TIL RAGNHEIÐAR

Ragnheiður vinkona mín jarðsetur son sinn í dag.  Mig langar til að senda henni og fjölskyldu hennar mínar dýpstu samúðarkveðjur.

Engin orð fá huggað þegar móðir sér á baki barni sínu í dauðann.

Engin móðir ætti að þurfa að lifa barn sitt og þurfa að jarðsyngja það.

Dauði ungmenna og barna er það óréttlátasta og versta í lífinu.  Börn eru byrjun alls, lífið í sinni fegurstu mynd.

En lífið er ekki réttlátt og það er enginn áfrýjunardómstóll til þegar óréttlæti eins og dauði ungmennis,  keyrir um þverbak.

Elsku Ragnheiður; þú hefur fengið þinn skerf af áföllum fyrir svo löngu síðan, það ætti að hafa verið meira en nóg fyrir eina manneskju, fyrir lífstíð.  En svo bætist þessi hörmungaratburður við.

Ég sendi þér mínar fallegustu og bestu hugsanir á þessum erfiðasta degi lífs þíns.

Megi almættið styðja þig í dag og alla þína ævidaga.

Kærleikskveðjur frá vinkonu þinni.

(www.hross.blog.is)

 

Athugasemdir

[Guðrún B. (IP-tala skráð) 4.9.2007 kl. 10:37]

Fallegt.

Þú ert góð kona Jenný.  

[Kristín Katla Árnadóttir, 4.9.2007 kl. 10:53]

Fallegt Jenný mín.

[Jenný Anna Baldursdóttir, 4.9.2007 kl. 10:59]

Farið þið stelpur mínar og kveikið á kerti fyrir hana Röggu og börnin hennar.  Það er aldrei of mikið af góðum hugsunum dúllurnar mínar.

[Huld S. Ringsted, 4.9.2007 kl. 11:14]

Fallegt hjá þér. Ég er búin að kveikja á kerti í morgun.

[Ásdís Sigurðardóttir, 4.9.2007 kl. 11:36]

Ég verð með logandi kerti hér heima í dag fyrir þau.

[Anna Ólafsdóttir (anno) (IP-tala skráð) 4.9.2007 kl. 11:44]

Ég hef kveikt á kerti fyrir Ragnheiði í dag. Hugur okkar allra er hjá henni og fjölskyldu hennar. Veit að það mun ná í gegn og styrkja hana. Falleg færsla frá kærleiksríkri konu - takk

[Bjarndís Helena Mitchell, 4.9.2007 kl. 11:49]

Segi það líka, fallegt. Búin að kveikja á kert, kvitt.

[Ásthildur Cesil Þórðardóttir, 4.9.2007 kl. 12:18]

Kveikti á kerti í morgun.  Falleg kveðja Jenný mín.  Ég er að setja saman smá texta til að senda henni. 

[Sunna Dóra Möller, 4.9.2007 kl. 13:12]

Mikið eru þetta falleg orð Jenný og Guð veit að það er hugsun sem að allir hræðast en hún er að standa við kistu barnsins síns, hvað þá að upplifa það í raunveruleikanum. Ég vona að almættið sendi þessari fjölskyldu allan sinn styrk í þessum erfiðu aðstæðum !

[Ásthildur Cesil Þórðardóttir, 4.9.2007 kl. 13:35]

Ég er að husa um að setja þetta inn hér líka. Vona að það sé í lagi Jenný mín.

Blíðar mínar bænir nú,

barnavinur mesti

yfir höfin heyri þú,

handa góðum gesti.

000

Til móður sem að syrgir sárt,

soninn unga og fríða,

Henni gefðu mestan mátt,

svo megi betur líða.

 000

Úr öldudalnum hífðu hátt,

harmiþrungna móður.

Svo megi síðan lifa sátt,

og sæl, Ó Guð minn góður.

 000

Sit ég nú og sendi hér

styrk af öllu megni.

Megi friður fylgja þér,

og fegurð, vel þér vegni. 

000

[Edda Agnarsdóttir, 4.9.2007 kl. 13:43]

Sammála þér Jenný. Þetta er vel hugsað og vel skrifað.

[Guðríður Hrefna Haraldsdóttir, 4.9.2007 kl. 15:08]

Yndisleg orð!