Kynferðisafbrotamaður á línunni?

Grunur vaknaði um daginn á því að kynferðisafbrotamaður sem situr inni á Kvíabryggju hafi hringt og hóta fórnalambi sínu.

Hva, á Kvíabryggju er Gemsaleyfi á línuna eða frá 8-23.  Þá er auðvitað sá möguleiki fyrir hendi að hringja og hrella þá sem brotið hefur verið á.

Ég hélt satt best að segja að Kvíabryggja, sem er s.k. opið fangelsi væri fyrir alla aðra fanga en ofbeldisglæpamenn.  Mér hefði t.d. fundist flott að þarna fengju yngri afbrotamenn að vera, í staðinn fyrir að vera látnir inn á Hraun, innan um gamla refi í innbrotum og slíku.

Mál þessa kynferðisafbrotamanns var kannað eftir að þolandi sá sem fyrir símtalinu varð setti sig í samband við Fangelsismálastofnun vegna hótunarinnar.  Ekki þótti sannað að símtalið hafi komið frá hinum dæmda kynferðisafbrotamanni.

Er ekki lágmark að búa þannig um hnútana að ofbeldismenn sem sitja af sér sína málamyndadóma, í flestum tilfellum, séu ekki með Gemsa upp á vasann?  Mér finnst kannski í lagi að taka af þeim möguleikann að hringja út um allt svona rétt á meðan þeir sitja inni. 

Amk horfir það þannig við mér, ef ég set mig í spor þolendanna.

Arg.

 

Afplána á Kvíabryggju

Athugasemdir

[Kolgrima, 12.12.2007 kl. 10:08]

Eins og þessi dagur byrjaði vel! Á blogginu er stór hópur fólks sem flippar reglulega yfir femínistum; flippar þegar femínistar segja eitthvað og eins þegar þeir þegja.

Nú flippar þetta lið ekki neitt. Hvorki yfir því að íslenskt dómskerfi hafi viðurkennt að fullorðið fólk geti átt í ástarsambandi við vini (fóstur)barna sinna, né við því að nauðgarar geti hrellt fórnarlömb sín í gegnum síma úr fangelsi.

Og halló, segi eins og þú, af hverju í ósköpunum er nauðgari á Kvíabryggju? 

[Jóna Á. Gísladóttir, 12.12.2007 kl. 12:29]

Ég segi það sama; Ekki hélt ég að dæmdir ofbeldismenn fengju inni á Kvíabryggju

[Jenný Anna Baldursdóttir, 12.12.2007 kl. 12:47]

Ég er reyndar hætt að verða hissa.  Hætt að verða hneyksluð nema í hljóði, kannski best að hætta að hafa skoðanir á þessum málum öllum, ekkert breytist.  Jeræt ef mér gæti nú bara staðið á sama.