Og enn er migið..

 

..í miðbænum um helgar, þrátt fyrir sektir og heimsókn á löggustöðina.  Hvað er þetta með þvag og Íslendinga?  Sumir mega ekki "vatni halda" til að komast yfir hland (þvagleggirnir),  og sumir hætta ansi miklu til að losna við það.. þar sem þeir standa.

Kominn tími á ferðakoppa?  Ég er ekki frá því að það eigi að skylda fólk til að taka með sér ferðakoppa á djammið.  Koppa sem ég legg til að framleiddir verði í skyndi, ferðavænir og samanbrjótanlegir, og hægt að stinga í vasa eftir notkun ( ).

Merkilegt hvað Íslendingar eru pervert í þvagmálum.  Einhver kallaði þetta þvagfrygð.  Þvagleggirnir á Selfossi eru með óeðlilega hlandhneigð og djammararnir í miðbænum líka.  Birtingarmynd þessa blætis er ólík en söm.  Erum við ekki almennilega klósettvædd á landinu eða hvað?

Ef við gefum okkur að hinn gullvæga 10% regla sé í fullu gildi, þá voru þessir 14 sem teknir voru við útimig í hópi 140 hlandvappara.  Vel af sér vikið hjá löggunni.

Ég bíð spennt eftir hlandkoppaframleiðslu og þangað til tel ég pissufrömuðina, glöð í (ó)bragði.

Dónjúrineitonmædressplís!

Úje 

Fjórtán handteknir fyrir hegðunarbrot

Athugasemdir

[Jóna Á. Gísladóttir, 15.9.2007 kl. 12:51]

 ég held að þessi nefnd sem sett var á laggirnar til að finna út hversu mörgum almenningsklósettum væri þörf á í miðborginni hafi brugðist bogalistin.

[Karl Tómasson, 15.9.2007 kl. 12:57]

Hvað hét þessi nefnd?

Hlandvarnir. Eigum við ekki að gefa kost á okkur í stjórn Hlandvarna, Jenný og Jóna?

[Birna Dis Vilbertsdóttir (IP-tala skráð) 15.9.2007 kl. 13:02]

Eru nýju velbúnu nefndar-klósettin 5 nokkuð komin í gagnið? Það þarf allavega  ekki þvaglegg á þá sem eru í miðbænum. Mikið frekar þvagrennur við götur.

[Jóna Á. Gísladóttir, 15.9.2007 kl. 13:06]

Kalli þetta er nú þegar ákveðið. Lét enginn þig vita? Jenný er formaður Hlandvarna, þú ert varaformaður, Birna Dís er gjaldkeri og ég er ritari. Hér með er auglýst eftir varastjórn og sjálfboðaliðum til að kynna átakið og félagið í miðbænum eftir miðnætti um helgar.

[Anna Ólafsdóttir (anno) (IP-tala skráð) 15.9.2007 kl. 13:08]

„Kominn tími á ferðakoppa?“

Þetta er viðskiptahugmynd Jenný - nú er bara að útfæra nánar

[Huld S. Ringsted, 15.9.2007 kl. 13:15]

Ég var einmitt að hugsa það sama og Anna, væri kannski hægt að hagnast á þessu migustandi

[Jenný Anna Baldursdóttir, 15.9.2007 kl. 13:41]

Stelpur og Kalli Tomm, stofnum fyrirtæki um málið og köllum það Hlandvarnir unlimited!

Úje

[Mikki (IP-tala skráð) 15.9.2007 kl. 14:10]

Evast um að þú myndir vilja láta einhvern míga utan um húsið þitt,

Bjó R.V.K miðbæ meðan ég var í skóla, var ekkert skemtilegt að fá fólk um nótt að míga og öskur og læti fyrir utan gluggan minn.

(Ekki næst að kvarta, ef fólk þarf að tefla við páfann)

[Jenný Anna Baldursdóttir, 15.9.2007 kl. 14:12]

Mikki ég er ekki með því að fólk mígi þar sem það stendur?  Hvernig dettur þér það í hug?