Nú hló ég upphátt og það er Kára að þakka..

 

..en það hélt ég að myndi seint gerast.

Það varð allt vitlaust á síðunni minni, þegar ég bloggaði um hm... rasistann  James Watson, sem hélt því fram fyrir skömmu, í viðtali, að hann hefði áhyggjur af framtíð Afríku því öll félagsleg stefna gagnvart Afríkubúum byggðist á því að þeir væru jafn skynsamir og hvítir menn þótt allar rannsóknir bentu til þess gagnstæða.

Nú hefur ÍE rannsakað erfðamengi þessa hvíta "afburðaamanns" og komist að því að hann er með svört gen og í viðtengdri frétt stendur: "Watson birti erfðamengi sitt opinberlega á netinu í byrjun ársins. Breska blaðið Independent  segir, að Íslensk erfðagreining  hafi nú rannsakað erfðamengið og komist að þeirri niðurstöðu, að 16% gena hans megi rekja til svarts forföður af afrískum uppruna. Þetta hlutfall er innan við 1% hjá þeim sem eru af hreinum evrópskum uppruna.„Hlutfallið er svipað og búast mætti við hjá þeim, sem á afa eða ömmu af afrískum uppruna," hefur blaðið eftir Kára Stefánssyni, forstjóra Íslenskrar erfðagreiningar.  „Það kom mjög á óvart að sjá þessar niðurstöður hjá Jim."

Vóóóó, the man is a brother.  He´s a fucking brother. 

Jösses þetta er jólagjöfin í ár, nema auðvitað að hinir svörtu bræður vorir í baráttunni vilji ekki sjá karlskömmina í sínar raðir.

Ókei þá verður hann bara einn í jólaboðinu.  Leiðinlegt.

Falalalalala

Nóbelsverðlaunahafi með svört gen

Athugasemdir

[Sunna Dóra Möller, 11.12.2007 kl. 17:28]

Ég sit hér hlægjandi líka !

[Huld S. Ringsted, 11.12.2007 kl. 17:29]

[Lára Hanna Einarsdóttir, 11.12.2007 kl. 17:29]

Ég hló líka, þó ekki upphátt eins og þú. Þetta hefur karlinn líklega síst grunað - enda hefði hann þá varla opinberað erfðamengi sitt. 

[Svala Jónsdóttir, 11.12.2007 kl. 17:31]

Watson hlýtur að vera heimskari en hann sjálfur hefur haldið, þar sem hann er ekki "hreinræktaður."

Púki litli hló pínulítið hérna megin líka.

[Laufey Ólafsdóttir, 11.12.2007 kl. 18:34]

Þetta er nú engin ný bóla. Var ekki Hitler 1/4 gyðingur? Þetta kallast sjálfshatur og er frekar algengt.

Annars kemur þetta ekki á óvart. Velflestir bandaríkjamenn af öllum litum eru af blönduðum uppruna. Best er að samþykkja bara að ekki borgar sig að dæma fólk af húðlit eða þjóðerni. Það er öruggasta alhæfingin.

[Ásdís Sigurðardóttir, 11.12.2007 kl. 18:44]

Ha ha ha er búin að hlægja með þér af síðustutu bloggum, b.t.w. til hamingju með dótturina, hún er flott skvísa.  Ætlar þú ekki að fá þér húfu??  kær kveðja

[Guðríður Haraldsdóttir, 11.12.2007 kl. 18:53]

Þetta er þrælfyndið ... til hammó með dótturina. Knús af Skaganum.

[Ásthildur Cesil Þórðardóttir, 11.12.2007 kl. 19:27]

Ég man eftir svona máli í USU fyrir margt löngu, þá ól kona í heldri manna fjölskyldu svart barn.  Maðurinn trylltist, og það varð heljar mikið mál út úr öllu saman, man ekki hvort hjónaskilnaður varð úr.  Nema svo kom í ljós að karl uglan var svartur i sjöunda ættlið.  Kona var sum sé ekki sökudólgurinn.  Það er víst satt að svona geti þetta gerst. 
En ég vorkenni svörtum að þurfa að gangast við þessum hvítingja, sem er ekkert nema montið og hofmóðurinn. 

[halkatla, 11.12.2007 kl. 19:32]

ööö,ekki vorkenni ég blökkumönnum að eiga 16% hlutdeild í honum, við eigum 84%  nei djók, þessi kall er ábyggilega besta skinn, en gaman að þessu engu að síður

[Kristín Katla Árnadóttir, 11.12.2007 kl. 20:11]

HaHaHa ég var að springa af hlátri.

[Hildigunnur Rúnarsdóttir, 12.12.2007 kl. 01:28]

múhahahahah

gott á hann að þetta varð opinbert. Ekki síður gott á fordómafíflin bæði hér á landi og utan. Nefnum engin nöfn :D

[Beggi (IP-tala skráð) 12.12.2007 kl. 03:20]

Ég verð nú hálfpartinn að hlæja (ekki hlægja - Sunna Dóra, lærðu íslensku) þegar fólk talar um hversu "heimskur" James Watson sé. Þessi heimskingi uppgötvaði byggingu DNA, sem er með mestu vísindaafrekum síðustu aldar, og er doktor í sameindalíffræði og nóbelsverðlaunahafi.

Hverju hafið þið svo áorkað í lífinu, gott fólk?

[Arnar Pálsson, 12.12.2007 kl. 09:35]

Ljómandi spaugilegt allt saman. Mér sýnist þetta sýna ljómandi vel hversu góð hin vísindalega aðferð er. Watson og Crick birtu öndvegis góða grein um byggingu DNA og unnu síðan frekari afrek á ferlinum. Þær niðurstöður hafa verið staðfestar af öðrum og eru mikilvægur hlekkur í líffræði og læknisfræði nútímans.

En staðhæfingar Watsons um greind hörundsdökkra Afríkubúa eru skoðanir, sem hafa verið hraktar með vísindalegum niðurstöðum (sjá mína færslu og nýlega samantekt í New York Times).

Staðhæfingar sem vísindamenn setja fram um manninn hafa ekki sama vægi og vísindalegar staðhæfingum um manninn (hugsun R. Lewontins þýdd og umorðuð).