Sér enginn neitt athugavert við..

..að blásið sé til hátíðar á borð við Airwaves, þar sem að hver uppákoman er flottari en sú næsta og að listamennirnir skuli fá 2 bjóra fyrir ómakið?

Það þætti saga til næsta bæjar, ef svona væri farið að á Listahátíð, til dæmis.

Er ekki stéttarvitund íslenskra tónlistarmanna orðið eitthvað ábótavant?

Það fá ekki nema fáir útvaldir borgað fyrir vinnuna sína núorðið.

Ég er algjörlega standandi hlessa.

Ójá.

 

Tveir bjórar eru andskotans nóg!?

Athugasemdir

[Jóna Á. Gísladóttir, 28.10.2007 kl. 01:58]

og ég er sitjandi hlussa  

[Jenný Anna Baldursdóttir, 28.10.2007 kl. 01:59]

Ertu vakandi darling? Kaddagera? Sakní og þú ert fyndin addna.

[Ásdís Sigurðardóttir, 28.10.2007 kl. 02:03]

ég er þvílíkt vakandi á skjálftavaktinni og veit bara ekkert um airways eða þannig, einhvern tíman hefði manni þótt 2 bjórar ágætis borgun, en það var þá líka bara fyrir einn brandara ekki heilt kvöld með tónlist. Eigum við ekki að fara að sofa.???

[Krissa (IP-tala skráð) 28.10.2007 kl. 04:27]

Þetta hlýtur að hafa verið kjánaregla sem nýráðinn starfsmaður fylgdi út í æsar. Mér finnst AirWaves hugmyndin góð, listamennirnir eru ekki að fá borgað á staðnum fyrir unna tíma, en þeir eru að fá ótrúlega kynningu. Veitingamennirnir sem taka þátt eru að fá heimsóknirnar og þeir hafa sennilega upplifað nokkra "möchtegern" listamenn sem nota sér aðstæðurnar út í æsar. En niðurstaðan hlýtur að vera að Listamaðurinn hefur fengið tækifæri sem hann getur nýtt sér. Tónlist, málverk eða leir er einskis virði ef enginn vill kaupa. 

[Þröstur (IP-tala skráð) 28.10.2007 kl. 05:19]

jú, algjörlega út í hött!!!

[Benedikt Halldórsson, 28.10.2007 kl. 08:38]

2 bjórar og fríar ferðir á klósettið.

[Jenný Anna Baldursdóttir, 28.10.2007 kl. 09:38]

Krissa: Ég er nú ekki alveg ókunnug þessum bransa og við þessari réttlætingu segi ég iss piss.  Af hverju eiga tónlistarmenn sí og æ að vera þakklátir fyrir að fá að kynna sig ókeypis og aðrir síðan að mala gull á þeim?  Þetta hefur verið að aukast nú hin síðari ár og með unga tónlistarmenn, er það farið að heyra til undantekninga að þeir fái greitt fyrir vinnuna sína, en svo er þeim boðinn bjór.  Síðan hvenær varð bjór gjaldmiðill?  Airwaves hátiðin er hins vegar flott hátíð og eimitt þess vegna  finnst mér þetta ljótur blettur á henni.

Benedikt: Nákvæmlega.

[Ásthildur Cesil Þórðardóttir, 28.10.2007 kl. 10:43]

Aldrei fór ég suður hátíðin er svona fríhendis líka, og hún myndi aldrei vera haldinn, ef það ætti að greiða hljómsveitum fyrir aðtaka þátt.  Menn ákveða þetta sjálfir, það er enginn neyddur til að taka þátt.  Þannig að það er ekki verið að fara á bak við neinn.  Ég vildi ekki vera án hátíðar eins og Aldrei fór ég suður.  Sem mér finnst tromp endir á Skíðavikunni.  Þeir sem vinna við þetta, gera það líka ókeypis.  Þetta er sjálfboðavinina að öllu leyti.  En ég þekki ekki til á Airwaves. 

