GUILIANI REYKJARVÍKUR

 

Nú erum við Reykvíkingar komnar með okkar eigin Guiliani.  Það er búið að setja andlit á lögguna, sem er auðvitað LÖGREGLUMAÐURINN, Stefán Eiríksson, lögreglustjóri.  Það hefur greinilega, verið ráðinn ímyndarfræðingur til að efla fælingarmátt löggunnar og róa miðbæinn í leiðinni.  Gott mál.

En verkefnið er ekki af verri endanum, en það er að fást við ölvuð börn á götum úti.  Er ekki eitthvað stórkostlega mikið að í samfélagi þar sem smákrakkar velta um allt dauðadrukkin?  Stefán Eiríksson sagði í gærkvöldi að "ástandið í borginni væri lík og við hafi verið að búast".  Skelfing er það gott að ekkert óvænt var í gangi.

Nú er það spurningin.  Ætlar Stefán að ganga vaktir með "sínum mönnum" á vöktum reglulega?  Eða var þessi viðleitni um helgina bara í tilefni Menningarnætur?

Ég bíð spennt.

Eitthvað verður að gerast í þessum málum.

Úje

Lögreglustjóri segir ástandið í miðborginni eins og við var að búast

Athugasemdir

[Ragnheiður , 19.8.2007 kl. 10:30]

spurningin er : Er heimildarmaður síðunnar eða þá í öllu falli bein hans komin í hús ? Eða þarf að skipuleggja leiðangur þá án aðkomu téðs Stefáns Eiríkssonar ?

Góðan dag mín kæra.

[Jenný Anna Baldursdóttir, 19.8.2007 kl. 10:40]

Jú heimildarmaðurinn sefur á sínu græna.  Hehe

[Hrönn Sigurðardóttir, 19.8.2007 kl. 19:39]

....en var við öðru að búast? Sonur minn tilkynnti mér í gær að hann ætlaði á menningarnótt! Ég bauð honum að vera frekar heima og dotta yfir sjónvarpinu með móður sinni, ægifagurri og algjörlega búinni á því. Hann þáði það ekki. Ég var voða fegin þegar ég heyrði hann koma heim aftur um eittleytið í nótt.....

Fæ alltaf aðeins í magann þegar hann fer að "skemmta" sér  í Reykjavík