"Hennar" hátign Bjarni Ármannsson var í drottningarviðtali..

..hjá Evu Maríu í gær, þar sem hún hjalaði og hló við þessu megakrútti peningaelítunnar.  Ef ég vissi ekki betur, þá hefði ég keypt þann boðskap, sem þættinum var greinilega ætlað að koma á framfæri, að Bjarni Ármannsson, væri nokkurs konar Kofi Annan á vegum REI en ekki að vernda eigin hagsmuni, eigandi hundruðir milljóna í fyrirtækinu.

Bjarna hefur verið skellt inn í þáttinn með litlum fyrirvara.  Rúmlega helmingur þáttarins fór í bombuna miklu sem skekur íslenskt þjóðfélag og ekki er séð fyrir endan á.

Það er fjári gott að fá heilt drottningarviðtal á besta tíma í ríkissjónvarpinu og fá gagnrýnislaust að ryðja úr sér réttlætingu á fyrirkomulaginu sem enginn virðist styðja í þjóðfélaginu, nema Bingi og Bill.

Bjarni Ármannsson er alltaf eins og fermingardrengur í framkomu.  Hann hefur ljúfa framgöngu, er sakleysislegur og mjúkur, hefur sýnt sig jafnréttissina, og það er á hann hlustað.

En hann er peningamaður fyrst og fremst og hann hefur sett helling af eigin fjármunum í REI og þess vegna er hann ekki hlutlaus aðili, eins og ætla mætti þegar maður hlustaði á hann tala við Evu Maríu, sem virtist alveg hafa gleymt þeirri staðreynd, að hún telst stjórnandi þáttarins.

Fruss! 

Athugasemdir

[M (IP-tala skráð) 8.10.2007 kl. 10:16]

Segðu...  

Hann slær ekki ryki í okkar augu  

[Jenný Anna Baldursdóttir, 8.10.2007 kl. 10:47]

Gunnar Þór: Ég hef óbilandi trú á almennri skynsemi.  Ég held að þá sjaldan við almenningur fáum að sjá plottið, eins og í þessu tilfelli, þá sé fólki einfaldlega nóg boðið. 

[Bjarni Kjartansson, 8.10.2007 kl. 10:56]

Bjarni kemur vel fyrir og er afar fermingajadrengjalegur, rétt er það.  Svo mun um marga menn, sem þurfa á slíku útliti að halda.

Gersamlega óskiljanlegt, að Ríkissjónvarpið standi í svonalöguðu, hefði skilið það, að þetta kæmi frá Stöð Tvö, enda ku það í eigu aðila sem eiga hagsmuni í REI bombunni.

Miðbæjaríhaldið

[Halldór Egill Guðnason, 8.10.2007 kl. 10:57]

Ekki laust við að manni verði hálf flökurt á að fylgjast með þessum skandal. Mest hræddur um að þetta deyji út á næstu dögum eins og önnur hneyksli. Ekki einu sinni orðinn eftir einn óháður fréttamiðill til stinga á svona kýlum. Gróðapungarnir eiga þá alla orðið líka og það sem verra er, stjórna ríkisfjölmiðlinum einnig. Oj bara.

[Katrín Snæhólm Baldursdóttir, 8.10.2007 kl. 10:58]

Iss þetta fer allt fram fyrir opnum tjöldum og ekkert þarf lengur að fela fyrir almúganum..hann röflar eitthvað smá,æmtir undan verstu svívirðingunum og leggst svo aftur hlýðinn í kosningabælið og bíður næstu kosninga. Tilbúinn að fremja gjörninginn eina ferðina enn og skrimta á afgöngum veisluborðsins...Geisp!!!

[Jenný Anna Baldursdóttir, 8.10.2007 kl. 11:05]

Þú skalt ekki vanmeta hinn almenna mann Katrín, það skortir ekki á að honum sé ofboðið.  Spurningin er hins vegar hvort þessar "dúsur" sem verið er að reyna að róa okkur með, slái á mestu ólguna.  Ég held ekki.

