekki góðan húmör Jenný mín.

[Maddý (IP-tala skráð) 27.1.2008 kl. 10:43]

Þeir misstu sig út í þvælu, húmor þarf ekki að vera einhver bjánalegur ærslagangur, mér stökk ekki bros á vör.

[Brynjar Jóhannsson, 27.1.2008 kl. 11:11]

Sammála.... en ertu fyrst að fata þetta núna ??.. spaugstofan hefur ekki verið fyndin í meira en tíu ár.. Reyndar hefur hún átt sína spretti.. en mér fanst virkilega ósmekklegtt að gera grín af veikindum Ólafs...

[Björg K. Sigurðardóttir, 27.1.2008 kl. 11:46]

Frábært að heyra í þér í útvarpinu - náði reyndar ekki öllum þættinum heldur bara restinni.

Sammála þér með Spaugstofuna. Lélegt og lágkúrulegt hjá þeim.  

[Hrafnhildur Ýr Vilbertsdóttir, 27.1.2008 kl. 11:49]

Ég var vakinn af húsbandinu mínu í morgun, hann færði mér kaffibolla og ristað brauð með osti í rúmið,( það þarf sko engan bóndadag til að vera rómó) kveikti svo á útvarpinu og hlustaði á skemmtilegt viðtal við konu sem mér finnst ég þekkja......takk fyrir mig.

[Guðríður Hrefna Haraldsdóttir, 27.1.2008 kl. 11:52]

Best að kíkja á kvikindið (Sp-st) í tölvunni ... og hlusta svo á þig hjá henni Valdísi, gömlu bekkjarsystur minni úr Austurbæjarskóla. Vona að þátturinn sé á Netinu. Knús í bæinn.

[Jóhanna Magnúsar- og Völudóttir , 27.1.2008 kl. 12:07]

Gaman að heyra í þér ,,Life" í útvarpinu .. .. 

[Raffy (IP-tala skráð) 27.1.2008 kl. 12:11]

Góðan dag.

Þú varst frábær hjá  Valdísi.Dugleg gella

[Ía Jóhannsdóttir, 27.1.2008 kl. 12:20]

Gaman að kynnast konunni bak við öll skemmtilegu bloggin aðeins betur í morgun í þætti Valdísar. Takk fyrir það.

[Ía Jóhannsdóttir, 27.1.2008 kl. 12:24]

Horfði á spaugstofuna hér áðan.  Nú ættu þeir að pakka saman strákarnir.  Þeir fóru langt út fyrir rammann og mér stökk ekki bros.

[Linda, 27.1.2008 kl. 12:34]

Alveg sammála þér, ég átti ekki til orð yfir þessu framferði, og mun ekki horfa á þá félaga aftur, ömurlegt að gera grín að þeim sem eiga við veikindi að stríða

[Sævar Einarsson, 27.1.2008 kl. 12:35]

HAHA, það vantar ekki dramað hjá þér "Kvöldið er ónýtt, ég er farin að sofa, hágrátandi." það fengu allir góðan og vænan skammt af skotum, eða hnífasettum í bakið og Villi og Bingi einna mest. Ólafur hækkaði í áliti hjá mér að hafa sagt frá sínum veikindum og ættu fleiri pólitíkusar að taka hann til fyrirmyndar hvað það varðar.

[Edda Agnarsdóttir, 27.1.2008 kl. 12:40]

Hæ gæskan. Verst aðð ég skildi ekki láta Ingu vita af viðtalinu við þig - fattaði of seint eins og margt annað. Þú varst yndislega frábær í viðtalinu.

Slapp alveg við að horfa á saurinn í gærkvöldi, var í áttræðisafmæli móðursystur minnar.

[Theódór Norðkvist, 27.1.2008 kl. 13:01]

Það orkar alltaf tvímælis að gera grín að veikindum fólks.

En ég held að Ólafur hljóti að hafa talið sig vera við hestaheilsu, fyrst hann treysti sér í þennan leðjuslag sem hann hefur lent í og kom af stað sjálfur.

[Sævar Einarsson, 27.1.2008 kl. 13:05]

Dúa, segjum sem svo að einhver mjög valdamikil persóna sem væri kosinn til opinberra starfa, t.d. ráðherra, borgarstjóri eða bara eitthvað opinbert starf, væri djúpt sokkinn í harða eiturlyfjaneyslu, væri það einkamál viðkomandi ? Ólafur er langt í frá að vera dómgreindalaus og ef einhver er með fordóma, þá ert það þú, amk túlkar þú það þannig að ef það er gert grín af veikindum annara séu það fordómar, skammstu þín.

[halkatla, 27.1.2008 kl. 13:44]

ég hef ekki horft á spaugstofuna mjög lengi, og ekki séð sekúndubrot síðan þeir sviku Randver - en án þess að hafa séð þetta ætla ég að vera sammála þér í einu og öllu  held að það sé margt til í því sem Dúa er að segja...

[Baldur (IP-tala skráð) 27.1.2008 kl. 13:56]

kommon!!

