LIFANDI VEÐURVARAR

 

Ég hef oft velt því fyrir mér, hvaða menn það eru sem sjást stundum í fréttunum, haldandi á regn- eða sólhlífum fyrir fræga og mikilvæga fólkið.  Þá er ég að pæla í því hvort það sé beinlínis auglýst sem sérstakt starf að vera veðurhlíf fyrir menn eins og Bush og Travolta, svo dæmi sé tekið.  Fyrir ekki svo löngu komu einhverjir bankanáungar til landsins og það kom auðvitað í fréttunum.  Einhverjir dropar komu úr lofti þennan dag og í fréttinni mátti sjá einn regnhlífarhaldara á mann, fylgja mógúlunum út í bíl.

Ég er svakalega mikill aðdáandi Johns Travolta.  Ég beinlínis elska myndirnar Pulp Fiction og Get Shorty.  Hef horft á þessar ræmur aftur og aftur.  Nú er þessi megatöffari búinn að ráða til sín veðurvara sem heldur á sérútbúinni sólhlíf svo goðið fái ekki á sig útfjólubláa geisla frá Gula fíflinu.  Travolta er að vinna við gerð kvikmyndarinnar "Gömlu brýnin" en þar er hann í aðalhlutverki ásamt Robin Williams, sem er svo alþýðlegur að honum fylgir enginn maður með sólhlíf.

Hárið á mér er fer í tjón þegar rignir.  Líka þegar snjóar.

Ætti ég........?

Ædóntnó!

Jeje

Travolta viðkvæmur fyrir sól

Athugasemdir

[Jóna Á. Gísladóttir, 12.8.2007 kl. 10:20]

hvað borgarðu á tímann?

[Ásdís Sigurðardóttir, 12.8.2007 kl. 10:50]

Ef þig vantar veðurvara við fínni tilefni, t.d. þegar Óli og Dorrett hringja næst, hóaðu þá bara í mig, ég fæst frítt, cheap woman.

[Guðrún B. (IP-tala skráð) 12.8.2007 kl. 11:13]

hahahaha ég verð nú að viðurkenna það að það sem fólki dettur í hug .. !!!  æ seyjnómor

[Birna Dis Vilbertsdóttir (IP-tala skráð) 12.8.2007 kl. 11:30]

Hahahaha Góðar. Ég féll fyrir Travolta í Grís hérna um árið. Ég sá svo myndina um daginn eftir margra ára hlé og OMG maðurinn er eins og gelgja

[Huld S. Ringsted, 12.8.2007 kl. 11:37]

sólarvörn hlýtur að vera nóg! Úff erfitt að vera frægur

[Bjarndís Helena Mitchell, 12.8.2007 kl. 11:53]

Hahahaha, jú, endilega að fá sér veðurvara bara, allavega við sérstök tilefni. Ætli karlmaður sé ekki upplagður í verkið? Knús

[Maja Solla (IP-tala skráð) 12.8.2007 kl. 12:23]

Eitt kvöld ákvað ég að rölta útí sjoppu í grenjandi rigningu. Fyrstu skrefin var ég með hettu á hausnum, hárið í tagli og grúfði mér oní bringuna til að fá alveg örugglega ekki einn einasta regndropa framan í mig eða í hárið.
Síðan sá ég að mér, tók af mér hettuna og teygjuna úr hárinu, og gekk með nefið uppí loftið alla leið í sjoppuna og heim aftur.
Ef það er rigning, þá er rigning. Ef það er sólskin, þá er sólskin.
Ef við þolum þetta ekki höfum við ekkert að gera út yfirhöfuð.

Og hana nú!

[Anna Ólafsdóttir (anno) (IP-tala skráð) 12.8.2007 kl. 12:29]

Ég kem með regnhlífina mína þegar við förum á kaffihúsið, er að leggja drög að rigningu Hmmm .... Þessi fyrirhugaða ferð mín suður er þá ekki bara skemmtileg hugmynd heldur líka þræl ábatasöm $$$$€€€€€ (nuddandisamanfingrumkarl)

[Jenný Anna Baldursdóttir, 12.8.2007 kl. 12:42]

En Anna það gengur ekki, ég borga þér frekar fyrir að halda sólhlífinni.  Ekki getum við lengið í kjaftatörn án þess að sumir (skömmustukall) fái að reykja smá, HA?

Þið eruð svo skemmtilegar stelpur, að færslan er hallærisleg miðað við kommentin ykkar.  Þið þjáist ekki af skorti á ímyndunarafli (aðdáunarkall)

[Þórleifur Ásgeirsson (IP-tala skráð) 12.8.2007 kl. 13:00]

ég skal halda á regnhlíf, já og tveim stálskjöldum fyrir Einar Vilberg ef hann birtist aftur. Erum við þau einu í heiminum sem munum hvað Starlight var gegnheilt góð plata, og ekki var hún verri hjá Jónasi og Einari; Gypsy Queen rokkaði. En eftir þetta samdi Einar smávegis fyrir aðra.  En John Revolting þoli ég ekki. ´'Eg hef ekki horft á Face off þrátt fyrir að dýrka bókina og Nicholas Cage, og raunar bara hálfa Saturday night fever sem orsakaði varanlegt ógeð á tappanum

Leifur

[Jenný Anna Baldursdóttir, 12.8.2007 kl. 13:23]

Takk Þóleifur, ég skila þessu til tónskáldsins, bíddu bara, hann kemur alltaf aftur, alltaf aftur.

[Þórleifur Ásgeirsson (IP-tala skráð) 12.8.2007 kl. 14:51]

´'Eg er búinn að bíða lengi lengi lengi eftir að fá Starlight og Jónas og Einar á geisladiskum. ´'Eg þyrði að leggja pening í það dæmi . Það sem vefst fyrir mér er hvernig jafn stórkostleg plata og Starlight, náði ekki eyrum fleiri, ég teipaði hana á sínum tíma og gaf Amerískum vini mínum sem deildi aðdáun minni á akústíska Haight-Ashbury dæminu, Grateful Dead, Jefferson Airplane, Buffalo Springfield, Crosby Stills & Nash etc. og hann taldi hana jafnast á við það besta í softhippatónlist. Ljúf og leikandi, en umfram allt afar metnaðarfull tónlist.   Jónas og Einars plötuna á ég ekki lengur hún lenti í heitavatnsflóði þegar ofn sprakk, ásamt öðrum gersemum, plötum og bókum

( Starcollector á plötuspilaranum, mjög slitið)

Er Einar ekki Hjartarson? ´'A ekki umslagið af Starlight, hún bjargaðist því hún var sem oftar á fóninum.

Kveðja

Leifur

[Jenný Anna Baldursdóttir, 12.8.2007 kl. 21:01]

Júbb Leifur, hann er Hjartarson.  Það er mynd af manninum í myndaalbúminu.  Annars er Starlight og Jónas og Einar inni á musik.is

Leiðindi að þú skulir hafa glatað Jónas og Einar plötunni.  Hún er að seljast dýrt hjá söfnurunum núna.

Kveðjur frá Einari til þín

[Jenný Anna Baldursdóttir, 13.8.2007 kl. 01:36]

Ég meina tonlist.is Þórleifur.  Það er ekki í lagi með mig stundum.  hehe