Annars er ég hjartanlega sammála ykkur öllum.

[Ásthildur Cesil Þórðardóttir, 8.10.2007 kl. 11:10]

Það náðist ekki einu sinni að laga dagskrána fyrir útsendinguna, þar var auglýst kona í viðtal.  Svo mikið hefur nú legið á að koma þessum peningapúka í viðtalið. 

[halkatla, 8.10.2007 kl. 11:10]

Eva María þessi "frábæra" sjónvarpskona hefur aldrei svo mikið sem reynt að vera störfum sínum vaxin - drottningarviðtöl við útvalda eru hennar sérgrein. Annars er þetta allt bara mjög sorglegt. Enn eina ferðina eru allir miður sín.

[Sunna Dóra Möller, 8.10.2007 kl. 11:18]

Alveg ótrúlegt...sammála ykkur öllum, ég sá þetta viðtal og var ekki að kaupa þetta og fannst þetta asnalegt í ljósi frétta af þessu máli síðustu daga! RÚV á bara að skmmastín fyrir svona vinnubrögð !

[Kolgrima, 8.10.2007 kl. 11:34]

Ég gat ekki horft á þetta til enda. Mér fannst Eva María góð í Kastljósi hér áður fyrr og eins meinilla mér er við það að gagnrýna konu opinberlega og það jafnágæta konu og Evu Maríu, þá er það alveg á hreinu að þetta viðtal skaðaði þau bæði, Bjarna og Evu.

[Jenný Anna Baldursdóttir, 8.10.2007 kl. 11:49]

Sammála Kolgríma, mig verkjar undan því að gagnrýna Evu Maríu, en hún er stór stelpa og verður að sæta þessu.

[Stefán (IP-tala skráð) 8.10.2007 kl. 11:54]

Ég missti allt álit á Evu Maríu í gærkvöldi og sagði nú bara þegar ég horfði á þennan skrípaleik ,, mikið rosalega er Eva María eitthvað ódýr ". Þetta ómerkilega innskot Ríkissjónvarpsins er þeim til skammar og Bjarna Ármannssyni alls ekki til framdráttar nema síður sé. Fólk hlýtur að fara að átta sig á því að á bak við barnslegt glottið býr ekkert annað en taumlaus peninga og valdagræðgi.  

[Jenný Anna Baldursdóttir, 8.10.2007 kl. 11:56]

Mér finnst sárast Stefán að það sé hægt að panta tíma í huggulegan sunnudagsþátt, með engum fyrirvara (ekki eins og þáttur sé fréttatendur)og vaða þar uppi með tal um umhyggju fyrir landi og þjóð, blablabla... og allir vita að hann á fleiri hunduð milljónir í fyrirtækinu.  Það finnst mér verst.  Þetta er, fjandinn hafi það ríkissjónvarpið.

[Jenný Anna Baldursdóttir, 8.10.2007 kl. 11:57]

Og svo var henni Önnu Páls, dómkirkjupresti þeirri merku og skemmtilegu konu bara kippt út sí svona fyrir peningaaflið. ARG 

[Kristín Björg Þorsteinsdóttir, 8.10.2007 kl. 12:01]

Nákvæmlega - Anna Sigríður sem var sett inn í embætti í gær var skipt út. Ég er rosalega hissa á þessum viðbröðgum sjónvarpsins þar sem þetta mál er á það viðkvæmu stigi að ekki er réttlætanlegt að einn maður fái hálftíma til að koma sínu máli á framfæri.

[Jenný Anna Baldursdóttir, 8.10.2007 kl. 12:05]

Kristín Björg og það er í raun óskiljanlegt að þáttur sem er engan veginn fréttaþáttur (skemmitþáttur í raun) skuli vera tekin út fyrir þetta hjal.  Hver ákveður þetta, það þætti mér gaman að vita?

