Nauðgarinn er í fríi..

í útlöndum, sagði lögmaður hans um það leyti sem dómur yfir manninum var kveðinn upp.  Hann er enn í fríi en mun hafa haft samband við Fangelsismálastofnum til að grafast fyrir um hvenær hann á að mæta í afplánun.

Það er sennilega eitthvað að viðhorfi mínu til "fólks", en mér finnst svo afskaplega ósennilegt að viðkomandi nauðgari láti sjá sig hér aftur, en svo má vel vera að maðurinn sé sómakær með afbrigðum og stimpli sig inn í fangelsið á "dottinu", af því hann má ekki vamm sitt vita.

Miðað við alvarleika þessa tiltekna brots, má segja að maðurinn hafi dottið í lukkupottinn.  Svona vel hefði hann ekki sloppið, víðast hvar á byggðu bóli. 

En við bíðum og sjáum til.

Dæmdur nauðgari mun hefja afplánun í næstu viku

Athugasemdir

[Ásdís Sigurðardóttir, 9.10.2007 kl. 15:38]

Ég held að það ætti að henda nokkrum öðrum helvítis fíflum inn með honum.  Kveðja frá skapbjráluðu konunni á Selfossi

[halkatla, 9.10.2007 kl. 15:39]

hann ætti að fá fálkaorðuna ef að hann mætir, ég er ekki að grínast!

[ViceRoy, 9.10.2007 kl. 15:42]

Ég hef eina spurningu varðandi þetta mál. Af hverju fær Portúgali 3 og hálft ár? Sem virðist vera mun lengra en Íslendingar eru að fá.  Reyndar hef ég ekki heyrt af þessu máli, þannig að ég veit ekki um hversu gróf nauðgun er um að ræða... En það er samt!  Menn eiga að fá langa dóma fyrir nauðgunarbrot og enn lengri dóm fyrir barnanauðgun!

Enginn á að sleppa með lítinn dóm, nauðgun er ofbeldi og sennilegast eitt af þeim brotum sem þolendur eru hvað lengst að ná sér eftir. Nauðgun er alltaf gróf og mennættu því eins og ég sagði, að fá langa dóma fyrir! 

Er þetta kannski málið sem kom upp í Keflavík? Málið sem upphóf umræðuna varðandi gæsluvarðhaldið?

[Ásthildur Cesil Þórðardóttir, 9.10.2007 kl. 15:58]

Ef hann hefði falsað tékka, þá væri hann örugglega í farbanni

[Jenný Anna Baldursdóttir, 9.10.2007 kl. 16:07]

Berglind: Hvaða klassísku dæmi um slíkar lygar hefur þú á takteininum?  Það hlýtur að vera innistæða fyrir þessum fullyrðingum sem þú setur hér fram.  Eða hvað?

Ég er hissa á að þar sem nauðgun hefur sama refsiramma og morð, að maðurinn skuli ekki hafa verið látinn í farbann.

En ég er í raun hætt að verða hissa.

[halkatla, 9.10.2007 kl. 16:11]

ja, sem óformlegur talsmaður hefðarmeyja þá flokka ég þessi orð Berlindar undir róg og gróflega aðför að mannorði, hver ætli hennar réttlæting geti verið á þessu?

[Jenný Anna Baldursdóttir, 9.10.2007 kl. 16:40]

Já Anna Karen, þetta er útbreidd mýta hjá þeim sem ekki hafa kynnt sér málin, að konur séu nánast beitandi nauðgunarkærum fyrir sig eins og þær skipta um föt, þe einu sinni á dag eða svo.  Þar sem meinsæri er refsivert athæfi, ættu að finnast hellingur af dómum, þar sem þessar lygnu "hefðarmeyjar" eru sóttar til saka.  Það er slæmt þegar fólk kastar fram svona innihaldslausum fullyrðingum.

[dg (IP-tala skráð) 9.10.2007 kl. 17:11]

Án þess að leggja nokkurt mat á þetta tiltekna mál bendi ég á að það er ekki sami refsirammi fyrir morð og nauðgun.

194. gr. [Hver sem hefur samræði eða önnur kynferðismök við mann með því að beita ofbeldi, hótunum eða annars konar ólögmætri nauðung gerist sekur um nauðgun og skal sæta fangelsi ekki skemur en 1 ár og allt að 16 árum. Til ofbeldis telst svipting sjálfræðis með innilokun, lyfjum eða öðrum sambærilegum hætti.

