MEÐ BULLANDI FORDÓMA...

..gagnvart sjálfum  sér og öðrum hommum hann Rupert Everett.  Leikarinn er ekki hlynntur ættleiðingum samkynhneigðra.   Hann alhæfir til hægri og vinstri.  Honum finnst að það hljóti að vera leiðinlegt fyrir börn að þurfa að taka tvo feður með sér á ræðukeppnina í skólanum. Ætli manni hefði fundist það ónýtt að geta státað af tveimur pöbbum hérna í denn, í staðinn fyrir þennan eina sem alltaf þurfti að vinna fyrir salti í grautinn og komst sjaldan á uppákomur?   Everett finnst líka að drottningarlegu rifrildin séu skelfileg fyrir börn að hlusta á fyrir svefnin. 

Ergo:

Hommar eru allir eins.  Þeir rífast drottningarlega og þeir rífast fyrir svefninn.  Það er alls ekki gott fyrir börn.  Börn vilja rifrildi upp úr hádeginu og þau eiga að vera konungleg.  Hm...

Samkvæmt þessu þá gef ég mér að allar lesbíur séu leikskólakennarar (ein mín besta vinkona er það), þær eru allar með meirapróf og stutt hár (ég þekki a.m.k. tvær sem þannig er ástatt um).

Það er rétt hjá leikaranum.  Hann hefur ekkert með börn að gera.   

Rupert Everett ekki hlynntur ættleiðingum samkynhneigðra

Athugasemdir

[Ásdís Sigurðardóttir, 24.7.2007 kl. 20:33]

Það er nefnilega málið, HANN hefur ekkert með börn að gera. 

[Jóna Á. Gísladóttir, 24.7.2007 kl. 20:34]

Já, bölvaður asni er þessi maður.

Það hlýtur að vera skemmtilegra að taka með sér tvo feður á uppákomur í skólanum frekar en engan. hvorki föður né móður. Það vill nebblega svo skringilega til að börn sem þarfnast ættleiðingar eiga venjulega engan að. Allavega engan sem þau myndu vilja hafa með sér á skólaskemmtun.

[Hreinn Ómar Smárason, 24.7.2007 kl. 21:04]

Hvaða hvaða ...

Rupert hefur bara húmor fyrir sjálfum sér og sínum kostum og göllum.  Ekkert nema gott um það að segja.  Fólk á ekki að taka sig of hátíðlega.

Maðurinn er húmoristi.  Carry on ,.... 

[Guðrún B. (IP-tala skráð) 24.7.2007 kl. 22:12]

Ég er eiginlega búin að komast að því að ég er hommi.  Ég er allavega skotin í strák Og svo er ég líka stundum með athyglissýki á háu stigi, og mér finnst gaman að syngja og ég er glansgella þegar ég er í stuði.

[Andres (IP-tala skráð) 25.7.2007 kl. 02:56]

æi hvað þetta er leiðinlegt. Hann er jú að reyna að gera eitthvað húmorískt úr þessu og US-blaðamaður hefur áðreiðanlega misskilið. Hann veit alveg hvað hann má segja og hvað hann má ekki. Bara klúður. Menn meiga passa sig aðeins þar sem við erum enn í barráttunni góðu.

Kveðja frá manni lofað manni sem á 2 syni.

[Geir Jónsson (IP-tala skráð) 25.7.2007 kl. 07:09]

Börn hafa nú lent í einelti fyrir það eitt að vera ættleidd, þó að báðir foreldrarnir séu af sitthvoru kyninu. Það er ekkert svo langt síðan það var mikið um fólk sem talaði gegn ættleiðingum. Viðhorfið var að fólk ætti ekki að "þykjast" vera foreldrar barna, valið átti að vera milli þess að fara til annarra blóðættingja eða alast upp á munaðarleysingjahæli. Sem betur fer hindraði það ekki fólk í að ættleiða og samfélagið hefur neyðst til þess að breyta viðhorfinu smátt og smátt. Ég man eftir því þegar ég var barn að þá var ein stelpa í bekknum mínum sem var dökk á hörund. Saga hennar var sú að hún fannst af Íslendingum í fátæku Afríkuríki, þar var hún ungabarn sem búið var að yfirgefa og á mörkunum að svelta úr hungri. Þessi stelpa lenti stundum í einelti fyrir það eitt að vera svört, en stundum líka fyrir það að vera svört með hvíta foreldra. Var ættleiðingin röng vegna þess?

Svo getum við farið í allskonar flokkanir með hverjir ættu að eignast börn hefðbundnu leiðina og hverjir ekki. Börn hafa t.d. lent í einelti fyrir að eiga feita foreldra, á að banna feitum að eignast börn? Auðvitað förum við ekki að banna viss fjölskylduform í nafni þess að minnka einelti, við stökkvum í djúpu laugina og þvingum samfélagið til þess að sætta sig við að allar fjölskyldur eru ekki eins. Svo er sorglegt hversu strangar reglur gilda um ættleiðingar almennt (þó misjafnt eftir löndum), virðist oft vera gerð sú krafa að þeir sem ættleiði verði einhverskonar ofurforeldrar. Ekki má finna neina bletti þó að þeir séu smávægilegir. Framboð á börnum er margfalt meira en eftirspurn og því mjög óeðlilegt að gera meiri kröfur en til þeirra sem fá að fara heim með barnið af fæðingadeildinni.  

[Laufey Ólafsdóttir, 25.7.2007 kl. 09:43]

Ég ætla rétt að vona að Andrés hér að ofan hafi rétt fyrir sér en ég get alveg séð hvernig það gæti staðist. Myndu annars 10 fjölskyldur kjósa manninn sem guðföður? Ef honum var alvara er hann hinsvegar hálfiti.

[Laufey Ólafsdóttir, 25.7.2007 kl. 09:44]

Hálfviti ætlaði ég að segja.