Dabbi mætti í áramótaskaupið og lék sjalfan sig sem sjúkling þegar hann var nýbúin að vera veikur í atriði með Ladda sem Saxa lækni.

hefur fólk engan húmor lengur???? 

[Sunna Dóra Möller, 27.1.2008 kl. 14:13]

Ég er sammála þér Jenný, ég þurfti að líta undan í gær þegar verið var að gera grín að veikindum Ólafs í þessum spítalafötum, ég gat ekki horft á þetta! Mér stökk heldur ekki bros á vör og það hefur í raun ekki komið bros lengi þegar ég horfi á þennan leiðinlega þátt! Spurning um að fara að senda þetta sjónvarpsefni í leyfi !

[Lára Hanna Einarsdóttir, 27.1.2008 kl. 14:16]

Hér má hlusta á Bylgjuna í morgun:  http://www.bylgjan.is/?PageID=1901

Alveg stórskemmtilegt! 

[Dísa Dóra, 27.1.2008 kl. 14:25]

Takk fyrir gott viðtal í morgun - við húsbandið skemmtum okkur vel og þú ert bara yndisleg

[Benna, 27.1.2008 kl. 14:30]

Mér fannst spaugstofan þrælfyndin og það sem mér finnst enn meira fyndið er að sjá suma hérna stökkva á nef sér og segja það óverjandi að gera grín af veikindum Ólafs...huhumm hefur ekki margoft verið gert grín af líkamlegum veikindum stjórnmálamanna, eru mörg ykkkar ekki alltaf að segja að það eigi engann greinarmun að gera á líkamlegum og andlegum veikindum með tilliti til getu viðkomandi....nú á þá nokkuð að gera greinarmun á þeim veikindum með tilliti til gríns?

[Steingrímur Jónsson (IP-tala skráð) 27.1.2008 kl. 14:48]

Hér á öldum áður voru það háðfuglarnir sem voru þeir einu sem gátu sagt sannleikann án þess að vera hálshöggnir.  Það virðist vera að það eigi ekki við á Íslandi í dag.

Spaugstofuþátturinn í gær sagði sannleikann frá upphafi til enda - frá Don Davíð til 6527!  Það kemur manni ekkert á óvart að sjálfstæðismönnum finnist sannleikurinn ekki fyndinn!

Þátturinn í gær vakti mig líka til umhugsunar um eftirfarandi:  Ef við horfum á háttarlag Ólafs nú og t.d. í kosningabaráttunni fyrir tveimur - eða jafnvel sex árum - er þetta sami maðurinn?  Í dag er hann hálfvælandi yfir öllum sköpuðum hlut - alls ekki sami kraftur og var í honum áður.

Getur verið að það hafi verið ástæða fyrir því að hann var beðin um vottorð þegar hann kom til starfa?

[Magnús Geir Guðmundsson, 27.1.2008 kl. 15:25]

Sitt sýnist hverjum, ekki ætla ég að segja eitt einasta orð til viðbótar nema hvað fyrr má nú rota en dauðrota!

Slæmur eða ekki slæmur þáttur, húmorslaus eða ekki þarna í gær, ekki fylgdist ég með honum, en kemur það eitthvað málinu við hvort svo viðkomandi hafi ekki horft í tíu ár eða eitthvað? Get ekki séð það né er ástæða til að gera Kalla og Co. af einhverjum allsherjarblórabögglum!? Það styuður allavega ekki neitt í þessari samúðarbylgju hérna og víðar honum til handa, að hamra frekar á því.

SVo ætti fólk að hafa það hugfast með allt þetta hafarí, að í upphafi skildi endin skoða og -Veldur hver á heldur-!

En svo til að gleðja þig annars Jenfo (eða kannski ekki?) þa´vissi ég ekkert um viðtalið, það farið framhjá mér hérna, en hafði samt kveikt aðeins og staldrað við snöggt á bylgjunni er viðtalið var að hefjast. Missti ´þó líka af kynningu gestsins og þegar hann svo hóf upp raust sína, í meira lagi hása og reykingaskotna, hélt ég að þetta væri Margrét Helga Jóhannsdóttir leikona!

Ekki leiðum að líkjast þar ekki satt?

[Gísli Hjálmar , 27.1.2008 kl. 15:46]

... mér fannst Ólafur alveg geðveikt fyndinn!

[Ásthildur Cesil Þórðardóttir, 27.1.2008 kl. 16:06]

Jenný mín ég ætlaði að hlusta á þáttinn sem þú varst í í dag á Bylgjunni, en komst að því að nýjasti þáttur sem kynntur er, er frá 20 janúar, svo ég verð bara að bíða róleg, til að hlusta á eina af mínum uppáhalds. 

[Einar Vignir Einarsson, 27.1.2008 kl. 16:25]

Sæl Jenný.

Ég er sammála þér mér fannst þetta of mikið í gær hjá Spaugstofunni, það er ekkert sem réttlætir háð út af veikindum fólks sama hvernig veikindi það eru.  Einnig var of mikið af hnífstungumálinu.

Ég vil þakka þér fyrir þáttinn í útvarpinu í morgun, gaman að hlusta á það.