[Kolgrima, 8.10.2007 kl. 12:07]

Mér þætti gaman að vita hver átti hugmyndina að þessu. Ég er eiginlega alveg viss um að það var hvorki Bjarni né Eva, ekki Sjálfstæðisflokkurinn því hann á þá ósk heitasta að þetta mál hverfi kviss bang og hverjir eru þá eftir? Útvarpsstjóri með stjörnuleik? Ekki að ég beinlínis ætli að ætla manninum það en hverjum dettur eiginlega svona lagað í hug?

[Katrín Snæhólm Baldursdóttir, 8.10.2007 kl. 12:09]

Jenný það er bara sorglegra en tárum taki hvernig komið er fyrir þjóðarsál og það virðist vera nokk sama hversu mikið fólki misbýður það virðist engin áhrif hafa þarna uppi í postulínsturninum.  Stóru kallarnir bara brosa góðlátlega og segja.."No worries this is just a storm in a tecup" vitandi að eftir nokkra daga verður málefnið gleymt og eitthvað annað sem hefur tekið yfir áhuga almennings.

[Jenný Anna Baldursdóttir, 8.10.2007 kl. 12:14]

Katrín: Núna vona ég innilega að eitthvað komi út úr þessum stormi.

Kolgríma: Eigum við afnotagjaldsgreiðendur ekki rétt á að vita vinnuferlið á þessu máli?  Ég held nú það.

[Ásdís Sigurðardóttir, 8.10.2007 kl. 12:28]

Mér finnst óvenju mikill samhugur í fólki í þetta skipti. Eins og REI hafi hreinlega verið kornið sem fyllti mælirinn í peningasubbuskapnum sem þessir menn hrærast í . Græðgin er að drepa þá eins og Jóakim frænda og ekkert er þeim heilagt. Vonandi standa menn á sínu og láta þetta ekki óendurskoðað í gegn. Ég hélt að Eva María væri hörkutól en ekki viðhlægjandi, en margur er falur fyrir aurinn og frægðina.   

[Sunna Dóra Möller, 8.10.2007 kl. 12:42]

Skiptu þeir Önnu út fyrir þetta......ég hafði ekki hugmynd um það ! Mikið hefði verið flott að sína það viðtal á sama degi og hún tekur við embætti!!

[Fríða Eyland, 8.10.2007 kl. 12:44]

[Anna Ólafsdóttir (anno) (IP-tala skráð) 8.10.2007 kl. 12:45]

Ég verð að segja eins og fleiri hér. Ég missti allt álit á Evu Maríu þegar ég sá að Bjarni yrði gestur hennar og það á þessum tímapunkti. Hún var líka algjörlega bitlaus í öllum spurningum.

Arrggg! Ég er ennþá meira pissed að heyra að Önnu Pálínu hafi verið skipt út fyrir peningamann sem fékk svo að nota þáttinn til að slá ryki í augu fólks. Hvað er þessi þáttastjórnandi að pæla???

[Kolgrima, 8.10.2007 kl. 12:46]

Þetta hefur skaðað Evu Maríu, á því leikur ekki nokkur vafi. En Eva María er samt sem áður starfsmaður sjónvarpsins og fólk þarf stundum að gera fleira en því gott þykir í vinnunni. Ég öfunda hana t.d. ekki af því að hafa þurft að segja Önnu Sigríði að henni hefði verið kippt út.

Þetta viðtal er aðeins einn hlekkur í algjörlega absúrd atburðarás og Eva María aðeins peð í þeim leik. Eins og Jenný segir, við hljótum að eiga rétt á því að vita vinnuferlið í þessu máli - Eva María á rétt á því að það verði upplýst hver tók þessa ákvörðun og fyrir tilstilli hvers.

[Sunna Dóra Möller, 8.10.2007 kl. 12:50]

Algjörlega sammála þér Kolgríma!!

