HÓST - HÓST, smá yfirlýsing hérna

Ekki ætla ég að tuða yfir nýju síðunni hans Gulla heilbrigðis, enda liggur örugglega ekkert þar að baki annað en hugheilar óskir til okkar reykingamanna, að láta af og að aðstoða okkur við það (arg)

Þetta er reykingarfærsla nr. 3456 þar sem ég býsnast yfir ofsóknum á hendur reykingamönnum, fjalla um hversu gott sé að reykja, að ég haldi að halda því áfram meðan ég get og að það sé mátulegt á alla andreykingarmennina að missa fjörið út á stétt á djamminu.

Þetta er aðeins öðruvísi færsla.

Ég hef nefnilega ákveðið að hætta að reykja þ. 20. október n.k. en þá á ég eins árs afmæli í edrúmennskunni.

Ég geri þetta ekki út af þrýstingi frá þjóðfélaginu sem er búið að leggja á mig þvílíka sektarkennd, að það sér ekki fyrir endan á því einu sinni, eða af því að það má orðið hvergi reykja og að mér líður eins og ofsóttri hænu, ónei.  Ég geri þetta vegna þess að þetta hamlar frelsinu mínu.  Ég er laus undan brennivíninu og nú er þetta eftir.  Ég nenni ekki að vera háð einhverju öðru en sjálfri mér, um mína eigin vellíðan.

Ég þarf líka að láta mála íbúðina.  Tilgangslaust ef reykurinn smýgur upp um allt og fokkar upp rándýrri málningarvinnu.

Ég nenni ekki að standa úti á svölum þegar ég get verið inni með skemmtilegu fólki.

En ég verð alltaf í liði með þeim sem reykja, þó ekki væri nema vegna allra Þorgríma Þráinsona þessa heims.

Æmdissapíringöppinsmók.´

Hólímólí!

Vefsíðan reyklaus.is opnuð

Athugasemdir

[Elín Arnar, 4.9.2007 kl. 15:33]

Jeeeiiiiiii! Áfram Jenný!! Ég veit þú getur þetta  Mér finnst að allir eigi að hætta að reykja svo partíið inni geti farið að verða skemmtilegt.

[Ásdís Sigurðardóttir, 4.9.2007 kl. 15:36]

Vertu hjartanlega velkomin í hóp okkar sem hætt erum, 20okt. er góður dagur til að hætta Ég hef núna verið hætt í bráðum 17 ár og gengur fínt. Skil ekkert í því hvað ég var að gera á sínum tíma. En þegar ég hætti gaf ég sjálfri mér þá gulrót að byrja aftur þegar ég yrði ellilífeyrisþegi, en ég efa að ég geri það.

[Jenný Anna Baldursdóttir, 4.9.2007 kl. 15:42]

Ekki óska mér til hamingju, ég er svo labíl í minni fíkn að það gæti orðið til þess að ég myndi reykja meira og meira, alveg eins og m-f.

[Guðríður Haraldsdóttir, 4.9.2007 kl. 15:56]

Vona að ég öðlist einhvern daginn sama þroska og þú og hætti að reykja ÞRÁTT fyrir allt hatrið og neikvæða áróðurinn sem dunið hefur á reykingamönnum. 

[Ásta Björk Solis, 4.9.2007 kl. 16:11]

Eg hef verid reyklaus i naestum thvi ar,Og hefdi ekki getad haett nema thad kom ut lyf her sem heitir Chantix sem laeknirinn minn reddadi mer kannski er thad komid ut a Islandi tekkadu a thvi.Eg og flestir sem eg thekki og hafa tekid thad eru haettir.Gangi ther bara sem best hvad sem thu gerir.

[Einar Indriðason, 4.9.2007 kl. 16:14]

Umm... Ég *ætlaði* að segja til lukku með ákvörðunina, en ... hætti snarlega við.

[Sunna Dóra Möller, 4.9.2007 kl. 17:14]

Ég hætti fyrir 5 og hálfu ári.......langar enn í stundum, en ekki það mikið samt að ég tími að byrja aftur! Þetta er í raun stöðug barátta en ég ætla ekki að tapa þessu stríði (krossafingurkall) !

[Anna Ólafsdóttir (anno) (IP-tala skráð) 4.9.2007 kl. 21:08]

Yeeeerrrsssssss!!!!!!!! Þú ert flottust!!!!! lovjú  Veit þú kannt prógrammið sem virkar á þetta - Yeerrss!!! Áfram jenfo!!