Út með Alfreð og Binga!

 

Ögn meiri stuðningur er við flesta þeirra flokka sem standa að nýjum borgarstjórnarmeirihluta, en við síðustu kosningar í borginni.   Framsókn er þó með aðeins minna fylgi (ef það er mögulegt).

Stuðningur við nýja meirihlutann er 56,5% og nú er að bíða eftir að nýja fólkið farið að bregðast við ástandinu.

Auðvitað er flott að það er komin félagshyggjumeirihluti í Borg Óttans, en ég er á því að best væri að kjósa aftur.  Ég veit það kostar peninga og fyrirhöfn en lýðræði kostar og það er vel þess virði.

Ég vil sjá félagshyggjumeirihluta ÁN þátttöku Binga, ég tel hann ekki síður ábyrgan á klúðrinu sem leiddi til núverandi ástands og ég myndi ekki treysta honum úr húsi, eins og ég hef áður sagt.

Svo fékk ég taugaáfall þegar ég sá að búið var að blása lífi í Alfreð, þann forstokkaða kerfiskarl.  Ekki var það gleðilegra að heyra hann játa því að hann sé einskonar guðfaðir atburðarrásarinnar í borginni sem leiddi til stjórnarskipta.

Það er svo löngu kominn tími á þann karl.

Alveg hef ég það á tilfinningunni að margt eigi eftir að koma fram í dagsljósið, af ráðabruggi Vilhjálms og Björn Inga, áður en yfir lýkur.

Kjósum aftur.  Það er hið eina rétta.  Ég er viss um að Svandís Svavarsdóttir myndi raka inn atkvæðum fyrir VG.  Það eru amk ekki margir sem ég hef talað við undanfarið sem ekki myndu kjósa hana.

Kjósa, kjósa, kjósa.

Og ekkert kjaftæði.

Úje 

Nýr meirihluti nýtur stuðnings 56,5% borgarbúa samkvæmt könnun

Athugasemdir

[Laufey Ólafsdóttir, 14.10.2007 kl. 09:28]

Ég veit svei mér ekki Jenný, ég vil aðeins sjá hvað gerist því mér finnst staðan mjög fróðleg og er spennt að sjá hvað gerist. Ég er líka ansi hrædd um að ef við kysum aftur yrði niðurstaðan D+S. Ég þekki t.d. ekki nema kannski 5 manns sem kjósa D en þeir fá svo alltaf rífandi fylgi í öllum kosningum. Við treystum bara Svandísi til að halda uppi heraga. Ég vil sjá félagshyggjustjórn sanna sig, þótt það sé með nettu valdaráni

[Jói (IP-tala skráð) 14.10.2007 kl. 09:55]

Félagar!

Nú er róttækari aðgerða þörf en kosninga.  Auðvaldið hefur farið um sveit og sjó og rænt og ruplað, fyrst fiskimiðunum okkar og nú leggst það eins og pestin á orkuna okkar!

Snúum vörn í sókn!  Náum fiskimiðunum aftur úr klóm sægreifanna!  Stöndum líka vörð um orkuna okkar!  Endurheimtum þýfið úr klóm auðvaldsins!

[Björgmundur Guðmundsson (IP-tala skráð) 14.10.2007 kl. 10:33]

Þú segir út með Alfreð?

Ef hans hefði ekki notið við þá væri þessi nýji meirihluti ekki til, þú áttar þig vonandi á því er það ekki?

Þessi nýja stórn er afkvæmi Alfreðs. Hvernig getur þú sem stuðningsmaður BDSM síðan reynt að sverta hann. Vildir þú frekar að hér væru Sjálfstæðismenn við völd og verið væri að selja hlut OR í REI/GGE á brunaútsölu til manna með flokksskírteini í Sjálfstæðisflokknum sem síðan í næstu kosningum greiddu 10% til flokksins af hagnaði REI/GGE.

Fátt er svo með öllu illt að ei boði gott...

NEi fögnum endurkomu Alfreðs á réttum, hárréttum tíma.

