ÉG HEF VERIÐ ILLA SVIKIN..

..af Vífilfelli, varðandi áróður þeirra um heilsusamlega og sykurlausa kókdrykki.  Ég er kókisti, hef verið það frá unglingsaldri, með smá hléum auðvitað.  Ég þekki mitt kók.  Ég drakk litlar kók, í grænleitum flöskum og með glærum stöfum.  Það var nefnilega stór munur á bragði eftir útliti flaskna í denn.  Margir hafa sagt það kjaftæði en ég veit betur.  Kókið varð að vera í gólfkæli, svona opnanlegum ofnafrá (eins og frystikista) og vera slefköld.  Það voru dásamlegir nautnatímar unglingsáranna.  Ekki var verra að fá eina Síríuslengju með lakkrísborða eða rauðum Ópal með.  Namminamm.

En um leið og æskan er öll, þá verður manni dagsljóst, að sumt er óhollt, alveg einstaklega óhollt og jafnvel baneitrað.  Ég komst að því að margoft hef ég sennilega verið í lífshættu, skv. nýjustu rannsóknum og alltaf án þess að hafa hugmynd um það.  Það er sennilega þess vegna sem ég lifði af allar stórhætturnar.  Eins og hunangsflugan sem flýgur þrátt fyrir að það sé vísindalega sannað að hún geti það ekki.  Flugan hefur nefnilega ekki hugmynd um það.

Nú er Kók- Diet-, Light- og Zero ekki hótinu betra eða heilsusamlegra en hið baneitraða, venjulega kók.  Bara ef ég hefði vitað þetta.  Þá hefði ég velt mér upp úr óheilsusamlegu alvörukólki.

Ég í sjoppuna, kaupi eina slefkalda og slafra henni í mig á staðnum.  Kaupi glerið.

Úje...

Sykurlausir gosdrykkir hafa sömu áhrif á heilsu fólks og sykraðir

Athugasemdir

[Jóna Á. Gísladóttir, 24.7.2007 kl. 23:45]

Rauður Opal með kóki . Það hef ég aldrei getað

[Jenný Anna Baldursdóttir, 24.7.2007 kl. 23:46]

Það er gott með Síríuslengjunni kona.

[Jóna Á. Gísladóttir, 24.7.2007 kl. 23:47]

now Im even more confused

[Jenný Anna Baldursdóttir, 24.7.2007 kl. 23:48]

Sko ein slefköld lítil kók, nánast hrímuð að utan, síruslengja og rauður ópal borðað saman.  Toppur á tilveru.  Prófa kona.  Sumt liggur einfaldega ekki í augum uppi, maður rambar á það.  Hehe

[Ásdís Sigurðardóttir, 24.7.2007 kl. 23:57]

 Kona, kona, kona hversu líkar getum við orðið?  kók-síríus súkkul- lakkrísborði. Það er gjörsamlega himneskt.  Ég hef aldrei látið neinn plata mig í að dreka gervi kók eða annað sykurlaust ógeð. Hef alltaf drukkið ekta og verið sannfærð um að hitt væri eitur. Djö hef ég verið sannspá. En manstu þegar maður reyndi að borða buff og drekka appelsín ?  Kók í litlu gleri í svo líka lang, lang best, ekkert til sem toppar það. 

[Gísli Bergsveinn Ívarsson, 25.7.2007 kl. 00:06]

Slefköld, hvað er það?

[Jenný Anna Baldursdóttir, 25.7.2007 kl. 00:10]

Svo köld að maður slefar af græðgi, minnir mig.

[Jenný Anna Baldursdóttir, 25.7.2007 kl. 00:10]

Ásdís maður hendist svona til baka í tíma stundum.  Arg...

[Kristín M. Jóhannsdóttir, 25.7.2007 kl. 00:12]

Dietdrykkirnir eru ekki betri fyrir tennurnar, né fyrir blóðþrýsting en er samt ennþá kaloríulaust þannig að ef maður er í megrun eru þeir mun betri. Spurningin er bara um hvað maður er að hugsa. Hitt er annað mál að þeir hafa ekki sannað að dietdrykkirnir valdi sykursýkinni heldur er líklegra að það fólk sem drekkur að minnsta kosti eina gosflösku á dag borði almennt óhallari mat en þeir sem gera það ekki. Þannig að það er ekki vitað að kókdrykkjan sjálf sé hættuleg heldur lífsstíll þeirra sem drekka það. Meikar þetta sens (eins og maður segir á góðri íslensku)?

