Algjört törnoff.

Ég er stundum með alveg glataðan húmor.  Mér finnst til dæmis alveg rosalega fyndið að Harvard háskóli í samvinnu við fleiri æðri menntastofnanir, skuli hafa verið að rannsaka hvort dimmraddaðir menn eignist fleiri börn en þeir mjóróma.  Ég tel mig hafa nokkuð öflugt hugmyndaflug á góðum degi, en þetta hefði mér aldrei dottið í hug að einhverjum fýsti að vita.

Hvað um það.  Þeir dimmrödduðu eignast fleiri börn, en börn mjóróma manna eru alveg jafn heilsuhraust.  Ástæðan fyrir barnaláni strigabassanna er talin vera sú að þeir eigi auðveldara með að ná sér í konu.  Þessar upplýsingar hefðum við stelpurnar getað boðið upp á, án þess að það kostaði krónu.  Skrækir náungar eru algjört törnoff.  Ég sá einu sinni einn öflugt flottan náunga úti í London og þegar hann gekk að mér, kiknaði ég í hnjáliðunum, missti glasið og sígarettuna á gólfið (ýkt, mínusið eftir þörfum) og hélt að þarna væri draumaprinsinn kominn ljóslifandi.  Maðurinn horfði djúpt í augu mér, sagði eitthvað gáfulegt, sem ég er ekki til frásagnar um, því ég greip um eyrun vegna hátíðnihljóðsins sem kom úr barka hans.  Hann var geldingur, ég sverða.

Það rann upp fyrir mér ljós, þegar ég las þessa frétt og nú skil ég hvers vegna SUMIR (www.jonaa.blog.is) eru glaðir með Bjögga Halldórs.  Röddin í honum er á stöðugri niðurleið, í þulardjobbinu á Stöð 2.  Samkvæmt umræddri rannsókn, þarf Björgin örugglega á lífvörðum að halda ef svo heldur fram sem horfir.  Íslensk kvenþjóð á eftir að tapa sönsum ef karlinn fer niður um áttund til viðbótar.

Á sjó!

Dimmraddaðir menn eignast fleiri börn en þeir mjóróma

Athugasemdir

[Sunna Dóra Möller, 25.9.2007 kl. 22:52]

Dimmraddaðir karlmenn eru alveg æði........!

[Jóna Á. Gísladóttir, 25.9.2007 kl. 22:53]

átti þetta að vera undir rós ... þetta sumir? Datt eiginlega um sjálft sig um leið og þú linkaðir inn á bloggið mitt asninn þinn addna

[Þröstur Unnar, 25.9.2007 kl. 22:54]

- a ekkert í þessum pistli, trúi því öllu. Á sjö börn með sjö konum......muhhahahaha.

[Jenný Anna Baldursdóttir, 25.9.2007 kl. 22:56]

Við Einar lágum í hlátri yfir því hvað þetta var brilljant með sumir og linkinn beint fyrir aftan.  Sýndi honum sérstaklega áður en ég setti færslu í loftið.  Ég er KRÚTT

[Jenný Anna Baldursdóttir, 25.9.2007 kl. 22:57]

Jón Arnar: Sumir eru nú í því að gera sig dimmraðari en þeir eru júnó

[Guðríður Hrefna Haraldsdóttir, 25.9.2007 kl. 23:02]

Bjöggi er eins og 45 snúninga plata sett á 33 ... Þeir sem ekki skilja þetta geta verið úti. (Úps)

Það kom líka út úr öðrum rannsóknum að sköllóttir menn hafa miklu meira testó þannig að nú verðum við bara að finna sköllótta, dimmraddaða menn til að fjölga okkur með ... hvað næst?  

[Anna Ólafsdóttir Björnsson, 25.9.2007 kl. 23:03]

Þú ert að djóka, er verið að rannsaka ÞETTA? Ég virði frumkvæði og mátt vísindanna, en ...

[Hildigunnur Rúnarsdóttir, 25.9.2007 kl. 23:04]

stelpur mínar, þið megið sko eiga Bó í friði fyrir mér... :o

[Jenný Anna Baldursdóttir, 25.9.2007 kl. 23:05]

en.. ég botna þetta fyrir þig Anna mín.. en fyrr má nú aldeilis fyrr vera.

[Jóna Á. Gísladóttir, 25.9.2007 kl. 23:16]

hehehe gott að þið Einar skemmtið ykkur á minn kostnað. Þá finnst mér ég svo mikilvæg. Kannski misskilningur en stundum er gott að vaða í villu og svima um eigið ágæti muuuhaaaaaaaa

[Þröstur Unnar, 25.9.2007 kl. 23:20]

Hver eru Villa og Svimi?

[Jenný Anna Baldursdóttir, 25.9.2007 kl. 23:32]

Þú ert líka krútt Jónsí mín.  Þrölli, það er mitt að vita en þitt að komast að.  Muahhahahaha

[Halldóra F Sigurgeirsdóttir (IP-tala skráð) 26.9.2007 kl. 06:54]

já... David Beckham hangir uppi í ansi mörgum herbergjum... en hann missir allan sjarma greyið þegar hann opnar munninn... :)

[Jenný Anna Baldursdóttir, 26.9.2007 kl. 06:58]

Auðvitað Halldóra, hvernig gat ég gleymt David Beckham, Hr. Skræk!!  Hann er jú víti til varnaðar.

[Ester Júlía, 26.9.2007 kl. 08:31]

Ég elska testosteron..grrrrrrrr..... og dimmraddaða karlmenn.  Algjört turn-on ef þetta tvennt fer saman.  Mjóróma karlmenn eru hinsvegar ekki að virka ..ja nema þeir séu flottir og haldi kjafti.

[Aðalheiður Haraldsdóttir, 26.9.2007 kl. 08:38]

Ég las líka einu sinni um bandaríska rannsókn sem sýndi að bandarískir lögreglu- og slökkviliðsmenn eignuðust mun fleiri stelpur en stráka.  Niðurstaða rannsóknarinnar var sú að ,,macho" menn (örugglega dimmraddaðir!) eignast frekar stelpur en hinir vöðvaminni og mjóraddaðri til að viðhalda jafnvægi náttúrunnar!  Ég og minn maður eigum sko þrjár stelpur....

En eins og þú segir í upphafi þá er auðvitað fáránlegt að virðulegar menntastofnanir skuli eyða tíma og fjármunum í svona rannsóknir.  væri ekki nær að reyna að finna lækningu við krabbameini og alzheimer í staðinn???