[Edda Agnarsdóttir, 14.10.2007 kl. 10:50]

Ef lýðræðið væri haft í hávegum þá ætti í raun að kjósa! En það er satt sem þú komst inn á Jenný að kostnaðurinn við kosningar er gífurlegur og baráttan hefði getað orðið óhuggulega grimm.

[Ásdís Sigurðardóttir, 14.10.2007 kl. 11:13]

Já, þetta er allt asnalegt. Kosningar eru það eina rétta í stöðunni, framsóknar madamman má fara til fjalla.

[Jóna Á. Gísladóttir, 14.10.2007 kl. 11:15]

Ég er ennþá að hugsa....

[Laufey Ólafsdóttir, 14.10.2007 kl. 11:28]

Jenný mín, er það rétt sem þessi Björgmundur er að halda fram? Ertu stuðningsmaður BDSM???  

[Hjalti Garðarsson, 14.10.2007 kl. 11:30]

Ef núverandi meirihluti myndi springa vegna andstöðu Svandísar við REI gjöfina,  þá myndi VG sópa að sér fylgi.

Hins vegar hræðist ég að Svandís samþykki svínaríið, til þess eins að halda völdum.  Með hennar stuðningi verða þeir ríku ríkari.

Pútt jor monní ver jor máþ is plís.

[Jenný Anna Baldursdóttir, 14.10.2007 kl. 11:30]

Ég kæri mig ekki um að standa í þakkarskuld við Alfreð Þorsteinsson, Björgmundur.  Svandísi má þakka að þessi samruni varð að veruleika, enda stendur hún eftir sem stálheiðarlegur og prinsippfastur sjórnmálamaður.

Ég vil kosningar, grimmar eða ekki.   Það er lýðræði.  Ef meirhlutinn væri öflugur og stór þá væri það annað mál, þessi getur staðið og fallið með einum manni.

Jóna hættu að hugsa, það er ekki heilsusamlegt.  Muahahhaha

[Hildigunnur Rúnarsdóttir, 14.10.2007 kl. 11:33]

Björningi, Dagur, Svandís, Margrét, BSDM

rotfl...

[Ragnheiður , 14.10.2007 kl. 11:35]

Það er varla hægt að lesa hérna núna, hörð skeyti sem ganga á milli....ég sem er að hlusta á messuna mér til hugarhægðar.

[Jenný Anna Baldursdóttir, 14.10.2007 kl. 11:56]

Sá þetta ekki Laufey, en heimurinn er fullur af fíflum

Hörð skeyti Ragga, whatt? Ér ég orðin samdauna.  Hm...

[Ragnheiður , 14.10.2007 kl. 12:35]

Nú frúin sökuð um að aðhyllast BDSM...

[Ásthildur Cesil Þórðardóttir, 14.10.2007 kl. 13:20]

Jamm og er ekki þögn sama og samþykki

[Heiða Þórðar, 14.10.2007 kl. 13:34]

Innlitsknús á þig Jenný min.

[Björg K. Sigurðardóttir, 14.10.2007 kl. 14:04]

Er hægt að kjósa á miðju kjörtímabili í sveitarstjórnarkosningum? Ég meina er það leyfilegt svona lagalega og tæknilega séð?

[Anna Ólafsdóttir (anno) (IP-tala skráð) 14.10.2007 kl. 14:10]

Veistu, mér finnst fjölmiðlar ekki nógu grimmir við að horfa á tilefnin sem eru til opinberrar rannsóknar. Þeir vilja bara heyra um plottin, rýtingana, sms-in. Mér finnst það grunnt. Ég er pissed - arrrggg - það vantar rannsóknarblaðamenn sem eru óháðir flokkum og tilbúnir að finna skemmdu eplin sama hvar þau liggja - arrrggg. Ég held að óháð rannsókn ætti að koma á undan vegna þess að þá kemur upp á yfirborðið hvort þeir sem nú mynda meirihlutann eru með skemmd epli. Ég held líka að spurningar umboðsmanns og það hvaða svör er hægt að gefa við þeim skipti máli upp á kosningar að gera.

