Íslendingar allsstaðar??

Vita þeir hjá Loftleiðum Icelandic ekki hvaða starfsemi er notuð undir vélarnar sem þeir leigja út?

Rosalega er dapurlegt að "barnavélin" hafi verið á íslenskum skráningarnúmerum.

Reyndar mun vélin vera í einhverskonar "þurrleigu" sem gerir þá hjá LI ekki ábyrga en það er ömurlegt að þetta skuli tengjast landinu.

Það var hrikalegt að sjá blessuð börnin í fréttunum í gær, eins og búfénað.

Sorglegt að sjá.

Og  að allt öðru, að Íslendingum í "útrásinni".

Annar fjárkúgaranna sem reyndi að hafa fé af breska kónaslektinu, er af íslenskum ættum.

Úpps, ekki gaman það.

Íslandi allt.

Íslensk flugvél notuð við ólöglegan flutning barna

Athugasemdir

[Anna Ólafsdóttir (anno) (IP-tala skráð) 29.10.2007 kl. 18:07]

Ég missti af þessari frétt og veit ekki hvers vegna þessi börn voru í vélinni. En ef verið er að fremja ólöglegt athæfi með börn þá er vont að íslenskt fyrirtæki komi að því þó svo að það sé með þessum óbeina hætti. Það hlýtur að vera hægt að setja í samninga um leigu á vélum í hvaða tilgangi má ekki nota þær, þ.e. að hvers kyns ólögmætir flutningar sé brot á samningi o.s.frv.

[Jenný Anna Baldursdóttir, 29.10.2007 kl. 18:09]

Já Anna, auðvitað var þetta kolólegur flutningur, amk hafa yfirvöld í landinu lýst því yfir.  Þá er þetta ekkert annað en þrælaflutningar.  Arg.

[Kristín Katla Árnadóttir, 29.10.2007 kl. 18:10]

Þetta var ljót frétt. Takk fyrir mig elsku Jenný mín.

[Sunna Dóra Möller, 29.10.2007 kl. 18:14]

Ég heyrði þessa frétt í dag og mér fannst hún alveg skelfilegt....en mig grunaði ekki þetta væri vél á íslenskum skráningarnúmerum....það er enn skelfilegra! Vesalings börnin , stundum er heimurinn of harður!

[Sólveig Hannesdóttir (IP-tala skráð) 29.10.2007 kl. 19:25]

Sæl Jenný.

   Það er akkurat það  "Þetta er dapurlegt fyrir okkur"

[Ásthildur Cesil Þórðardóttir, 29.10.2007 kl. 20:26]

Ég er á báðum áttum.  Það kom fram í fréttinni að börnin voru frá Darfurhéraði, og að þau væru munaðarlaus.  Ég horfði á fólki sem var að fara með börnin, þetta voru hjálparstarfsmenn.  Ég ætla mér að gefa þeim þá kredit að þau hafi talið sig vera að bjarga þessum munaðareysingjum af götunni. Ég sá hve illa þeim leið, þar sem þau sátu á gólfinu, miður sín.  Ég held að við höfum ekki alveg söguna á hreinu, og á meðan ætla ég ekki að dæma þetta fólk.  Konur þar á meðal.  Nei ég trúi því ekki, að þessir Evrópsku hjálparstarfsmenn hafi verið að flytja börn í þrælkun, kynlífsnot, eða til að drepa þau og nota í líffærasölu. 

[Jón Bragi Sigurðsson, 31.10.2007 kl. 06:55]

"Konur þar á meðal". Áttu við að þetta geti ekki hafa verið neitt ljótt af því að konur voru viðriðnar málið? Hefur áróðurinn Konur = góðar Karlar = slæmir náð svona góðri fótfestu?

Sá frétt um þetta frá Frakklandi og það virtist augljóst að þarna var eitthvað ljótt á ferð þrátt fyrir að þetta væru hjálparstarfsfólk og þar á meðal konur.