[Magnús Jón Aðalsteinsson (IP-tala skráð) 27.1.2008 kl. 16:30]

Mér fannst þetta mjög lélegur þáttur hjá Spaugstofunni, enda ekki verið aðdáandi lengi. Löngu orðið þreytt, og brandararnir rotnir í gegn. Hinsvegar finnst mér asnalegt að gagnrýna þá vegna þess hverju þeir gera grín að. Ekki má gleyma því að það voru pólitíkusarnir sem byrjuðu umræðuna um heilsu Ólafs. Þar af leiðandi er gert grín að því. Ef að ekkert má segja lengur þá væri húmor sem slíkur útdauður.

[Huld S. Ringsted, 27.1.2008 kl. 16:45]

Ég horfi aldrei á spaugstofuna, finnst hún einfaldlega ekki skemmtileg. En afskaplega finnst mér ósmekklegt hjá þeim að gera grín að veikindum Ólafs, það getur enginn ráðið við veikindi og finnst mér alveg jafn ósmekklegt að gera grín að andlegum veikindum eins og líkamlegum. Ég er eiginlega bara fegin að hafa ekki horft á þennan pínlega þátt.

[M, 27.1.2008 kl. 17:11]

Gaman að hlusta á þig í morgun hjá Valdísi. Stillti meira að segja vekjaraklukkuna á sunnudagsmorgni

[Frelsisson (IP-tala skráð) 27.1.2008 kl. 17:20]

ÞAÐ ER MJÖG LÉLEGT AÐ LEITA AÐ ATHYGLINNI MEÐ ÞESSUM HÆTTI... FANNST ÞETTA MEÐ ÓLAF F. MJÖG ILLA GERT OG ÞEIR ÆTTU AÐ SKAMMAST SÍN.

[Gunnar (IP-tala skráð) 27.1.2008 kl. 17:52]

Þetta var einn allrabesti Spaugstofuþátturinn ever...!!!

Ég held að það sem væluskjóðurnar hér, sem vorkenna aumingja veika borgarstjóranum, eru að væla útaf, er hvað Ellert Eiríksson leikari var óhugnarlega líkur borgarstjóranum. Það var alveg sláandi og örugglega það sem væluskjóðurnar eru að krebera á. Þær sáu borgarstjórann í Spaugstofunni, en ekki einhvern leikara. Kommon! Ekki svona fúllyndi takk!

[Edda Agnarsdóttir, 27.1.2008 kl. 18:34]

Þetta er eins og með brennivínið ef þið skiljið það betur, að þeir sem komast ekki út úr skápnum með það, er ekki hægt að grínast að á opinberum vettvangi!

Tökum dæmi af manni í pólitík, það vita allir í kring um hann að hann er næstum óstarfhæfur vegna drykkju - en viðkomandi er ekki tilbúin að gera neitt i sínum málum er leiðin þá að gera grín að viðkomandi opinberlega?

Pólitíkus fer í áfengismeðferð og byrjar aftur að vinna, fær stórt embætti eftir skamma dvöl í starfi eftir veikindin, er þá raunhæft að gera grín af áfengisneyslu viðkomandi án þess að hann hafi tilkynnt eða fjallað um það opinberlega að hann hafi verið veikur og gefi tóninn um að það sé í lagi?

Davíð Oddsson varð sér einu sinni til skammar á opinberum vettvangi þegar hann tók á móti Bridges liðinu forðum og sagt að hann hafi drukkið þeirra skál úr Bermúdaskálinni, ég hlustaði á Davíð í útvarpinu þetta kvöld í flugstöðinni og hann drafaði en var glaður, en það er ekki nóg að vera glaður og kenndur/fullur á opinberum vettvangi sem forsætisráðherra Íslands og hann fékk fyrir vikið sneiðar sendar.

Þarna varð hann sér til skammar á opinberum vettvangi í starfi. Ég veit ekki til þess að Ólafur hafi orðið sér til skammar á opinberum vettvangi.

Gylfi Gylfason tekur stórt upp í sig og segir/fullyrðir að Ólafur sé geðsjúkur maður! Ef fólk er geðsjúkt að mínu áliti þá er það inni á spítala eða hliðstæðri stofnun. Ef fólk á við geðræn vandamál, sem ég vil meina að 90% þjóðarinnar eigi í og 70% ómeðvitað, þá leita þessir 20% sér aðstoðar og fá hjálp í flestum tilfellum en sumir verða mjög veikir alveg eins og ef um krabbameinsjúkdóm ræðir, sumir ná sér aðrir ekki.

Ef einhver nær sér af krabbameini og snýr aftur til vinnu fær stöðuhækkun, er þá hægt að álíta sem svo að vikomandi sé ekki starfi sínu vaxin og til að leggja áherslu á það að þá er best að tala um viðkomandi sem KRABBMEINSSJÚKANN!

Góðar stundir. 

Sorry Jenný mín.

[Margrét (IP-tala skráð) 27.1.2008 kl. 19:25]

Sæl,

Það eru ekki til nein orð til að lýsa skelfilegum spaugstofuþætti í gær.  Þetta var ekki grín í mínum huga og tel ég mig nú hafa húmor fyrir svona allflestu.  Hrein skömm.

