Ég er alki...

 

..og er með það á hreinu að timburmenn og/eða fyllerí fer ekki vel saman við barnauppeldi.  Því má segja að ég  hafi verið töluvert heppin með að byrja ekki að drekka eins og svín, fyrr en mín börn voru orðin stálpuð.  Nú er ég edrú og ég veit jafn vel og ég hef alltaf vitað að börn og brennivín fara ekki saman.  Eins rökrétt og það nú er, að maður er ekki að sinna börnum undir áhrifum, né bakfullur með iðnaðarmenn í höfðinu, þá virðist þessi stórisannleikur alls ekki garga á fólk í einfaldleika sínum.

Í gegnum árin, hef ég komist í tæri við foreldra sem sjá nákvæmlega ekkert athugavert við að drekka sig fulla innan um börnin sín (ég tek fram að ég er að tala um fyllerí, ekki hófdrykkju, bara svo það brjótist ekki út áköf fagnaðarlæti hér á síðunni minni) hvað þá heldur að sinna þeim titrandi og skjálfandi úr timburmönnum.  Svo rammt getur kveðið að þessari blindu hjá fólki, að allar ábendingar um þennan "selföglighet" eru illa þegnar. Vægast sagt.

Svo opnast augu frægra manna fyrir þessari staðreynd og það vekur svo mikla athygli að það kemst í blöðin.  Braddinn fattaði sum sé að það er ekki gott fyrir börnin hans að hann sé timbraður að hugsa um þau.  Vá, þvílík uppgötvun, þvílíkar fréttir.

En það er ágætt að þetta vekur athygli.  Það þýðir ekkert fyrir einhverja nóboddía eins og mig og fleiri að benda á svona hluti.

Ónei,

Braddi og Angie geta komið boðskapnum til skila.

Og það er fínt.

Allir út að leika, bláedrú með börnin.

Úje...

Pitt: Timburmenn og barnauppeldi fara ekki saman

Athugasemdir

[Ásdís Sigurðardóttir, 16.10.2007 kl. 00:08]

Merkilegur andskoti hvað þarf oft fræga fólkið til að segja hvað sé rétt og rangt, við þessi venjulegu höfum alltaf vita að barnauppeldi og timburmenn fara ekki saman. Ekki heldur drykkja og börn. Þetta er eins og þegar nýfræga fólkið er spurt "og hvað er nú það merkilegasta sem komið hefur fyrir þig" svar: þegar barnið mitt fæddist.  Váááá er það ekki bara jafn merkilegt fyrir alla, fræga fólkinu finnst það eitthvað svo nálgast alúgann og koma niður á okkar plan ef það dásamar börn og barneignir.  SOrry missti mig aðeins 

[Jóna Á. Gísladóttir, 16.10.2007 kl. 00:27]

allir út að leika bláedrú með börnin.... ég er í kasti

mail mín kæra

[Jón Steinar Ragnarsson, 16.10.2007 kl. 05:31]

Af hverju var manni ekki sagt þetta fyrr?? Deeem....

[Laufey Ólafsdóttir, 16.10.2007 kl. 08:19]

Ég rak einmitt augun í þessa frétt um helgina og lá í kasti. Núna ligg ég enn meira í kasti! Við vitum nú líka að svona frægafólksfréttir eru alltaf slitnar úr samhengi og kryddaðar vel. En þetta eru náttla alveg nýjar fréttir fyrir mér og ég ætla að reyna að láta renna af mér áður en börnin koma heim úr skólanum DJÓK!

[Ásthildur Cesil Þórðardóttir, 16.10.2007 kl. 08:41]

Ætli þetta gildi líka um ömmur

[Sunna Dóra Möller, 16.10.2007 kl. 08:41]

fræga fólkið er ógissslega klárt....

[Jenný Anna Baldursdóttir, 16.10.2007 kl. 08:48]

Laufey skammastín, alltaf full með börnin eða timbruð. Ég er í kasti yfir þessari vitleysu, hahahaha.

Ásthildur þú verður að fara að streita þig upp, þetta gildir nebblega líka fyrir ömmur

Sunna Dóra: Við meðaljónurnar erum klárir HÁLVITAR miðað við fræga fólkið. Muha

Jón Steinar: Það er alltaf verið að fela fyrir okkur plebbunum alls konar nauðsynlegar upplýsingar.

Jóna: Farðu að hunskast í vinnuna, þú ógifta kona.

Ásdís: Algjörlega sammála þér vúman.

[Dísa Dóra, 16.10.2007 kl. 09:09]

Já viskan sem kemur frá fræga fólkinu hlýtur auðvitað að vera mun viturlegri en frá meðaljóninum - eða allavega frægari

Annars gat ég ekki annað en hugsað þegar ég las þessa frétt:  En hvað með eiturlyfin??  Er hann kannski skakkur alla daga að hugsa um börnin og finnst það bara alveg ok??  Afhverju skellir hann þessu ekki bara saman og talar um eiturlyfin líka? 

[krossgata, 16.10.2007 kl. 09:58]

Enn veldur hann tvíburabróðir minn Brad mér vonbrigðum.  Hann er alltaf að koma upp um að hann þarf að berja hausnum á sér í vegg til að átta sig á að hann er harður. 

[Jenný Anna Baldursdóttir, 16.10.2007 kl. 10:01]

DD: Þegar ég tala um alkahólsima, þá er ég amk. að ræða um fíknisjúkdóma yfir höfuð.  Það skiptir ekki máli hvort vímuefnið rýkur, rúllar eða rennur, það hefur allt sömu ömurlegu áhrifin.

Krossgata: Bróðir þinn er enginn Einstein.  Hehe

[Ragnhildur Sverrisdóttir, 16.10.2007 kl. 10:30]

Mér fannst þetta ósköp mikil ekki-frétt. Þetta vita nú flestir sem sinna börnum, eða ættu alla vega að gera sér grein fyrir þessu. En það er þó gott að Brad er réttu megin við strikið. Það hefði farið um mig hrollur ef hann hefði t.d. sagt: "Mér finnst gott að fá mér nokkra bjóra þegar ég er með litlu börnin mín, þá verð ég einhvern veginn afslappaðri og er ekkert að stressa mig á smáatriðum, eins og til dæmis hvort þau gleypa klaka eða eitthvað slíkt. Svo finnst mér líka fínt að vera timbraður, þá er ég löglega afsakaður að láta kellinguna eða barnapíuna sjá um krakkana á morgnana."

Þetta hefði nú verið heldur slæmt PR fyrir kappann