[Jenný Anna Baldursdóttir, 8.10.2007 kl. 13:26]

Það er greinilega vel flestum ofboðið, hvað varðar allt þetta mál.  Sama hvar borið er niður og sama hvar í flokki fólk stendur.  Mér finnst stelpur, eins og ykkur, alveg sjálfsögð krafa okkar almennings að fá að vita, hvað liggur að baki þeirri ákvörðun að kippa út Önnu Sigríði og skella Bjarna inn.  Hver er rökstuðningurinn?  Þessu vil ég fá úr skorið og ég er illa pirruð.

[Stefán (IP-tala skráð) 8.10.2007 kl. 13:34]

Sjónvarpið og Eva María verða bara að svara fyrir þennan skrípaleik sem settur var þarna í gang. Ætli Bjarni Ármanns. ætli sér annars að kaupa Sjónvarpið næst ? Græðgin ríður ekki við einteyming ?

[Jenný Anna Baldursdóttir, 8.10.2007 kl. 13:38]

Það er spurning Stefán, hvort peningaliðið kaupi ekki upp allan pakkann bara, til að geta stjórnað umræðu, pólitík og öllum pakkanum eins og hann leggur sig.

Og hugsa sér, mér fanst bókin 1984 vera skelfileg!

[M (IP-tala skráð) 8.10.2007 kl. 13:48]

Litli sæti sunnudagsþátturinn hennar Evu Maríu er orðinn einn sá umtalaðasti þáttur landsins. Ef menn eru ekki að pissa uppí sig í einhv. hringrás,þá sprengja eins og í gærkveldi.  Efa það nú samt að Eva María stjórni því ein hvað sé þar á dagskrá, er ekki Þórhallur t.d. ritstjóri þáttarins ?

[María Kristjánsdóttir, 8.10.2007 kl. 13:50]

Ég held við verðum að fara að krefjast opinberrar stjórnsýsluúttektar á tengslum manna í fjármálageiranum við önnur valdsvið þjóðfélagsins. Það sé næsta rökrétta skref svo að við vitum við hverja við erum að tala í hvert sinn eða réttara sagt hver er að tala við okkur.

[Kristín Björg Þorsteinsdóttir, 8.10.2007 kl. 13:51]

Já þessi þáttur var eins og út úr kú - ég man ekki eftir slíkum sunnudgskastljósþætti áður. Ég er eins og þið - ég vil fá að vita hver ákvað þetta? Eva María? Páll Magnússon? Þórhallur Gunnarsson? Valhöll?

[Jenný Anna Baldursdóttir, 8.10.2007 kl. 13:56]

Sammála krakkar og María ég hef nákvæmlega þessa tilfinningu fyrir þættinum í gærkvöldi, hver í áranum er að tala við mann.  Þetta er orðið eins og á miðilsfundi, eitthvað bölvað handapat í myrkri. "Hver talar, hver talar?".  Dem.

[Magni (IP-tala skráð) 8.10.2007 kl. 14:03]

Nú sitja þeir á bráðafundi, sjallarnir og verið þið viss, þeir reyna að kjafta sig út úr þessu með engum fórnarkosnaði, allir munu sitja sem fastast og Björn Ingi eflaust líka.

Svartsýnn er ég og ekki að ástæðulausu.

[Anna Ólafsdóttir (anno) (IP-tala skráð) 8.10.2007 kl. 14:21]

Ég hélt að það það væri stefna að ritstýra ekki svona þætti. Hann er ekki lengur tengdur Kastljósi, það var meira að segja skipt um nafn til að skerpa á því. Hann heitir Sunnudagskvöld með Evu Maríu, EKKI Sunnudagskastljós.

En hér eru greinilega ekki öll kurl komin til grafar. Hver stýrði því að Önnu Pálínu var hent út og Bjarna kippt inn? Ég vil svör!

[Hugarfluga, 8.10.2007 kl. 14:27]

Amen sistah og góðan daginn.  Skandall út og í gegn og á ekki að viðgangast eða líðast.  Stappa niður fótunum og rugga sér í auðlendunum!