[Anna Ólafsdóttir (anno) (IP-tala skráð) 27.1.2008 kl. 19:46]

Mér fannst alveg sjálfsagt að gera grín að Ólafi eins og gert var grín að Villa, Degi, Binga og öllum hinum.

En mér fannst ekkert gott við grínið nema 6527. Ástæðan?: Jú, ég held að ég sé búin að hlusta á Ólaf nefna þessa tölu upp á hvern einasta dag, mörgum sinnum á dag, í hverju einasta viðtali sem tekið hefur verið við hann.

Með þessu gaf hann einfaldlega færi á sér. Rétt eins og Davíð forðum með Bermúdaskálina. Restin af gríninu með honum fannst mér lélegt.

[Anna (IP-tala skráð) 27.1.2008 kl. 20:04]

Sammála þér Jenný Anna. Kominn tími til fyrir Spaugstofuna að pakka saman. Þeir gerast æ lélegri blessaðir, útbrunnir og ekki hætis hót fyndnir.  Lágkúran að gera grín að veikindum fólks sló allt út og ég hélt satt að segja að Spaugstofumenn hefðu aðeins meira vit í kollinum en að nýta sér sögusagnir og kjaftasögur. Og gott á þá að Ólafur F. Magnússon skyldi sjálfur koma með sannleikann bæði í 24 stundum og Fréttablaðinu þennan dag. Þá sá maður að þessir strákar eru að vinna Spaugstofuna í íhlaupavinnu, hafa greinilega fengið "lasleikahugmyndina" og útfærslu hennar fyrsta daginn sem byrjað var að ræða þau mál, því ekki var þeim fylgt eftir. Enda engu að fylgja eftir þegar sannleikurinn liggur fyrir. En þegar kjaftasögurnar blómstra, já, þá hefur Spaugstofan úr einhverju að moða. Ætla rétt að vona að Þórhallur Gunnarsson sjái sóma sinn í að endurnýja ekki við þá samning næsta vetur. Þreyttir gamlir og húmorslausir menn? Nei, við þurfum á öðru að halda á laugardagskvöldum takk.

[Þórður Runólfsson (IP-tala skráð) 27.1.2008 kl. 20:26]

Sá spaugstofuna aftur í endursýningu. Verð að seigja að hún var tær snilld. Hélt að þeir væru útbrunnir.

Hárbeitur húmor .

[Jenný Anna Baldursdóttir, 27.1.2008 kl. 21:17]

Anna: Mér finnst eingan veginn í lagi að taka mögulegan sjúkdóm af andlegum toga og gera grín að honum, ekki frekar en gert væri grín af alvarlegum líkamlegum sjúkdómum.  Algjörlega yfir markið.  Ég er svo langt í frá stuðningsmaður Ólafs og ekki hrifin af honum fyrir fimm aura en þarna var klárlega farið yfir mörkin.

Þetta er ekki sambærilegt öðru gríni í þættinum.  Nýjasti djókurinn mun vera að  Ráðhúsið muni hér efitr ganga undir nafninu Gaukshreiðrið.  Ég hlæ: Hahahaha

Ægir: Kæri mig ekki um að banna neitt en ég áskil mér rétt til að hafa skoðun á dagskrá sjónvarps allra landsmanna.  Við eigum fullt af frábærum ungum gamanleikurum.  Er ekki alveg kominn tími á að prufa eitthvað nýtt?  Eða stendur það í biblíunni að spaugstofan skuli fylgja útvarpinu alllt til enda?

[Benedikt Sigurðarson, 27.1.2008 kl. 21:36]

Hvað ósköp eru þetta;  Spaugstofan getur ekki verið sökudólgur,   - það eru Villi og Ólafur F sjálfur.   Það er hann sem nefnir sibylju tölun 6527 - eins og biluð plata - og það er hann sjálfur sem lætur eins og alvarleg veikindi manns sem ætlar að takast á við líklega erilsamasta starf í opinberu lífi.   Ábyrgð á vitleysunni er auðvitað hjá þeim Sjálfstæðsimönnum - sem leiddu hans til valda - og vita að hann veldur þeim ekki..........  Þetta veit Hanna Birna og Geir Haarde og þeir sem lýsa áhyggjum á fundum Sjálfstæðisflokksins

Grínmaskínurnar hafa auðvitað pólitísk hlutverk - sérstaklega þar sem afneitunin er í algleymingi og Mogginn skrifar sig út af hatri.   Jenný er nú með smá-afneitunar-slagsíðu - eða hvað

[Edda Agnarsdóttir, 27.1.2008 kl. 21:39]

Já það er gott innlegg í málið sem heild að gagnrýna Moggann fyrir sína endemis vitleysu - eeen eftir stendur að fullmikið er af ótrúlegum sleggjudómum og særingumum Ólaf og er nóg að skoða mbl bloggið - hneisa.