[Sunna Dóra Möller, 14.10.2007 kl. 14:44]

Ég er sammála þér Jenný! mér finnst að það eigi að kjósa aftur og margir sem að ég hef talað við eru á því! Ég er einnig sammála Önnu með að ætti að fara fram rannsókn hjá óháðum aðilum....það er ekki nóg einmitt að skrifa bara um plottið...... Það liggur eitthvað meira undir og við eigum heimtingu á að heyra alla söguna sem kjósendur!

[Ellimóður (IP-tala skráð) 14.10.2007 kl. 18:35]

Bæti hér inn það sem ég hef skotið inn annarsstaðar: Líklega gefa lög um sveitarstjórnir og kosningar til þeirra ekki heimild til kosninga á miðju kjörtímabili, öfugt við Alþingi. Ég held ég farið rétt með að hvað sveitarstjórnir varðar, þurfum við að sitja uppi með það sem við kusum í síðustu reglulegu kosningum allt þar til að fjórum árum liðnum frá kosningum. Svipað fyrirkomulag er hjá norska Stórþinginu.

[Birna Dis Vilbertsdóttir (IP-tala skráð) 14.10.2007 kl. 18:52]

OMG BDSM . KOSNINGAR TAKK FYRIR

[Marinó G. Njálsson, 14.10.2007 kl. 21:18]

Ellimóður og Björg Kristjana hafa rétt fyrir sér.  Það er bara kosið til sveitarstjórna á fjögurra ára fresti, þannig að tiltektin þarf að eiga sér stað þá.

[Jenný Anna Baldursdóttir, 14.10.2007 kl. 21:22]

Sjitt Marínó.

[Jenný Anna Baldursdóttir, 14.10.2007 kl. 21:23]

Gleymdi einu, það hlýtur að verða að kjósa ef ekki næst samstaða um meirihluta? Hvað ef vi. flokkarnir myndu tam. neita að hafa Binga í farteskinu? Yrði þá minnihluta stjórn?

[Ellimóður (IP-tala skráð) 14.10.2007 kl. 21:34]

Ekki taka þetta þannig að ég sé að mæla þessu fyrirkomulagi bót, en staðreyndirnar eru víst bara svona, eins og Marinó G. Njálsson staðfestir hér ofar. En kæmi upp sú staða, sem Jenný Anna bendir á, þ.e.a.s. að vinstri flokkarnir gæfust upp á Binga, þá yrðu víst "málefni að ráða", þ.e. enginn meirihluti, menn greiddu atkvæði með hverju máli eftir sannfæringu sinni hverju sinni. Í praksis er þetta náttúrulega óframkvæmanlegt og því skyldi maður ætla að það væri ástæða til fyrir löggjafann að skoða þetta ofan í kjölinn. Kannski þarf bara að koma upp eitthvert óleysanlegt vandamál af þessum toga til að tekið verði á þessu. En það gæti vissulega orðið skelfilegt fyrir stærsta sveitarfélag landsins ef þannig færi.

[Jenný Anna Baldursdóttir, 14.10.2007 kl. 22:16]

Ég vissi að þú varst ekki að mæla fyrirkomulaginu bót, Ellimóður.  En svakalega finnst mér þetta furðulegt fyrirkomulag.  Kjörtímabilið er ekki hálfnað. 

En alltaf læri ég eitthvað nýtt.

[ViceRoy, 14.10.2007 kl. 22:41]

Þetta er fáranlegt mál. Auðvitað á að kjósa upp á nýtt. Lýðræðislega kjörinn flokkur situr eigi lengur við völd og hægt sé að skella skuldum á hinn og þennan... held þetta hafi verið einfalt plott frá upphafi til enda til að koma sjálfstæðismönnum frá og koma enn svartara orði á flokkinn, en bara of fáir vilja meina að svoleiðis gerist hér á landi.

Ég er skíthræddur um að núna fari þetta í sömu bölvuðu skuldasúpuna sem Reykjavík var komin í og á endanum verður ekki séð til annars en að hækka útsvarið. Líst ekki á þetta pakk sem á að stjórna þessari borg.

[Benedikt Halldórsson, 15.10.2007 kl. 00:11]

Við viljum kosningar! Við viljum kosningar!