[Ásthildur Cesil Þórðardóttir, 8.10.2007 kl. 15:07]

Það er örugglega hægt að mótmæla svona tilfærslu ef manneskja er með bein í nefninu.  Munið eftir Guðrúnu Gunnars, þegar hún neitaði að ræða við klámstjörnuna.  Það hlýtur að vera undir þáttastjórnenda komið hve langt hann lætur teyma sig.  Þarna missti Eva María æruna frammi fyrir alþjóð. 

[Ásthildur Cesil Þórðardóttir, 8.10.2007 kl. 15:10]

Er þetta hægt Matthías

[Jenný Anna Baldursdóttir, 8.10.2007 kl. 15:50]

Þarna höfum við það svart á hvítu að henni Önnu minni hefur verið kippt út.

Takk Ásthildur en who the fuxx is Matthías?

[zoo (IP-tala skráð) 8.10.2007 kl. 15:51]

Setti hann helling af peningum í batteríið, ég væri nú alveg til í að sjá nótuna fyrir því. Þessar 500 millur sem hann setti í þetta, eru 1500 millur í dag. Það er bara verið að leika sér að tölum. Það eru þeir nokkuð lunknir í þessir auðmenn. 

[zoo (IP-tala skráð) 8.10.2007 kl. 15:55]

Laissez- Faire, ef þú hefur hlustað á viðtalið einsog svo margir aðrir, þá hefðirðu tekið eftir því að Bjarni sagði að það yrði að líta á þetta hnattrænt, Íslenskt þjóðfélag kæmi ekki til með að hagnast mikið á þessu, heldur frekar þeir staðir þar sem þessi "orkuútrás" á að eiga sér stað á. Með öðrum orðum, hluthafar hagnast um grilljónir, og þeir einir. Amen

[Katrín Snæhólm Baldursdóttir, 8.10.2007 kl. 15:59]

En að beina spurningum beint til Ruv og krefjast svara við brennandi spurningum???

[hallgerður (IP-tala skráð) 8.10.2007 kl. 16:01]

error error.

er þetta ekki múgæsing ?hvað er eiginlega í gangi hérna

er það óeðlilegt að flytja nýjustu fréttir eða það sem fólk

talar um og þyrstir að vita á hverjum tíma?

af hverju er þetta hatur út í auðmenn ? öfund ?nei ekkert

okkar viðurkennir það, en nú er komið skotleyfi á manninn

meira að segja útlit hans er til umfjöllunar......

helvíti erum við fljót að svívirða hvort annað í ræðu og riti

og þá ekki síst svokallaða auðmenn.er fíflunum að fjölga

í kringum okkur ?mér dettur þessi ágæta vísa í hug : Taktu ekki níðróginn nærri þér /það næsta  trúlega  er sagan/ að lakasti gróðurinn ekki það er /sem ormarnir helst vilja naga.

 hvernig væri að bíða með opinbera aftöku á meðan ekki hefur verið dæmt í málinu

[Fríða Eyland, 8.10.2007 kl. 16:26]

Það borgar sig ekki að narta í hæla á mörgum litlum, Þórhallur og Eva M. eru peð, einnig sjónvarpsstjóri. Það er hagur andstæðingsins að við dreifum athyglinni á marga einstaklinga, samstaðan minkar. Enginn er allra og fólk er í vinnunni.

Björn Ingi fór ferð starfsfólki eimskip H/F (aðallega í eign bankanna) og Forsetinn og frú flugu með Glitni eign bankanna.

Við erum að tala um bankana og hverju þeir stjórna þeim. Hvað sem þeir annars heita eru þeir okkar samferða menn, þeir eiga ekkert með að vaða yfir okkur og vasast í RÚV.......aðallega í eign almennings

[Anna Ólafsdóttir (anno) (IP-tala skráð) 8.10.2007 kl. 16:33]

Hallgerður: Þessi þáttur er ekki skilgreindur sem fréttatengt efni eins og t.d. er gert með Kastljós. Þú getur séð það sjálf ef þú smellir á Sjánvarpið á RÚV-vefnum. Hann er settur í flokkinn Íslenskir Þættir. Kynningin á sjálfum þættinum er:

Á sunnudagskvöldum eftir fréttir mun Eva María Jónsdóttir halda uppteknum hætti og ræða við fólk. Umræðuefnin geta verið margvísleg, sum hlægileg, önnur dapurleg, einhver forvitnileg, jafnvel framandi.