[Steingrímur Jónsson (IP-tala skráð) 27.1.2008 kl. 22:05]

Jenný:  Það er ágætt að þú gleymir þér í aukaatriðum eins og mótmælum og spaugstofu því að allur almenningur veit betur og gleymir ekki hvert upphafið af þessu öllu saman var:  Algjört virðingarleysi Sjálfstæðisflokkins við lýðræðið í landinu og hvernig þeir opinberuðu sig sem gjörspilta og valdasjúka, tja, mafíu sem á ekkert skilt við stjórnmál.  Þú afsakar samlíkinguna, en ég held að það sé ekki til neitt orð í íslensku sem lýsir þessari starfsemi betur en þetta.

"Flokkurinn" hefur skýlt sér bakvið að búa til málefnasamning - en það er ekki nóg með að þar hafi flest mál hans verið sett á brunaútsölu - einungis tveimur sólarhringum eftir að nýi meirihlutinn tók við voru sjálfstæðismenn búnir að afneita stærsta atriðinu í samningnum - frábær málefnasamstaða það í þessum nýja meirihluta!

En segjum sem svo að þessi meirihluti haldi út kjörtímabilið á þessum málefnasamningi...  Hvernig heldurðu að kjósendum "flokksins" líki niðurstaðan?  Það er ekki séns að það náist að framkvæma eina málið sem sjálfstæðismenn komu inn í "málefnasamninginn" - þ.e.  gatnamótin við Kringlumýrarbraut/Miklubraut - Samgönguráðuneytið mun aldrei nokkurn tíma samþykkja það!

Og fjárhagur Reykjavíkurborgar - sem var meðal bestu sveitarfélaga í landinu hvað það varðar, hvað sem öllum falsópum um annað varðar - verður komin gjörsamlega í rúst eftir að sjálfstæðismenn verða búnir að verða við öllum kröfum Ólafs.

Sjálfstæðismenn verða fegnir ef þeir ná þessum 35% atkvæða sem þeir hafa þó nú!

[Jenný Anna Baldursdóttir, 27.1.2008 kl. 23:22]

Steingrímur, er ansi langt frá því að vera stuðningsmaður íhaldsins.  Hvað  þá heldur Ólafs.  Það eina sem ég vil ræða hér er sú skoðun mín að Spaugstofan sé gengin sér til húðar (að mínu mati, ekki allir með sama húmor) og að mér finnist það afburða ósmekklegt að gera grín að mögulegum geðrænum veikindum Ólafs.  Mér finnst það illa gert.

[Steingrímur Jónsson (IP-tala skráð) 28.1.2008 kl. 01:13]

Jenný, ég bið þig innilega afsökunar - það síðasta sem ég vil gera heiðvirðu fólki er að kenna það við sjálfstæðisflokkinn!

Málið að þessi umræða um mótmælin í ráðhúsinu og spaugstofuþáttinn í gær er smámál í samaburði við það sem gekk á áður.   Hvort sem Ólafur F. eða Vilhjálmur Þ. eru eru fílhraustir þá geta þeir engum öðrum en sjálfum sér kennt um að það sé gert grín að þeim. 

[Bjöggi (IP-tala skráð) 28.1.2008 kl. 01:25]

Steingrími hérna finnst greinilega allt í lagi að gera grín af veikum mönnum ef þeir eru ekki í sama flokk og hann.

[Eva Benjamínsdóttir, 28.1.2008 kl. 02:41]

Ég held að öllum sé hollt að fá í æð hjá spaugstofumönnum, þetta djöfuls valdabrölt sem veður hér uppi. Það er ekki litið til lýðræðis fólksins, þetta er einræði.

Og ég sakna svo Dags, hann er svo heilbrigður.

[Linda (IP-tala skráð) 28.1.2008 kl. 09:19]

En þetta voru ekki bara "veikindi"! Hann varð fyrir mjög persónulegu falli og dró sig í hlé vegna þessa. Það er ekki hægt að líkja þessu við sykursýki eða uppskurð.

Hvað ef það er dauðsfall í fjölskyldu og því fylgir þunglyndi? Er þá í lagi að gera grín? Þetta er munurinn fólk! Það er ljótt að veitast að manneskju sem að missir eitthvað í lífinu og á erfitt uppdráttar eftirá. Skammist ykkar.

[Guðrún (IP-tala skráð) 28.1.2008 kl. 10:07]

Dúa. Hversu hrokafullur er hægt að vera? Það er til fólk sem er á annari skoðun en þú. Ég veit að þú átt erfitt með að trúa því en þannig er það nú bara samt.

Deal with it.

[Number Seven, 28.1.2008 kl. 10:08]

Vildi gjarnan fá að segja hér nokkur orð. 

 Í fyrsta lagi hefur spaugstofan í gegnum árin oft talað mjög persónulega um menn og málefni.  Til að mynda var iðulega gert grín að Halldóri Ásgrímssyni sem hálfgerðum heimskingja.  Ekki var það talið ósiðlegt var það?

Í öðru lagi hefur verið gert grín af veikindum fólks í spaugstofunni áður.  Til að mynda var Örn Árnason í samskonar klæðnaði þegar hann lék Davíð Oddson þegar hann lennti í sínum veikindum.  Ekki var það talið ósiðlegt var það?