[Sigrún Magnúsdóttir (IP-tala skráð) 28.10.2007 kl. 10:53]

Allir listamennirnir fá nú reyndar líka armband á hátíðina, það kostar 8500 kall og meiri borgun en margir þeirra fá annars. Og það er ekki hægt að gera lítið úr kynningunni, Sign til dæmis er núna að túra með Skid Row, Jakobínarína að gera það gott, Leaves með lög í bandarískum þáttum...! Þetta er kynning, það er engin spurning.

[Jenný Anna Baldursdóttir, 28.10.2007 kl. 13:10]

Vá fá þeir arband og þurfa þeir ekki að borga sig inn á hátíðina??? Guð hvað þeir meiga vera þakklátir.

Geta a live.

[Sunna Dóra Möller, 28.10.2007 kl. 13:24]

Hugsa sér ef að ég fengi tvo bjóra fyrir mína vinnu í sunnudagaskólanum ... hmmm....er hann ekki kynning á Guði....!

[Halla Rut , 28.10.2007 kl. 14:53]

Væri hægt að halda þetta ef allir fengju greitt fyrir vinnuna?

[Sigrún Magnúsdóttir (IP-tala skráð) 28.10.2007 kl. 14:57]

Vá, en þú skemmtileg! Ég ætla nú að hemja mig í leiðindunum en nota samt enskuna þína og segja get a better!

[Jenný Anna Baldursdóttir, 28.10.2007 kl. 15:50]

Halla Rut: Ef það er ekki hægt að greiða fólki amk. lágmarksþóknun þá þarf einfaldlega að endurskoða og stokka svolítið upp.

Sigrún: Fyrirgefðu, ég átti ekki að svara svona.  Er stundum ansi fljót á mér.

[Sigrún Magnúsdóttir (IP-tala skráð) 28.10.2007 kl. 15:55]

:)

[Egill Óskarsson, 29.10.2007 kl. 17:38]

Ég skil þig ekki alveg. Það eru í kringum 240 atriði tengd þessari hátíð í ár, ef það ætti að borga fyrir hvert eitt og einasta þeirra þá væri einfaldlega ekki grundvöllur fyrir þessu.

Það er gríðarleg eftirspurn eftir að fá að spila á Airwaves vegna möguleikanna sem það getur boðið uppá og ég hef ekki heyrt þá sem koma fram þarna kvarta yfir því að fá ekki borgað. 

Það getur meira en vel verið að almennt séu ungir tónlistarmenn ekki nógu duglegir að rukka inn á tónleika en mér finnst ósanngjarnt að setja dæmið upp eins og þú gerir það. 

[Jenný Anna Baldursdóttir, 29.10.2007 kl. 18:13]

Egill: Gagnvart hverjum er það ósanngjarn að setja þetta svona upp?  Annað hvort fær fólk greitt eða ekki.  Auðvitað eru svona uppákomur lofsverð framtök, ég er ekki að gera lítið úr því, en það er orðin lenska að reka allskyns tónlistarviðburði þar sem tónlistarfólkið gefur vinnuna sína.  Það veist þú ábyggilega alveg.

Og ég veit að svona hátíðir gefa tónlistarmönnum tækifæri.  Ég er ekki að draga úr gildi þess, mér finnst einfaldlega að listamenn eigi að fá greitt í öðru en "goddwill".

[Egill Óskarsson, 29.10.2007 kl. 18:31]

Það er bæði ósanngjarnt gagnvart þeim sem standa á bakvið hátíðina og eru að gefa tónlistarfólki tækifæri til að koma sér á framfæri og gagnvart tónlistarfólkinu sjálfu sem sættir sig við að fá ekki greitt sérstaklega fyrir að koma fram á hátíðinni en gera það bæði til að reyna að koma sér á framfæri og eins vegna ánægjunnar sem fylgir því að spila og taka þátt í svona hátíðum.

Svo má ekki gleyma því að fyrir marga af yngri tónlistarmönnunum þá munar um það að fá ókeypis armband á hátíðina. Fyrir 16-20 ára krakka sem eru í skóla og ná jafnvel lítið að vinna þá getur alveg munað um 8500 kall. 

En svo að það sé að hreinu þá er ég alveg sammála því að það er orðið ótrúlega mikið af 'ókeypis' ´tónleikum þar sem tónlistarmennirnir eru jafnvel að kóma út í mínus fyrir að spila á þegar allt er samantekið.