Fólkið sem kemur í sjónvarpssal á það eitt sameiginlegt að vilja deila köflum úr lífsreynslu sinni með áhorfendum. Þetta er ein leið til að segja sögur, sögur af manneskjum.

Að því sögðu sé ég ekki neitt, nákvæmlega ekkert, sem réttlætti að viðmælanda væri skipt út í þætti Evu Maríu. Það var búið að fjalla stanslaust um þetta mál í fréttum og fréttatengdum þáttum á RÚV í tvo eða þrjá daga að minnsta kosti.

Ég ætla að leyfa mér að halda því fram að annað búi að baki en að svala fréttaþorsta almennings. Sorrý - ég kaupi bara ekki rökin þín.

[Jenný Anna Baldursdóttir, 8.10.2007 kl. 16:43]

Sammála Anna en hver togar í spotta?  Hvaða þungaviktarmaður er það?

Hallgerður: Hver er að taka af lífi?  Ertu á móti lýðræðislegri umræðu?

Jösses!

[Hallgerður (IP-tala skráð) 8.10.2007 kl. 16:50]

Ég sá þáttinn,það vakti athygli mína hvað Bjarni er ærlegur Anna,er hins vegar heldur slök í samsæriskenningunni og græt ekki í koddann mig þess vegna.Raunar nokkuð ánægð með að vera ekki með hana á lofti í tíma og ótíma.Sé ekki hafandi hugsað málið plottið í þessu eða hvers hagur þessi tilfærsla var.Viðtalið var gott.Hugsum málið aðeins ég einfaldlega trúi ekki að Eva M.láti stjórna sér,ég ber mikla virðingu fyrir henni eins og svo mörgum öðrum,þar með talað skoðunum þínum þó ég sé þér ekki sammála.Mér finnst hins vegar umhugsunnarefni hvernig fjallað er um þessa ný ríku menn,oft  er sú umræða nánast ærumeiðandi.

[Hallgerður (IP-tala skráð) 8.10.2007 kl. 16:55]

Jenný,lestu sumt af því sem fólkið er að skrifa hérna.Nei ég elska lýðræðið heitar en allt annað,en frelsinu fylgir ábyrgð hefði ég haldið eða eins og E.Ben segir á einum stað í Einræðum Starkaðar :Hve iðrar margt líf eitt augnakast sem aldrei verður tekið til baka/því að svo leynist strengur í brjósti sem brast/við biturt andsvar gefið án saka........

[Jenný Anna Baldursdóttir, 8.10.2007 kl. 17:06]

Hallgerður: Það er ekkert athugavert við að fólk velti fyrir sér fyrirkomulaginu á opinberum fjölmiðli þegar svona stílbrot eiga sér stað.  Ég er hinsvegar sammála þér með það að frelsi fylgir ábyrgð og hver og einn verður að standa reikningsskil á orðum sínum og gjörðum.

[Jensen (IP-tala skráð) 8.10.2007 kl. 17:19]

Það kæmi manni ekki á óvart að Bjarni Ármannsson,hafi keypt þennan þátt í gær.Þetta var aumkunarvert hjá honum svo vægast sagt.

[Hallgerður (IP-tala skráð) 8.10.2007 kl. 17:24]

Þá erum við sammála Jenný,það er bara þetta hvernig við komum því frá okkur,ég held já og raunar veit að öll gífuryrði falla um sig sjálf,en vel rökstuddur máflutningur blífur.Það eru rökþrot að mínu mati að fjöyrða um útlit fólks.Annað,allt annað það hefur oftar en einu sinni hrifið mig hvað þú ert einlæg,talar út frá hjartanu,hefur aldrei fegrað þig hvorki í gleði eða sorg.....mætir alltaf eins og þér líður á hverjum tíma.Ég er klár á því,eins og nótt fylgir degi að með þeirri framkomu þinni bætir þú hversdag hundruði manna.Fyrir það þakka ég núna og kveð í þessari umræðu.

