Hjáróma afsökunarbeiðni!

Mér var ekki skemmt yfir síðbúinni og hálfvolgri afsökunarbeiðni samgönguráðherra, fyrir nokkrum dögum og ég bloggaði um það.  Kristján L. Möller réðst að starfsheiðri Einars Hermannssonar í sumar, þegar hann gerði hann ábyrgan fyrir Grímseyjarferjuklúðrinu.

Nú kemur fram að lögmaður Einars hafi hótað samgönguráðherra málsókn, vegna ummæla hans, rúmri viku áður en ráðherra baðst svo opinberlega afsökunar á ummælunum.   Með semingi þó.

Í ljósi þessa er ég ekki hissa þó mér hafi fundist "afsökunarbeiðni" Kristjáns hjáróma.

Getur samgönguráðherra á sig blómum bætt?

Engin ágætis byrjun á ráðherradómi þarna.

Ogsvei!

Afsökunarbeiðni í skugga málsóknar

Athugasemdir

[Sigurður Axel Hannesson, 26.9.2007 kl. 08:18]

En... Ha? Úr greininni:

Þar sagði Kristján orðrétt að „það verði ekki meira skipt við þennan ráðgjafa sem hefur verið í þessu máli frá byrjun. Hann heitir Einar Hermannsson."

Hvað er svo slæmt við það þó ríkið vilji ekki eiga frekari viðskipti við hann? Ég er viss um að það á við fjölmarga aðra. Einar er áreiðanlega hæfur maður, og þar af leiðandi ekki nokkrum vandkvæðum bundinn að afla sér nýrra viðskiptavina. Ekki síður en Kristján, sem ætti vel að geta útvegað nýjan ráðgjafa. Af nógu er að taka!

Mér finnst þetta vera óþarfa viðkvæmni.

[Ingi Geir Hreinsson, 26.9.2007 kl. 08:26]

Mér finnst þó fáránlegast að fjölmiðlafólk, svokallaðir "fréttamenn", keppast við að hrúga á hann hrósi fyrir það að biðjast afsökunar.

[Huld S. Ringsted, 26.9.2007 kl. 08:42]

Afsökunarbeiðni sem er"þvinguð" fram finnst mér fremur slöpp, skaðinn er skeður og mér finnst að hann Einar ætti ekki að stoppa hérna. Að ráðherra skuli leyfa sér að rægja mann með nafnabirtingu hefði í för með sér afsögn erlendis!

[Haukur Nikulásson, 26.9.2007 kl. 08:44]

Ég var eiginlega viss um að Einar hefði samið um einhverjar bætur þegar afsökunarbeiðnin kom. Svo virðist ekki vera og því finnst mér að ráðherrann hafi ómaklega skaðað orðstí hans verulega. Ég hefði ekki unað svona niðurstöðu eins og Einar Hermannsson. Þetta er atvinnurógur og er örugglega bótaskylt.

[Hildigunnur Rúnarsdóttir, 26.9.2007 kl. 08:51]

Sigurður Axel, þetta er blamethrowing af verstu gerð. Langt í frá að þetta sé einhver óþarfa viðkvæmni. Hefði verið allt í lagi að eiga ekki frekari viðskipti við hann en það er yfirleitt ekki tekið fram í fréttum, er það?

[Ásthildur Cesil Þórðardóttir, 26.9.2007 kl. 08:54]

Ótrúlegur klaufaskapur af ráðherranum.  Sýnir að mínu mati að hann er ekki að standa sig sem maður í stjórnunarstöðu. 

[Heimir Lárusson Fjeldsted, 26.9.2007 kl. 09:32]

Þetta gerðist í upphafi ráðherradóms - hvað svo?

[Birna Dis Vilbertsdóttir (IP-tala skráð) 26.9.2007 kl. 10:02]

Ótrúlega fljótfær og klaufalegur ráðherra. En ekki tæki ég mark á svona þvingaðri fram afsökunarbeiðni.

[Heiða B. Heiðars, 26.9.2007 kl. 11:36]

Mér finnst þetta svona afsökunarbeiðn a la Árni Johnson