[Jenný Anna Baldursdóttir, 25.7.2007 kl. 00:23]

Ég veit Kristín, er sykursjúk og mér er sagt að ég geti drukkið sykurlausa kókið.  Vona að það sé rétt með farið hjá þeim sem allt eiga að vita.  Fyrir utan svarta sullið lifi ég spartönsku lífi í mat og drykk. Híhí.

[Jóna Á. Gísladóttir, 25.7.2007 kl. 00:23]

kókosbolla og kók.... ekki málið

[Guðrún B. (IP-tala skráð) 25.7.2007 kl. 00:47]

Jæks Jóna, talandi um ógeð, að taka bita af kókosbollu og drekka svo kók.  Það er svipað að setja upp í sig mentos og drekka kók með, pottþétt gosbrunnur út um nef, og tilheyrandi hóstakast með öllu.

[Ester Júlía, 25.7.2007 kl. 00:54]

Lítil kók í flösku ( þessari í gamla daga) og Prins Póló ( VERÐUR AÐ VERA GAMLA PRINSPÓLÓIÐ) var best í heimi!!!!  Sakna þesss ekkert smá!  

En nú geta allir hætt að pína í sig sykurlaust kók og farið að drekka alvöru kók án þess að vera með samviskubit.  Það skiptir nefnilega ekki máli Jón eða Séra Jón.

[Elín Arnar, 25.7.2007 kl. 01:28]

haha snilld. Kannast við margt hér. Ég get líka staðfest það að kókið er extra gott í Krambúðinni. Don't ask me why! 

[Doddi - Þorsteinn G. Jónsson (IP-tala skráð) 25.7.2007 kl. 01:51]

Fyrst Ester minntist á Prins Póló, þá var ég að heyra aftur skemmtilega lagið "Prins Póló" sem Maggi Ólafs söng - kom út á "100 íslensk 80s lög" - disknum : sem er skyldueign!!!

En hvað varðar mig, þá er ég háður Pepsi Max ... svo ótrúlega mikið að ég veit ekki hvað ég myndi gera ef hann yrði ekki til. Kókið drekk ég örsjaldan ... en vá ... mmm..... Pepsi Max!!!!!!!!!!!

[Jenný Anna Baldursdóttir, 25.7.2007 kl. 01:55]

Elín hvar er Krambúðin, ég þangað.

[Laufey Ólafsdóttir, 25.7.2007 kl. 09:31]

Ég hef alltaf sett spurningamerki við hollustu þess að setja gerviefni í stað sykurs. Fatta ekki alveg hvernig það á að vera skárra. Ef ég er að drekka gos á annað borð þá vil ég hafa það almennilegt. Annars fæ ég mér bara sódavatn. Svo skil ég ekki öll þessi afbrigði af gerfikóki. Hver er eiginlega munurinn? Fyrir mér dettur þetta undir samheitið "Ógeð"

[Rebbý, 25.7.2007 kl. 09:46]

Kókosbollan og kókið - það var málið í gamla daga

[Jenný Anna Baldursdóttir, 25.7.2007 kl. 09:54]

Það er ekki hægt að blanda saman kóki og kókosbollu Rebbý, það freyðir.  Alveg eins og þegar maður prufaði að setja sykurmola út í kók, sem var nokkuð vinsæl tilraun hérna í denn.

Laufey Zeroið er alveg eins og venjulegt kók (en ekki segja að ég hafi skrifað fallega um það).

Smjúts öll.

[Guðríður Hrefna Haraldsdóttir, 25.7.2007 kl. 09:57]

Krambúðin er á Skólavörðustíg (efst). Mig grunar að kælirinn sé stilltur á meiri kulda þar og því fer fólk sérferðir til að kaupa kók þar.

[Ester Júlía, 25.7.2007 kl. 13:39]

Ég þangað !

[Jóhann, 25.7.2007 kl. 16:56]

Hvers eiga þeir að gjalda sem finnst gervisykursbragðið ógeð?

Mix er ekki fáanlegt lengur nema með gervisykri og ef maður vill fá Sprite á veitingastöðum er það alltaf Sprite Zero.

Ég fæ mér vatn ef ég vill fá kaloríulausan drykk!