IMELDA MARKOS HVAÐ?

Í dag hef ég verið að hugsa (já, já, ég veit að það er undrunarefni, enda ég með bölvaðan höfuðverk).  Ég hef verið að hugsa um skó, og svarta kjóla.  Ég á reyndar Imeldumikið af skóm og Onassismikið af svörtum kjólum, en þá er nú fataskápurinn nánast upptalinn.  Ok, ég er að ýkja.  En mig vantar skó.  Ég fæ engan skilning á því, hjá húsbandinu.  Hann spyr bara, dimmum rómi: HVAÐ MEÐ ÖLL SKÓPÖRIN ÞÍN? Hann hefur nefnilega núll skilning á að skór eru ekki endilega skór sem hægt er að vera í.  Mig vantar stígvéli, svört leðurstígvéli, lágbotnuð. Hm..

Veikleiki?  Jabb, ég viðurkenni það en bara annar af tveimur. Hinn er "sá litli svarti"

..sem ég ætla að fá mér hvað sem tautar og raular.  Hvað haldið þið að húsbandið segi dimmum rómi: Jú, jú, hann segir: HVAÐ MEÐ ALLA SVÖRTU KJÓLANA ÞÍNA?  Ég get svo sem vel skilið spurninguna, enda urmull af svörtum kjólum í fataskápnum.  En svart er ekki bara svart og kjóll er ekki bara kjóll.  Það er nefnilega vandinn við að vera hallur undir hið svarta (muhahahaha) að auga leikmannsins greinir ekki muninn, en við stelpurnar gerum það.  Þær konur sem ganga í rósóttu, teinóttu, köflóttu, silfur- og gulllituðu, svo ég tali ekki um regnbogalitina, geta endalaust verið í nýjum fötum.  Dem, dem, dem.

Sem sagt, ég á í tilvistarkreppu út af þessu, ég segi það satt.  Vandamál heimsins blikna hérna, krakkar mínir, í samanburði við þetta vandamál.

Ég blogga um þetta áhugamál mitt af því það er laugardagur og þá má maður vera léttlyndur og sjálfhverfur.  Svo er ég að vonast til að einhver Rockerfeller lesi þetta, sjái aumur á mér, kaupi Channel tískuhúsið og gefi mér í eins árs edrúafmælisgjöf.

Það er í lagi að láta sig dreyma.

Ekkialltílagihjáokkurfélugunum?

Cry me a river!

Úje

 

 

Athugasemdir

[Birna Dis Vilbertsdóttir (IP-tala skráð) 25.8.2007 kl. 13:28]

Hva. Auðvitað eru SKÓR EKKI ÞAÐ SAMA OG SKÓR OG SVARTUR KJÓLL EKKI ÞAÐ SAMA OG SVARTUR KJÓLL. Ég veit þetta vel. En kallar eru algjörlega fatlaðir þegar kemur að svona alvarlegum og mikilvægum málum. Systir mín á um 200 pör af skóm og hana vantar skó.

[krossgata, 25.8.2007 kl. 13:34]

Ég á ein svört leðurstígvél lágbotna, eina svarta skó með háum hæl (1 cm eða svo, sem telst hátt á minn mælikvarða), svo á ég eina venjulega svarta skó lágbotna til daglegs brúks og aðra í sama flokki hvíta, síðan á ég 1 sandala/inniskó og að lokum eina fjallgönguskó.  Ég hef aldrei á ævinni átt svona mikið af skóm eins og núna.  Mig vantar ekki skó og langar ekki í skó.   

En maður á aldrei of mikið af "the little black number".

[Kristín Katla Árnadóttir, 25.8.2007 kl. 15:19]

Ég á  svört leðurstígvél með hælum flottir.

[Jenný Anna Baldursdóttir, 25.8.2007 kl. 15:26]

Krossgata þú ert í VONDUM málum.  Hehe

Birna Dís:  Settu mig í samband við systur þína, við stofnum stuðningshóp.  Greta systir mín gæti líka startað skóbúð, ég er nú hrædd um það.

Kristín mín: Nauðsynlegt að eiga amk. ein svört.

[Jóna Á. Gísladóttir, 25.8.2007 kl. 16:08]

þessi litli svarti yrði sá stóri svarti í mínu tilfelli og mig langar ekki í sollis. En hver veit eftir nokkra mánuði....