 Í þriðja lagi - og hérna komum við kannski að máli málana.  Þunglyndi.  Af hverju má ekki ræða um það eins og aðra sjúkdóma?  Er það háð öðrum lögmálum?  Er ástæða til fyrir að fela það eitthvað frekar en að menn hafi verið skornir upp við botnlangabólgu?  Hversu mikil er hræsni fólks sem talar hér um ósiðlega framkomu spaugstofunnar?  Af hverju má ekki ræða um þunglyndi eða gera grín að þunglyndi?  Hvers vegna er það tabú í okkar þjóðfélagi að fjalla um þunglyndi þegar um er að ræða einkenni sem hrjáir 15-20% fólks einhverntíma á lífsleiðinni?

Sjálfur hef ég átt við þunglyndi að stríða.  Ekki ætla ég að gera á nokkurn hátt lítið úr veikindum þess sem lendir í þeim andskota.  Hins vergar ná margir sér upp úr þeim og komast til fullrar heilsu með hjálp sérfræðiaðstoðar og lyfja.  Hitt er annað mál að þunglyndi eru andleg veikindi.  Það þarf vonandi ekki þunglyndissjúkling til að skýra fyrir fólki að andlegt álag, stress og ónóg hvíld eru þættir sem ýta undir þessa "tilfinningu".  Allt eru þetta þættir sem ég þarf að huga að og veit mæta vel sjálfur að langtíma álag eykur líkurnar á endurteknum veikindum.  Sjálfur þekki ég þá daga þegar maður "dettur örlítið niður" og einnig þá daga þegar maður kemur sér ekki fram úr rúminu. 

 Ég ætla ekki að dæma það hér hversu viturlegt það var af Ólafi að taka að sér starf borgarstjóra.  Hins vegar vona ég að þetta verði til þess að umræðan um þunglyndi aukist í kjölfar þess og hún verði opin og hreinskilin.  Og hvað bannar þá að gera grín af því eins og hverju öðru. Ósiðlegt að gera grín að botnlangabólgu?  Kannski.  Hinsvegar var ekki verið að gera grín að sjúkdómnum heldur fyrst og fremst persónunni.  Ég hlæ reglulega að vitleysunni í sjálfum mér.  Það er ekki eins og þunglyndissjúklingar geti ekki hlegið eða hafi ekki húmor.  Raunar er það besta "lækningin" Ef fólk er hinsvegar að aðgreina það þegar um andleg veikindi er að ræða í stað líkamlegra, þá ætti það kannski að velta fyrir sér eigin hræsni.  Eða þá að viðurkenna það að andlegir sjúkdómar hafa áhrif á persónu manna meira en líkamlegir sjúkdómar. 

Ég óska Ólafi velfarnaðar í starfi þrátt fyrir augljósa eiginhagsmunasemi í þessum meirihlutaviðræðum sem sannast kannski helst á því að hann situr nú einn og yfirgefin, með nánast ekkert bakland til að styðja sig í þeim mikilvægu málum sem framundan eru.  Það er hans mál.  Ekki mitt.  Ég hef nóg með mig.

Spaugstofan er ekki hafin yfir gagnrýni.  Hins vegar finnst mér engin ástæða til þess að gagnrýna hana meira eftir þennan þátt heldur en aðra þætti. 

[Svala Jónsdóttir, 28.1.2008 kl. 11:29]

Var ekki gert grín að veikindum Davíðs Oddssonar með svipuðum hætti, og enginn kvartaði? Davíð tók meira aðs egja sjálfur þátt í gríninu, enda greinilega með meiri húmor er núverandi borgarstjóri.

Þessi viðkvæmni gagnvart andlegum veikindum er lítilsvirðandi fyrir þá sem hafa orðið veikir á geði.

[Heimir Hermannsson (IP-tala skráð) 28.1.2008 kl. 12:12]

Ef þetta er grín þá misstu þeir af góðu tækifæri, þeir hefðu átt að hafa Randver með í hnífabrandaranum, þeir settu nú hníf í bakið á honum á sínum tíma.  Þeir hafa kannski ekki húmor fyrir sjálfum sér.

 Þá hefður þeir geta tekið Örn fyrir þar sem hann væri að leita af týndu fólki, hann er jú að reyna að græða á flugeldasölu í samkeppni við björgunarsveitir.

[Vilhelmina af Ugglas, 28.1.2008 kl. 13:41]

 

Ég hef skrifað margar athugasemdir á blogginu gegn fólki sem notar sjúkdóm Ólafs sem barefli í pólitískum tilgangi. Það er lágkúra af verstu sort.

Ég hlýt hinsvegar að hafa horft á annan þátt en þú? A.m.k. sá ég ekkert sem benti í þá átt að verið væri að gera grín að sjúkdómi Ólafs. Ég held að fólk lesi hluti inní samhengi sem ekki er til.

Það er auðvita fáránlegt að ekki megi gera at í Ólafi bara vegna þess að hann hafi einu sinni verið veikur.

Slík aumingjagæska er engum til góðs. Allra síst Ólafi.