[Björg K. Sigurðardóttir, 8.10.2007 kl. 17:49]

Mér finnst málið snúast um að sjónvarpið standi við auglýsta dagskrá nema eitthvað stórvægilegt komi upp á og það var ekki í þessu tilviki. Annars finnst mér alltaf vera sama fólkið aftur og aftur í þessum spjallþáttum en loksins þegar búið var að kynna viðmælanda sem er ekki í þessum tuttugu manna hópi sem er alltaf í sjónvarpinu - þá er henni skipt út fyrir einn sem er alltaf í viðtölum. Trúi því samt ekki að hann hafi borgað sig inn í þáttinn eins og sumir halda.

[Jenný Anna Baldursdóttir, 8.10.2007 kl. 18:11]

Það hvarflar ekki að mér heldur að BÁ hafi borgað sig inn í þáttinn, það er nú bara gjörsamlega út úr kú að láta sér detta það í hug. 

Er sammála Björg að þeir eiga að halda sig við auglýsta dagskrá og þessi þáttur er ekki Kastljóssþáttur né hefur hann að gera með annað fréttatengt efni.

[Haukur Nikulásson, 8.10.2007 kl. 22:25]

Það er útbreiddur misskilningur að græðgispungar þurfi allir að líta út eins og Gunnar Birgisson eða Árni Johnsen. Staðreyndin er sú að þeir líta líka út eins og hinn geðþekki, áferðarhuggulegi og vel talandi Bjarni Ármansson.

Hann lítur á það sem sjálfsagðan hlut að hafa notfært sér stöðu sína í hálf opinberu fyrirtæki (Fjárfestingarbanki Atvinnulífsins) til að moka til sín fé. Tók lán í Íslandsbanka til að kaupa hlutafé í bankanum sem hann stjórnaði og seldi síðan aftur sama banka með gróða. Var hann þá að gæta hagsmuna bankans eða hvað?

Hvað þarf hann að gera til að menn sjái siðleysið hans? Að hann verði rauður í framan og vaxi horn og hali?

[Einar G. Torfason (IP-tala skráð) 8.10.2007 kl. 23:02]

Er ekki að verða kominn tími á tjöru og fiður?

[Árni Gunnarsson, 8.10.2007 kl. 23:35]

Mér líst heldur illa á tjöru og fiður. Aftur á móti hefur tilhugsunin um gapastokkinn ævinlega kitlað mína ljúfu sál. Mér finnst hann höfða svo vel til minnar inngrónu fortíðarhyggju.

En í stuttu máli er þessi gusugangur í borgarstjórninni yfirtak merkilegur vitnisburður um græðgina sem búin er að eitra samfélagið svo að margir okkar bestu manna hafa misst ráð og rænu.

[Kristín Dýrfjörð, 9.10.2007 kl. 01:12]

Bjarni sagði sjálfur í þættinum að þegar á móti blési færi hann í fjölmiðla. Sagðist hafa farið í sérstaka för til að tala við blaðamenn allra landa þegar á móti blés hjá bönkunum í fyrra. Viðtalið á sunnudag var alveg í tak við það. Allt í einu "gaf hann kannski kost" á sér eða hefur kannski verið búin að gera það með góðum fyrirvara. Ég held að Bjarni kunni alveg að sjá út alla vega næstu tvo leiki í fjármálaskákinni, kannski meira að segja fleiri. Drottningarviðtalið var því í takt við hans aðferðafræði, verra að sjá sjónvarpið láta "plata" sig með í leikinn. Sjálf hefði ég viljað sjá hann mæta í Kastljósið hjá Þóru Arnórsdóttur. Held að hann hefði ekki fengið sömu silkimeðferðina þar.

