Áskorun!

Ég hef verið beðin um að koma eftirfarandi á framfæri (Ragga) og það geri ég með sannri ánægju.

"Ég skora hér með á Morgunblaðið að hætta nú þegar myndbirtingum af banaslysavettvöngum í umferðinni. Slík myndbirting er með öllu óþörf og eingöngu til þess fallin að særa aðstandendur þeirra sem þannig látast eða slasast.

Vinsamlega birtið sem víðast kæru bloggvinir!"

Athugasemdir

[Marta B Helgadóttir, 27.10.2007 kl. 12:08]

Elsku Jenný þetta er ég fegin að sjá! 

Mér finnst hræðilegt að sjá þessar slysamyndir komnar í vefmiðla strax og atburðurinn hefur átt sér stað og ættingjar gætu allt eins séð þetta án þess að hafa fengið að fregna neitt um líðan síns fólks. 

Svo er algjörlega smekklaust hvað menn fara nærri vettvangi til að mynda.

[Einar Indriðason, 27.10.2007 kl. 12:18]

Sammála.  Og jafnvel þó númeraplötur séu faldar, eða "límt yfir" með svörtu, þá er stundum nóg að sjá bíltegundina.  Fyrir utan alla hina, sem þekkja bíltegunduna, eiga aðstandanda í samskonar bíl, þarna er verið að skapa leiðindi fyrir aðstandendur, og óþarfa stress til annarra.

Hafandi sagt þetta, þá votta ég aðstandendum slyssins á Holtavörðuheiði mína samúð.

[RE (IP-tala skráð) 27.10.2007 kl. 12:27]

Sæl!

Les oft skrifin þín og líkar vel.

Langaði bara til að leiðrétta algenga villu. Vilhjálmur er ekki frá Skálholti heldur frá Skáholti, sem var í vesturbæ Reeykjavíkur í den.

Kveðja RE

[Ásdís Sigurðardóttir, 27.10.2007 kl. 12:40]

Sammála ykkur algjörlega, maður er sjaldan eins viðkvæmur fyrir fréttaflutningi eins og þegar ættingi eða ástvinur eiga í hlut.

[Sunna Dóra Möller, 27.10.2007 kl. 12:52]

Ég er sammála ykkur! Mér finnst þetta stundum óþægilegt þessi nálægð og maður hugsar einmitt þá til aðstandenda! Það er óþarfi að birta þessar myndir!

[Anna Ólafsdóttir (anno) (IP-tala skráð) 27.10.2007 kl. 14:23]

Þegar banaslys verða og ég sé mynd af bílnum finnst mér eins og þetta verði eitthvað sem greipt er í hugann á nánustu aðstandendum án þess þó að ég hafi neitt fyrir mér í því. Bara ímynda mér það. En aðstandendur þeirra sem hafa látist í umferðarslysi eru samt líklega þeir einu sem geta dæmt um þetta. Ég tek undir samúðarkveðjur til aðstandenda, bæði þess sem lést og hinna.