Það er ákveðið úrval fólks sem tjáir sig neikvætt um Spaugstofuna á blogginu. Ef hún er orðin svona léleg, hvers vegna er hún þá ennþá vinsælasta sjónvarpsefni á Íslandi?

[Jenný Anna Baldursdóttir, 28.1.2008 kl. 13:54]

Gottt strákar mínir að þið eruð glaðir.  Vona að Ólafur og Spaugstofan séu jafn hressir.  Umtalið er amk. nógu mikið til að enginn gleymi næstu spaugstofu.  Ætli það verði kúbein með næst?

[Number Seven, 28.1.2008 kl. 16:55]

Hmm Jenný

 Ef Ólafur hefði verið skorinn upp við botnlangabólgu nokkrum dögum fyrir myndun nýs meirihluta - og spaugstofan sýnt hann í sjúkragallanum og í rúminu.... Hefði það breytt einhverju?  

Maðurinn er ný stiginn upp úr veikindum.  Af hverju má ekki fjalla um það af því um er að ræða andlega heilsu?  Eða er þunglyndi eitthvað sem þarf sérstaklega að fela ?  Er það ?  

[Linda (IP-tala skráð) 28.1.2008 kl. 17:14]

Halló!!! Það er ekki hægt að gera samanburð á botnlangabólgu og svona andlegum missir. Maðurinn fékk ekki kvef. Hans erfiðleikar eru ekki vegna vírusar, eða blóðbakteríu. Hann skildi við konuna eftir 37 ár, átti erfitt uppdráttar og dró sig í hlé. Þetta er ekki svona einfallt að hann varð bara "veikur" eins og sumir vilja meina.

Það er ekki sambærilegt að lenda í svona áfalli eins og skilnaður getur verið og botnlangakasti. Andlega hliðin er mikið vandmeðfarnari og algjörlega til skammar hvernig fólk hagar sér í kring um þetta.

[Number Seven, 28.1.2008 kl. 17:28]

Ok - fínt við fengum það á hreint Linda.

 Þýðir það að þunglyndissjúklingar eiga sér ekki viðreisnar von ?  Vona að þú lesir fyrra svar mitt hér á undan.

 Alþingismenn hafa veikst áður er það ekki?  Við höfum séð þá hníga niður í beinni útsendingu.  Við vitum um álagið sem þessu fylgir.  Enn og aftur.  Sem einstaklingi sem lent hefur í þessum raunum finnst mér ekkert athugavert að verið sé að gera grín af aðstæðum eða persónum.  Það var EKKI fjallað um þunglyndi í þætti spaugstofunnar.  Það var heldur ekki um ástæðu þunglyndisins.  Frekar en ég er að tilgreina hér hvers vegna ég lenti tímabundið í þessum hremmingum.

 Ólafur hefur þegar fjallað um þetta í fjölmiðlum - Þó ekki fyrr en að fólk fór að velta því verulega fyrir sér hvers vegna hann hefði verið í veikindaleyfi.  Af hverju var hann ekki hreinskilinn með það til þess að byrja með þá?

[Svala Jónsdóttir, 28.1.2008 kl. 19:47]

Ég held að fólki með geðsjúkdóma sé nákvæmlega enginn greiði gerður með tepruskap eða því viðhorfi að þau veikindi séu eitthvað viðkvæmari en önnur og eigi því að liggja í þagnargildi. Bara alls ekki!

[Eyjólfur Sturlaugsson, 28.1.2008 kl. 20:38]

Ég hef horft tvisvar á þennan þátt og hlegið í bæði skiptin.  Mér fannst þeir Spaugstofumenn hitta algjörlega í mark og það eiginlega eftir nokkra alveg líflausa þætti.

kv. ES

[Rúnar (IP-tala skráð) 28.1.2008 kl. 20:53]

Grín sem getur mögulega meitt og sært er mjög vandmeðfarið en meginreglan á alltaf að vera að aðgát skal höfð í nærveru sálar. Þetta vill gleymast.

Spaugstofan gerir sig út á að gera grín að sitjandi valdhöfum - vera nokkurs konar stjórnarandstaða.

Gott og vel. Þá bara hlakka ég til næsta laugardagskvölds þegar Össur, Dagur og Ingibjörg S. verða tekin fyrir. Það hefur eitthvað lítið farið fyrir hjá þeim að taka fyrir Samfylkinguna á meðan hún hefur verið völd í Ráðhúsinu og í landsmálunum. Dagur, Össur og Ingibjörg S geta nú, skv. standardnum sem nú hefur verið settur, átt von á að vera rækilega tekin fyrir.

Svo er það pæling hvort að fjölmiðlamenn eigi ekki núna bara að ganga á línuna og spyrja stjórnmálamenn, dómara, presta, lækna og aðra í opinberu starfi hvort þeir hafi heilbrigðisvottorð um hvort þeir gangi andlega heilir til skógar til að valda því starfi sem þeir hafa verið skipaðir í / valdir til. Ég hef það nefnilega sterklega á tilfinningunni að Ólafur F sé búinn að kafa dýpra ofan í sjálfan sig en margur - og koma miklu sterkari til baka. Sterkari en margan grunar.