[Sigga Hjólína, 9.10.2007 kl. 09:54]

Hugsanlega hefur almannatengslafulltrúi Bjarna og frú haft hönd í bagga með þessu viðtali?

[Jóhann H., 9.10.2007 kl. 13:28]

Eva rúnkaði Bjarna frammi fyrir alþjóð í boði Útvarpsstjóra.  Og þar hafið þið það...

[Jenný Anna Baldursdóttir, 9.10.2007 kl. 13:30]

Hei, Jóhann, ekki svona orðbragð. 

[Sveinn (IP-tala skráð) 9.10.2007 kl. 15:31]

Hallgerður: hér er ljóð frá manni sem hafði ekki eins mikla trú á auðvaldinu og þú.

Ef stæli ég glóandi gulli

úr greypum hvers einasta manns

þá væri ég örn minnar ættar

og orka míns föðurlands

Höf: Villhjálmur frá Skáholti (nei ekki Skálholti)

[Hallgerður langbrók (IP-tala skráð) 9.10.2007 kl. 15:47]

Vilhjálmur alltaf flottur þeas frá Skáholti,hef ég mikla trú á auðvaldinu ?,ekki meira en öðru valdi Jenný,ég hef trú á frelsinu og lýðræðinu en eins og við ræddum í gær er það stundum vandmeðfarið.

Hafir þú gaman að dýrt kveðnum vísum er ein hér höf.ók. Hugur berst um hyggjusvið /hjartað skerst af ergi /Þegar að mest ég þurfti við /þá voru flestir hvergi.Gæti verið Vilhjálmur hvers son er hann nú aftur ?vinnur ef ég man rétt hjá borginni.

[Jenný Anna Baldursdóttir, 9.10.2007 kl. 17:23]

Hallgerður það er Sveinn sem kemur með innleggið og vísuna, ekki hún ég.  Var ekkert að tengja þig við auðvaldið

[hallgerður (IP-tala skráð) 9.10.2007 kl. 17:41]

Fyrirgefðu,var síst að skilja sá nafnið hans á eftir.Veit ekki hver þessi maður er ? en það er saman hvaðan gott kemur,vísan er góð.Hafðu það gott Jenný.

[Vignir Arnarson, 9.10.2007 kl. 17:52]

Það er örugglega eitt sem þið ættuð að skoða aðeins,og það er það að hann Bjarni Ármannsson er maður lifandi og þið skuluð fara varlega í að drulla svona yfir hann.

Bjarni hefur örugglega tekið tækifæri eins og þessu fegins hendi,hitt er svo annað mál að ég held að þið ættuð að beina reiði ykkar til einhverra annarra því að hann Bjarni er bara eins hver annar bisnessmaður hann stekkur á hluti sem hann telur tækifæri í og stendur og fellur með því

Ég held að "fíflin" sem þið eruð að leita af séu staðsett í einhverjum stjórnmálaflokki sem ég ætla ekkert að nefna.

[Res (IP-tala skráð) 9.10.2007 kl. 20:29]

Allgjör skandall

[Hlynur Gylfason, 10.10.2007 kl. 15:04]

Ja hann Bjarni Ármanns, verða menn ekki eins og hann siðblindir ef þeir eiga svona mikið af peningum! Mikil er spillingin hjá þessum piltum.

[Júlíus Valsson, 10.10.2007 kl. 20:47]

Aaaah! Missti einu sinn enn af Skoppa og Skrítlu! Bara fimm þættir eftir. Eru þeir endursýndir?

[Anton (IP-tala skráð) 11.10.2007 kl. 08:34]

Ein spurning til þeirra sem eru að gagnrýna Bjarna, EF þið fenguð tækifæri til að hagnast um einhverja tugi, eða hundruð milljóna, löglega, en kanski þannig að þið vissuð að allir yrðu ekkert hrifnir af gjörningnum, mynduð þið sega NEI, verið nú heiðarleg þegar þið svarið þessu