Halló - Hvar er hugsunin og dómgreindin?

Hún Jenný Una og Oliver litlu barnabörnin mín eru tveggja ára.  Oliver síðan í maí og Jenný verður þriggja í desember.  Ég reyndi að sjá fyrir mér einhverjar aðstæður þar sem maður myndi setja þau í framsæti bifreiðar og komst að niðurstöðu, að það yrði  aldrei!

Ég held, sem betur fer að fæstir, láti sér detta svona lagað í hug, við vitum, eða eigum a.m.k. að vita að með þessu er verið að setja líf og limi barna í stórhættu.

Ég verð reið þegar ég les um svona kæruleysi, líf og heilsa barnanna er svo dýrmætt.

Ég vona að það heyri nú sögunni til að foreldrar hætti að haga sér eins og óvitar, þegar þeir halda út í umferðina með það dýrmætasta sem við eigum.

ARG.

 

Með tveggja ára barn í framsætinu

Athugasemdir

[Birna Dis Vilbertsdóttir (IP-tala skráð) 29.10.2007 kl. 20:26]

Þetta er alveg með ólíkindum

[Ásdís Sigurðardóttir, 29.10.2007 kl. 20:46]

Dómgreind váá of flott orð til að nota í tengslum við svona fávita. Þetta er bara rugl og bilun og allt þar á milli.

[Sunna Dóra Möller, 29.10.2007 kl. 21:18]

Ég verð svo reið þegar sé svona frétt! Skil ekki hvað gerist í hausnum á fólki sem að setur svona lítið barn í framsætið....!

[Jóna Á. Gísladóttir, 29.10.2007 kl. 21:32]

þetta er eitt af því fáa (enda mjög gáfuð kona) sem ég get alls ekki skilið. bara skil þetta ekki. Skil ekki hvað fer í gegnum kollinn á fólki sem er með lítil börn í framsæti eða börn óbundin í bílum.

[Guðríður Haraldsdóttir, 29.10.2007 kl. 22:10]

Sumir eru bara ekkert fyrir börn ...

[Jenný Anna Baldursdóttir, 29.10.2007 kl. 23:46]

Gurrí: rétt athugað hehe.

Arna: Sjaldgæft er hvergi nærri nóg.  Aldrei er nærri lagi.

Jóna: Við stofnum einn þrýstihópinn enn.

SD. Ásdís og BD: Við erum greinilega allar í lagi konurnar.

[Páll Thayer, 30.10.2007 kl. 00:19]

Ég verð að fá að nota tækifærið og segja frá því sem ég sá um daginn í Sörlaskjólinu. Fyrir þá sem ekki þekkja hana, þá er Sörlaskjól afar mjó en tiltölulega þéttbýl gata. Þannig að fólk á það til að leggja bíla sína sinn hvorum megin götunnar þó að það sé aðeins gert ráð fyrir bílastæðum öðrum megin. Um daginn voru ég og sonur minn að labba eftir Sörlaskjólinu og sjáum stórann jeppa koma keyrandi eftir götunni. Bílstjórinn hélt á ca. tveggja ára gömlu barni sem stýrði bílnum! og þegar það mætti þeim annar bíll á þessari mjóu götu hélt maðurinn áfram að leyfa barninu að stýra. Hafði ekki einu sinni fyrir því að grípa í stýrið við þessar aðstæður. Við feðgarnir vorum báðir alveg ótrúlega hneykslaðir. Ég get ekki skilið hvað svona fólk er að hugsa. Við erum jú líka í lagi flestir pabbarnir, held ég. Ég vona alla vega að það sé minnihluti foreldra sem sýnir svona vítavert ábyrgðarleysi.