[Jenný Anna Baldursdóttir, 28.1.2008 kl. 21:10]

Svala: Ég er ekki fylgjandi neinu þagnargildi með sjúkdóma. Það vita þeir sem lesa bloggið mitt.  En þarna er verið að veitast að manni sem hefur sjálfur sagt sinn sjúkdóm vera einkamál. Fyrir utan að þetta gekk alltof langt.

[Þórður Runólfsson (IP-tala skráð) 29.1.2008 kl. 00:34]

Var að horfa aftur á spaugstofuna. Gat hlegið í þriðja sinn. það ætti að tilefna þá til Eddunnar.

Það má ekki gleyma því að það voru sjálfstæðismenn sem byrjuðu að gala á öllum götuhornum um að aðför að Ólafi F. til þess að draga athyglina frá raunveruleikanum og þar var Vilhjálmur fyrirverandi og tilvonandi borgarstjóri fyrstur og fremstur. Og sjáið í hvað fólk er að eyða púðrinu í.

Snjallir sjálfstæðismennirnir.

[Number Seven, 29.1.2008 kl. 08:35]

Rúnar

Ég veit nú ekki betur en Dagur hafi fengið sinn skerf í síðustu spaugstofu líka.  Mér sýnist þú nú hafa horft á þann þátt með ansi þykkum "við Sjálfstæðismenn erum lagðir í einelti" gleraugum.

 Jenný - Að sjálfsögðu eru allir sjúkdómar einkamál fólks.  Það breytir hinsvegar ekki því að Ólafur er nú í opinberu starfi þar sem um hann er fjallað á opinberum vettvangi.  Þar eru engin einkamál undanþegin.  Ef hann hefði virkilega ekki viljað verða fyrir neinu umtali vegna veikinda sinna þá var þetta kannski ekki rétta starfið.  Í öðru lagi veit ég ekki hversu mikið samráð hann hafði við sína fjölskyldu áður en hann tók að sér þetta opinbera starf.  En ég held að það sé enginn svo barnalegur að halda að þeir geti stjórnað því að hverju þeir eru spurðir í viðtölum eða hverning um þá er fjallað í fjölmiðlum.   Það eru orðin nokkrir tugir áratuga síðan stjórnmálamenn mættu með þær spurningar sem fréttamenn áttu að spyrja þá.  Sem betur fer er svo ekki í dag. 

Það getur verið að sumum finnist Spaugstofan hafi gengið of langt.  Sumum fannst líka gengið of langt þegar var farið að gera grín af forsetanum.  Voru það sjálfstæðismenn? 

Hins vegar finnst mér það til háborinnar skammar sú hræsni sem þú Jenný og fleiri eru hér augljóslega með í garð þunglyndra eins og það sé málefni sem þarf að fela eitthvað sérstaklega.  Ef Ólafi fannst það þá lýsir á sama hátt hans "fordómum" í garð veikindana.  

Ég kvet fólk til þess að kynna sér fyrir hvað orðið þunglyndi stendur - orsakir og ásæður.  Það hefur ýmsu verið haldið hér fram í svörum fólks og mikið af því lýsir algjöru skilningsleysi á þeim veikindum. 

http://www4.landspitali.is/lsh_ytri.nsf/htmlpages/index2.html#fraedsla_thunglindi.html

Jenný - persónulega finnst mér það mun verra að þú skulir eyða öllu þínu púðri í að fordæma einhverja grínista sem eru á engan hátt að veitast að persónulegum veikindum Ólafs heldur var verið að gera grín af aðstæðum og persónu.  Mér fannst nú þessi sem lék Ólaf alveg ótrúlega líkur honum :D  Efast nú samt um að hann sé þunglyndur.  Eða er einhver að velta sér upp úr því ?

[Eiríkur St. Eiríksson (IP-tala skráð) 29.1.2008 kl. 23:59]

Sæl öll.

Hef fylgst með þessu af athygli. Hló, en eftir á að hyggja þá gengu Spaugstofumenn alveg fram á brúnina. Er hins vegar sáttur við skýringar þeirra. Nú er spurningin hvort ,,meðvirkni" sé að verða meiri sjúkdómur en þunglyndi, þ.e.a.s. ef það má á annað borð nefna þann sjúkdóm. Hláturinn lengir lífið og þeir sem ekki kunna að meta Spaugstofuna skipta þá bara yfir á aðrar rásir þar sem menn þurfa að borga annað og meira en afnotgjöldin til þess að geta hlegið með.

Óska annars Ólafi F. Magnússyni velfarnaðar í borgarstjóraembættinu. Þekki manninn ekkert en veit að hann er velættaður og af góðu kyni stangaveiðimanna. Þekki bróður hans og hróður föður þeirra, hvort tveggja sem læknis og ritstjóra Veiðimannsins. Legg því til að Ólafi verði gefinn séns og að hann fái tækifæri til að láta gott af sér leiða. Það er s.s. einfalt fyrir mig að segja þetta, búandi í Mosfellsbæ. En ég er Reykvíkingur þótt sé ég fráleitt á leið til baka.