Skammastín Jenný Anna

Ég verð 15 árum eldri en mér var upphaflega ætlað að verða.  Þvert ofan í öll karmalögmál.  Það kemur til af því að ég drakk í mig insúlínháða sykursýki og má ekki borða sælgæti.  Ég var ekkert svakalega hrygg yfir því að taka sælgætið út, enda ekki mikill nammiáhugamaður.  Það verkjaði auðvitað smá undan brúnuðum kartöflum og svona (svindlaði á jólunum), en annars fór ég í gegnum breytingar á mataræði nokkurn veginn sársaukalaust.

Hvað um það, af og til verður mér á í nammimálunum.  Ullabjökkin geta reynst of stór freisting fyrir konu.  Í gær fríkaði ég út, þegar skádóttir mín hún Ástrós kom með Lindubuff og Freyjurís í hús, hvorutveggja ekki á mínum haturslista.  Ég hoppaði á nammið og skutlaði því í mig, fljótar en auga á festi og sakbitin mældi ég blóðsykurinn og hann var himinhár.  Mér leið næstum eins og ég hefði skutlað í mig einum bjór.  Okokok, ég ýki, en sektarkenndin gagnvart mínu æðra sjálfi, var mögnuð.

Ég má ekki borða nammi en ég má blogga um það og setja inn myndir af varningnum.  Það er huggun harmi gegn.

Nú hef ég skriftað á blogginu og ég held að ég sé búin að fyrirgefa mér.  Ég skammast mín niður í hrúgu og mun ekki svindla fyrr en í fyrsta lagi á jólum.  Ef almættið gæti gert mér þann greiða að lækna mig af sykursýkinni meðan ég velti mér í vellystingum sælgætisins, praktuglega.

Hvað er að þér kona?  Þú ert ekki einu sinni fyrir sælgæti.  Haskaðu þér á lappir og fáðu þér gulrót.

Úje

 

Sælgætisleysi lengir lífið

Athugasemdir

[Ásthildur Cesil Þórðardóttir, 4.10.2007 kl. 12:01]

Þú ert frábær

[Guðrún B. (IP-tala skráð) 4.10.2007 kl. 12:08]

Ohhh nú langar mig í Lindu-Buff.  ógissslega gott. En ég vill líka lifa lengur þannig að ég ætla ekki að borða það.

En annars er þessi færsla nú bara ansi skemmtileg sko..

Knús á þig Jenný mín.  

[Sóley Tómasdóttir (IP-tala skráð) 4.10.2007 kl. 12:09]

Elska Lindubuff!

[Jenný Anna Baldursdóttir, 4.10.2007 kl. 12:11]

Stelpur eigum við að koma í smá nammileik.  Gera hvor aðra hálf vitfirrtar af nammilöngun með að birta myndir af nammi fyrir okkur að skoða.  He, he, við endum í sjoppunni.  Nanananana

[Ragnheiður , 4.10.2007 kl. 13:08]

tók áskorun og fékk skammir

[Björg K. Sigurðardóttir, 4.10.2007 kl. 13:16]

Mér finnst að það eigi að stofna netlöggu sem sér til þess að fólk bloggi ekki um nammi. Þetta er glæpsamlegt hjá þér Jenný

farin út í sjoppu - bless 

[Anna Ólafsdóttir (anno) (IP-tala skráð) 4.10.2007 kl. 13:41]

Ég þurfti nú að skófla í mig nokkrum Nóa-rjómakúlum áður en ég meikaði þessa færslu. Ég er nammigrís  - (þessar upplýsingar eru bara fyrir þig -svona svo það sé á hreinu)

[Hildigunnur Rúnarsdóttir, 4.10.2007 kl. 14:18]

uss, hvað er sosum varið í að lifa ef maður má ekki leyfa sér neitt...?

sáuð þið ekki rannsóknirnar fyrir 2-3 árum þar sem líkum var leitt að því að ef manni er skammtaður allt of lítill matur en að öðru leyti hugsað vel um mann væri hægt að lifa talsvert miklu lengur.

Sé sjálfa mig fyrir mér, 120 ára, róandi fram í gráðið á elliheimilinu: Svööng, ég er svoooo svööööng...

:Þ

[krossgata, 4.10.2007 kl. 14:25]

Pff.  Mig langar ekkert í nammi.  Ekkert sérstaklega mikill nammigrís.  En fór aftur að hugsa hvað mig langaði í í staðinn fyrir nammi og umsvifalaust kom harðfiskur og smjör upp í hugann.

Nú langar mig óstjórnlega í harðfisk og smjör. 

[Hildigunnur Rúnarsdóttir, 4.10.2007 kl. 14:25]

Já, og mikið hrikalega er þetta annars illa orðuð og skrifuð frétt!

[Ásdís Sigurðardóttir, 4.10.2007 kl. 14:28]

Nammi, namm, þér er fyrirgefið. Ég skal alltaf borða tvöfalt og hugsa til þín

[Elías Halldór Ágústsson, 4.10.2007 kl. 14:46]

Já, það er fyrir löngu vísindalega sannað að maður getur lifað mikið lengur ef tilveru manns skortir allt það sem vert er að lifa fyrir.

[Sunna Dóra Möller, 4.10.2007 kl. 18:32]

Ég er á hraðri leið til himna....eða ******** miðað við nammið sem að ég borða um helgar.....annars er ég líka farin að kaupa Lindubuff....nokkur alla vega og ég ætla ekki að borða kvöldmatinn minn fyrst.. !