Þetta átti að verða seinni hluti annáls en varð að hamfarabloggi!!

Seinni hluti annáls verður að bíða til morguns.

Mér er frekar heitt í hamsi.

Eiginlega er ég með óbragð í munninum eftir að hafa horft á myndina um Breiðavíkurdrengina.

Ekki að ég hafi ekki verið búin að kynna mér málið, heldur vegna þess að það var kominn tími á upprifjun áður en það fennir yfir spor þessara manna sem þarna voru sviptir æskunni, þeir smánaðir og meiddir.

Ég hef þekkt tvo Breiðavíkurmenn um ævina, veit um aðra tvo.

Þeir eru allir látnir og tveir fyrir eigin hendi.

Mér eins og flestum öðrum er annt um börn.

Ég vil að samfélagið axli ábyrgð og bjargi því sem bjargað verður.  Bæði með stuðningi og fjármunum.  Ekkert skal til sparað.  Skuldin er stór.

Er það ekki týpiskt að í svona mynd, skuli fyrrverandi starfsfólk koma fram og afneita allri vitneskju um nokkuð misjafnt.

Einum fannst fyndið að barni hafi verið stungið á bólakaf ofan í skurð.

Er þetta fólk ekki með lágmarkskunnáttu á viðkvæmu sálarlífi barna?

Ekki einu sinni í dag, svo löngu síðar hefur áttun orðið í kollinum á því.

Arg...

Stjórnvöld hysjið upp um ykkur og greiðið skuld ykkar við þessa menn og fleiri sem illa var farið með af því þau voru fátæk og baklandslaus.

Athugasemdir

[Jóna Á. Gísladóttir, 1.1.2008 kl. 23:55]

Ég guggnaði á að horfa á myndina. Var ekki tilbúin til að yfirgefa þægindaboxið mitt. Ég átti erfitt með að horfa á klippur úr viðtölum við fullorðna Breiðavíkurdrengi í fréttaannál stöðvar 2 í gær... Því miður held ég að Breiðavíkurmálið sé ekki einsdæmi... langt í frá. Og ég vona að sem flestir fái kjarkinn til að koma fram. Við þurfum á því að halda til að samskonar viðbjóður fái ekki að dafna í nútíðinni.

en ég mun horfa á myndina. fyrr en seinna.

[Hrafnhildur Ýr Vilbertsdóttir, 2.1.2008 kl. 00:10]

Gleðilegt ár e´skan og takk fyrir skemmtileg kynni á liðnu ári....sjáumst vonandi fljótlega

[Katrín (IP-tala skráð) 2.1.2008 kl. 00:15]

Tek undir hvert orð mér þér.

Það var ekki auðvelt að horfa á myndina en hún ætti að vera skylduáhorf fyrir alla.

[Ragna Kr. Jónsdóttir (IP-tala skráð) 2.1.2008 kl. 00:27]

Já maður er hálf lamaður eftir að horfa á þessa mynd, þrátt fyrir að hafa fylgst með viðræðunum í Kastljósinu og öðru því sem komið hefur í fjölmiðla um þetta efni.  það er ekki bara æskan sem hefur verið tekin af þessum blessuðu mönnum heldur í mörgum tilfellum lífið sjálft því þeim hefur verið erfitt að fóta sig eftir þennan hrylling.  Ég var líka undrandi á ummælum eins af ráðamönnum þarna þegar hann glottandi,  sagðist hafa dýft höfðinu á einum drengnum ofaní skurð. Ef honum finnst þetta fyndið, hvað hefur þá verið gert fleira sem ráðamönnum hefur bara fundist fyndið en blessuð börnin orðið að þola.  Ég er sammála þér í að stjórnvöld eru í skuld við þessa menn.
Já manni er heitt í hamsi.

[Brjánn Guðjónsson, 2.1.2008 kl. 00:38]

Horfði á og upplifði tilfinningar eins og depurð og reiði.

[Jenný Anna Baldursdóttir, 2.1.2008 kl. 00:58]

Takk öll fyrir góð innlegg.

Allir brugðust þessum börnum, á öllum stigum máls.

Málsvarar þeirra voru ekki til.  Öllum virtist standa á sama.

Ég hugsaði: "Out of sight out of mind" Gleymum þeim.

Og ekki má gleyma, að það var urmull af börnum annarsstaðar sem var farið illa með en við vitum bara ekki hversu illa.

Ég vil láta skoða allan pakkan, það er vont að horfast í augu við það en nauðsynlegt.

Svona má aldrei gerast aftur.

[Ragnheiður , 2.1.2008 kl. 14:43]

Þegar við verðum svo búin að gera upp mál Breiðavíkurstrákanna þá ættum við að skoða okkur nær í tíma...meðferðarheimili nútímans sem taka við ungum fíklum. Þar er ekki alveg allt í lagi. Það veit ég af reynslu.

[Laufey Ólafsdóttir, 2.1.2008 kl. 14:58]

Það á að fara fram allsherjarrannsókn á öllum þessum barnastofnunum því ég veit að þar mun finnast margt misjafnt. Mér finnst ömurlegt að enginn skuli dreginn til ábyrgðar en ég þekki svipuð mál frá Bretlandi frá svipuðum tíma og þar var fólk kært.

Mér fannst ömurleg saga móðurinnar um drenginn sem var rifinn af heimilinu af ástæðulausu. Ég táraðist við hennar frásögn. Ótrúleg vinnubrögð þarna á ferð!!!