ER BÚIÐ AÐ SEGJA GJÖRIÐ SVO VEL?

Ég er ekki ein af þeim sem finnst Jesúauglýsingin fyndin.  Hún truflar mig ekki, alls ekki, mér fær mig bara ekki til að hlægja.  Ég játa að það hefur valdið mér áhyggjum að vera svona úr takti við hinn almenna húmor, því meira að segja fólk, með svipað skopskyn og ég,  sem er skemmtilegt og með eitraðan húmor, hefur hlegið að þessu; "er búið að segja gjörið svo vel" fyrirkomulagi.

En nú hlæ ég, alveg skellihlæ.  Þetta stönt með Vodafone merkið er algjörlega brilljant.  Jón Gnarr er æðislega klár að finna marga fleti á sama brandaranum.  Nú verður haldið áfram að tala um þessa auglýsingu og síminn græðir og græðir.

Ekki reyna að segja mér að þetta hafi verið óvart, þ.e. að það sjáist í merki Vodafone í auglýsingunni.  Það getur ekki verið að neinn sé svona vitlaus.  Fólk býr ekki til rándýra auglýsingu, og hana flotta, og klikkar svo á smáatriðunum svona gjörsamlega.  Eða er það?

"Er búið að segja gjörið svo vel hvað"?

Merki Vodafone sást í Símaauglýsingunni

Athugasemdir

[Jóna Á. Gísladóttir, 12.9.2007 kl. 12:10]

Eins og þú veist Jennslan mín þá finnst mér auglýsingin baaaaaaaaaaara fyndin og ekki finnst mér hún minna fyndin fyrir þetta. Reyndar held ég að þetta séu pjúra mistök eins og vífilfells vatnsflaskan sem sést víst undir borði við fætur Jesú ef vel er gáð.

[Jenný Anna Baldursdóttir, 12.9.2007 kl. 12:13]

Hahahaha ég er allavega farin að hlægja.  Kominn tími á það.

[Bjarki (IP-tala skráð) 12.9.2007 kl. 12:44]

Er ekki bara við hæfi að Júdas sé hjá Vodafone ? fyrst jesú er hjá símanum :D

[Margrét Össurardóttir (IP-tala skráð) 12.9.2007 kl. 13:10]

Góð athugasemd Bjarki. En þetta voru góð mistök hjá þeim, þeir fá flotta athygli út á allt saman

[Jóna Á. Gísladóttir, 12.9.2007 kl. 16:57]

ég hef samt ákveðinn grun um að það sé verið að hengja einhvern í þessum töluðum orðum

[Anna Ólafsdóttir (anno) (IP-tala skráð) 12.9.2007 kl. 20:38]

Mér finnst Bjarki algjörlega vera með'etta