"UNDERSTATEMENT" ÁRSINS

..ef það ástand sem lýst er í fréttinni er "mikill erill" hvað þarf að ganga á til að geðveikin í miðbænum kallist "alvarlegt og óviðunandi ástand"?

"Mikill erill var hjá lögreglunni á höfuðborgarsvæðinu í nótt. Lögreglan hafði handtók yfir 40 manns í nótt og 14 manns dúsa nú í fangageymslum lögreglu. Að minnsta kosti sex voru teknir ölvaðir við akstur og þá komu upp fjölmörg fíkniefnamál og líkamsárásarmál. Að sögn lögreglu voru fjölmargir í bænum og ölvun mikil. Lögreglumenn úr sérsveit ríkilögreglustjóra störfuðu með lögreglu höfuðborgarsvæðisins við eftirlit í miðborginni."

Ég auglýsi eftir íslenska orðinu yfir "understatement".  Maður þarf svo mikið að nota það, á þessum síðustu og verstu.

Æsjottðesjeriff!

Úje

Mikill erill hjá lögreglunni í nótt

Athugasemdir

[Oddný Sigurbergsdóttir, 8.9.2007 kl. 11:37]

Ég held svei mér þá að íslenska tungu skorti eitt orð yfir understatement.  En þetta er auðvitað vægt til orða tekið hjá þeim.

[Jenný Anna Baldursdóttir, 8.9.2007 kl. 12:00]

Ég held að þetta orð/hugtak finnist ekki í íslensku, svei mér þá.  Þetta er vægast sagt undarlega tekið til orða miðað við það ástand sem verið er að lýsa.

[Ásthildur Cesil Þórðardóttir, 8.9.2007 kl. 13:13]

Já hvað ætli þurfi til að það sé allt brjálað ?

[Signý, 8.9.2007 kl. 13:48]

Ætli lögreglan sé ekki frekar bara orðin "ónæm" fyrir ástandinu í bænum um helgar vegna þess að þetta er svona ALLAR helgar? og jafnvel enn verra, og þess vegna kallar lögreglan það bara "mikinn eril"? hugsa að það sé eitthvað þannig...

það þyrfti líklega einhver að drepa alveg nokkra í einu helst og lemja lögreglumann til að kalla það "óviðunnandi" eða "brjálað ástand" sem er sorglegt. 

[Ásthildur Cesil Þórðardóttir, 8.9.2007 kl. 14:00]

Í orðabókum er Understate; segja miður nákvæmlega frá, gera of lítið úr.  En ég er ekki viss um að við eigum neitt eitt orð sem nær yfir þetta. 

[Rebbý, 8.9.2007 kl. 14:33]

í hvaða miðbæ var ég í nótt sem var bara svo gott sem tómur ?
læti geta þó alveg hafa verið þó allt hafi verið rólegt í kringum mig, enda með eindæmum róleg dama

[DoctorE (IP-tala skráð) 8.9.2007 kl. 15:26]

Á íslensku má alltaf finna svar er bara ekki rétt í mínum huga en enskan hefur svar við öllu.

Annars má spyrja hvort ástandið hafi verið eitthvað verra eða hvort auknu eftirliti sé um að kenna

[Ibba Sig., 8.9.2007 kl. 15:27]

Sonur minn var í bænum í nótt. Vinur hans var laminn hrottalega af 4-5 mönnum. Minn maður hringdi í lögguna sem kom fljótt á staðinn. Á meðan beðið var eftir henni gat sonur minn lítið gert meðan gengið var í skrokk á vini hans sem lá í götunni, m.a. sparkað nokkrum sinnum í höfuð hans. Hann reyndi þó að rífa þá frá en mátti sín lítils. 

Mig langar að sparka í hausinn á þessu liði sem gerir svona við annað fólk! 

[Benedikt Halldórsson, 8.9.2007 kl. 15:33]

Lási kokkur er gott dæmi....

Einhver kallaði á Lása þar sem hann var önnum kafinn við að vaska upp, "Komdu, komdu, komdu (go, go, go), skipið er að sökkva!"

"En ég á eftir að vaska upp!"

[Sunna Dóra Möller, 8.9.2007 kl. 16:31]

Eftir hafa spjallað um orðið "understatement" við ástkæran eiginmann minn, eftir að við komum heim frá Sinfóníudeginum sem var NB mjög gaman og án efa meira hressandi en ómenningin í miðbænum, datt okkur í hug að nota mætti íslensku sögnina "að smætta" eða bara smættun....sem nafnorð. Enda felur þetta orð í sér að eitthvað sem er stórt er talað niður til að gera það eins lítið og hægt er. Annars er þetta bara svona innlegg héðan úr efri byggðum Reykjavíkur á þessum ágæta Laugardegi !

[Laufey Ólafsdóttir, 8.9.2007 kl. 16:39]

Úrdráttur er gott orð. Úrdráttur ársnins. 

[Laufey Ólafsdóttir, 8.9.2007 kl. 16:40]

...annars er pirrandi hvað orðið statement er almennt óþýðanlegt á íslensku.

[Sunna Dóra Möller, 8.9.2007 kl. 17:00]

Er ekki íslenska orðið "yfirlýsing".......þannig að understatement....er þá undiryfilýsing,,,beint þýtt, mjög þjált að hafa svona yfirundir saman í einni sæng!! Annars held ég mig fast við smættunina......og hvika hvergi

[Guðríður Haraldsdóttir, 8.9.2007 kl. 17:02]

undirlýsing ...

[Jenný Anna Baldursdóttir, 8.9.2007 kl. 17:12]

Undirlýsing, úrdráttur, smættun eru flott orð.  En það myndi enginn maður SKILJA HVAÐ ÉG ÆTTI VIÐ.  ARG

Ibba alveg rosalegt er að heyra þetta.  Vona að drengnum heilsist vel.

[Anna Ólafsdóttir (anno) (IP-tala skráð) 8.9.2007 kl. 18:01]

Ég held að allir séu svo sammála þér og skilji þig svo vel að þeim finnst varla taka því að nefna það. Ég skil þig allavega, þó að ég búi ekki einu sinni í Reykjavík. Mér finnst úrdráttur dálítið skondið orð í þessu samhengi.