AÐ VERA Í RUSLINU

 

Ég veit ekki með ykkur en ég er stórbiluð oft á tíðum. 

Hafið þið farið með ruslið út á morgnanna um leið og þið farið að heiman?

Kannist þið þá við að hafa mætt með ruslið í vinnuna?

Eða setið með útroðinn poka af matarleifum á biðstofu læknis?

Orðið fyrir aðkasti í strætó vegna þess að það er farið að slá í dýralíkin og lyktin er ógurleg?

Ef ekki þá eruð þið ekkert í námunda við hina stórundarlegu mig.

Lofjúgæs!

Athugasemdir

[Edda Agnarsdóttir, 25.7.2007 kl. 11:11]

Ég hef að minnsta kosti labbað með ruslapoka út í bíl eins og ég væri með eikkað þarfaþing! En nú ætla ég á Louisiana safnið þeirra á Norður Sjálandi, er að fara út - þetta eru cirka 30 km frá Köben.

[Jóna Á. Gísladóttir, 25.7.2007 kl. 11:12]

hahaha. Ég hef nú aldrei afrekað að taka ruslapokana með mér í strætó en oft í bílinn. Tók meira að segja annarra manna ruslapoka með mér heim um daginn. Var greiðvikin við vinkonu mína og bauðst til að fara út með ruslið fyrir hana þegar ég var að fara frá henni. Sá ruslapoki endaði í ruslatunnunni heima hjá mér í hinum enda bæjarins.

[María Kristjánsdóttir, 25.7.2007 kl. 11:13]

toppa þetta ekki- hef  farið lengst með það út í bíl þarsem það hefur þurft að bíða meðan var ég í vinnunni.

[Ásdís Sigurðardóttir, 25.7.2007 kl. 11:25]

Mamma mín tók einu sinni náttkjólinn sinn með í vinnuna. Ætlaði að setja hann í þvottahúsið á leið út en var með hann á handleggnum og gekk pent með hann alla leið í vinnuna. Veit ekki hvað þeir hugsuðu sem mættu henni, nú, nú Solla bara með ballkjólinn úti fyrir 9, hvar skildi hún hafa sofið í nótt  ?

[Hrönn Sigurðardóttir, 25.7.2007 kl. 11:40]

hehehehe aldrei mætt með hann - en oft lagt af stað með ruslið.

Enda allur minn úrgangur dýrmætur

[Guðrún B. (IP-tala skráð) 25.7.2007 kl. 12:21]

Hhahahahah, rámar eitthvað í eitthvað svona, en ætla ekki að gefa það upp hvað það var.

[Elín Arnar, 25.7.2007 kl. 12:33]

Jahá kannast sko við það! Það er rosa gott þegar maður fer óvart með ruslið í vinnuna að segja að ruslatunnan sé orðið full heima. Þá er ekkert eðlilegra en að henda ruslinu í gáminn í vinnunni.

[Rebbý, 25.7.2007 kl. 13:03]

Stelpur mínar   Ég veit að við höfum oft um margt að hugsa í einu, en ruslið fer aldrei annað hjá mér en í tunnuna við íbúðina mína.   Hjá mér er meira mál að muna eftir að kaupa inn eitthvað sem síðar verður að rusli og hvað þá að koma því líka heim úr búðinni.  

[Guðríður Hrefna Haraldsdóttir, 25.7.2007 kl. 13:20]

Það hefur stundum munað litlu ... heyrði einu sinni að þetta væri gáfumerki! (viðutan prófessors-heilkennið) Þú ert sem sagt rosagáfuð á meðan ég er næstum því rosagáfuð! Arg!

[Edda Jóhannsdóttir, 25.7.2007 kl. 13:29]

Smá saga af syni mínum þegar hann var 13 ára og mesti töffarinn í skólanum. Hann notaði ekki skólatösku, glætan, allt í máðum plastpokum. Einu sinni var hann seinn fyrir og þreif plastpokann næst dyrunum. Í skólastofunni opnaði hann pokann og út ultu bleikir og fjólubláir pónýhestar systra hans. Bekkurinnn fékk hláturskast og töffarinn varð grænn í framan af skömm. Enn er hann stundum kallaður Palli Póný. Sjálf hef ég farið með ruslið áleiðis á strætóstoppistöð en áttað mig á elleftu stundu. Gáfumerki? Ekki spurning.

[Kristján Kristjánsson, 25.7.2007 kl. 13:37]

Hef hent sundótinu í ruslið og labbað með ruslapokann áleiðis. Áttaði mig sem betur fer áður en ég kom í búningsklefann En eitthvað er maður kalkaður. Fór í sund áðan og í búningsklefanum tók ég handklæðið og setti það á öxlina á mér, síðan sundskýluna og shampóið. Fór síðan að leita að handklæðinu í töskunni og fór að bölva mér fyrir að hafa gleymt því Sá svo handklæðið á öxlinni

[Ester Júlía, 25.7.2007 kl. 13:37]

Nei - ekkert af þessu, en ég hef mætt með illa lyktandi ruslapoka í partý

[Þröstur Unnar, 25.7.2007 kl. 18:03]

Hendi stundum veskinu mínu og lyklunum í ruslið, með ruslinu. Það er fúllt að gramsa oní ruslatunnu kl 06:30 á morgnanna þegar frúin á móti er að hræra skyrið oní kallinn sinn við eldhúsgluggann.