211. gr. Hver, sem sviptir annan mann lífi, skal sæta fangelsi, ekki skemur en 5 ár, eða ævilangt.

Eins get ég bent á dóm S-159/2006 í héraðsdómi Austurlands vegna rangrar sakargiftar í nauðgunarmáli.

[dg (IP-tala skráð) 9.10.2007 kl. 17:12]

Þetta með dóminn er ekki meint sem stóri dómur á allar nauðgunarkærur, bara 1 svona mál er of mikið finnst mér.

[Jenný Anna Baldursdóttir, 9.10.2007 kl. 17:21]

Dg ég veit að það eru til dómar vegna rangra sakargifta í nauðgunarmálum, en miðað við mýtuna um að konur séu sífellt ljúgandi upp á menn nauðgunum, ættu þeir að vera töluvert fleiri en þeir eru.

[Hallgerður (IP-tala skráð) 9.10.2007 kl. 18:22]

Hér held ég að máltækið góða eigi við : Ræðan er silfur,þögnin gull.Svakaleg reiði er hérna inni.Þungir dómar falla.Ein nett spurning,hvað er hroki ?tel mig vita það,þekki hann ágætlega,en reyni á hverjum degi að sniðganga hann.Reyni líka meðvitað að fækka skoðunum mínum.Hef gaman að vel ígrunduðum skoðannaskiftum,en allir þessir sleggjudómar eyðileggja umræðuna.Þetta einfaldlega meiðir og skilar engu.Látum verkin tala lesið þið bloggið hennar mariu kristjánsdóttir

[Einar Lee, 9.10.2007 kl. 18:24]

Dómurinn yfir þessum manni er náttúrulega gott dæmi um furðulega framkomu réttarkerfis gagnvart brotaþolum.  Stelpurnar sem hann nauðgaði þurfa að vita til þess að maðurinn gangi laus eftir eigin geðþótta og er bara í fríi í útlöndum.  Ef hann hefði flutt inn nokkur grömm af dópi væri hann í gæsluvarðhaldi fram að dómsuppkvaðningu.

[Anna Ólafsdóttir (anno) (IP-tala skráð) 9.10.2007 kl. 18:46]

Ég á erfiðast með að skilja af hverju manni sem hefur verið dæmdur fyrir svona alvarlegt brot er hleypt úr landi. Ef það er á grundvelli þess að hann eigi fjölskyldu erlendis eða eitthvað slíkt hefði mér fundist eðlilegra að fólkið hans kæmi hingað.

[Edda Agnarsdóttir, 9.10.2007 kl. 19:11]

Skrýtið - skil þetta ekki bíð eins og þú.

[Jóna Á. Gísladóttir, 9.10.2007 kl. 19:16]

Tek undir með Einari Lee. Það er hneisa að sekur maður af svo alvarlegum glæp, gangi laus eftir að dómur er fallinn.

Hvaða sleggjudóma er Hallgerður að tala um eiginlega?

[Hallgerður (IP-tala skráð) 9.10.2007 kl. 20:36]

Jóna af hverju sagðir þú ekki : hallgerður hvað meinarðu með sleggjudómum ?hvern varstu að spyrja ? ég er hérna.Sleggudómur er að mínu viti dómur sem sem fellur án dóms og laga.Dómstóll götunnar.Eigum við ekki að sjá hvað setur ?.Spyrja fyrst og skjóta svo.Dæmdir menn hafa verið sóttir til annara landa.Nauðgun er sálarmorð það fer fjarri því að ég álítið e.h.annað.Histería er annað.Því miður hættir okkur konum til að haga okkur eins og fífl í umræðum,eintóm upphrópunarmerki og svo.........ekkert.Ergo sleggjudómar sem engu skila.Aldrei.

[Jenný Anna Baldursdóttir, 9.10.2007 kl. 21:02]

Hallgerður: Yfir hverju ertu svona reið?  Yfir að fólki skuli blöskra, að maður sem dæmdur hefur verið í héraði til fangelsisvistar og skotið málinu til Hæstaréttar, skuli bara skella sér úr landi sísvona? Hvaða sleggjudómar hafa fallið hér?  Það er fólki einfaldlega óskiljanlegt að það skuli ekki litið alvarlegum augum á "ferðalög" dæmdra nauðgara.