STRIGAKJAFTAR

 Sumir karlar og einkum og sér í lagi þeir tjáningarglöðu innan íþróttahreyfingarinnar, virka á mig, sem veit ekkert um boltaíþróttir, eins og bölvaðir ruddar og strigakjaftar, þegar fýkur í þá.  Ég veit auðvitað ekkert um þessa menn í viðhengdri frétt, nema það að þeir voru með ljót ummæli í garð einhvers dómara fótbolta, á opinberum vettvangi.

Ég er ekki frá því að hegðun sumra toppa í fótboltanum sé ekki við hæfi barna og alls ekki vænleg til eftirbreytni.

Ég man ekki betur en að annar þessara manna sem fengu áminninguna sé reglulega til vandræða í  þessu samhengi.

Nú er ég að tala sem antisportisti sem hef ekki mikla trú á þeirri hugmyndafræði sem liggur að baki keppnisfyrirkomulaginu.  Þú átt að sigra, sigra og sigra.  Hvernig virðist ekki alltaf vera aðalmálið.

Ég vildi að þessir karlar hættu að tjá sig í hita leiksins.

Þeir koma óorði á, hm,  fótboltann.

Handboltamennirnir eru hins vegar kúl dúddar,

ekkert nema pjúra heiðursmenn.

Ójá

P.s. Þetta er mín fyrsta og að líkindum eina fótboltafærsla.

Súmíbítmíandbætmí.

Guðjón og Magnús ávítaðir og sektaðir af KSÍ

Athugasemdir

[Þröstur Unnar, 5.9.2007 kl. 19:21]

Fín boltafærsla. Endilega bloggaðu um formúluna líka, þar eru bara sannir heiðursmenn eins og í handboltanum.

[Anna Ólafsdóttir (anno) (IP-tala skráð) 5.9.2007 kl. 19:49]

hahahahah!!!! Ég vissi að þú myndir á endanum smitast af bloggvinkonu þinni og fara að blogga um fótbolta

Velkomin í hópinn 

[Kristín Katla Árnadóttir, 5.9.2007 kl. 20:09]

Sko mína bara farinn að blogga um fótbolta.

[Hrönn Sigurðardóttir, 5.9.2007 kl. 20:10]

....hafiði tekið eftir hvað fótboltakappar eru með flotta rassa?

híhíhí

[Jenný Anna Baldursdóttir, 5.9.2007 kl. 20:14]

Nei Hrönn hef ekki tekið eftir rössunum en lærin á þeim eru awsome.  En svona megum við ekki tala, þá erum við að kópíera karlana sem tala ljótt og niðrandi um konur.  Bara gerð þessi eina undantekning.

Anna: Njóttu meðan á nefinu stendur.  Þetta verður ekki endurtekið

[Sunna Dóra Möller, 5.9.2007 kl. 20:15]

Mér finnst að nú eigi að kalla til íþróttaálfinnn og kenna þessum mönnum að svona hagar maður sér ekki í, í íþróttum...taka svo bara flikk, flakk, heljarstökk...hnakka og hliðarstökk og labba á höndunum tveim....eða þannig

[Jenný Anna Baldursdóttir, 5.9.2007 kl. 20:20]

Hahaha Sunna Dóra, það þarf að lækka í þeim keppnisrostann, þessir karlar láta eins og heimurinn sé einn stór kappleikur og ekkert annað en að vinna kemst að .  Svo vanþroskað.

[Sunna Dóra Möller, 5.9.2007 kl. 20:41]

Ég lærði fyrir stuttu að maður á alltaf að telja upp á þremur og tala svo.......kannski það sé regla sem að menn ættu almennt að temja sér í boltanum svona í hita leiksins....annars einmitt kemur eitthvað vanþroskað út úr manni......ég þoli ekki dómgreindarleysi ... alla vega ekki í dag, sé til á morgun !