HVÍTIR KARLAR Á MIÐJUM ALDRI..

...með sterk fjárráð, að því er virðist, hafa nokkurskonar eignarhald á íslenskum veiðiám, í krafti  peninga.  A.m.k. þeim sem akkur er í. Þannig er það bara hversu ósáttur sem maður kann að vera með það.  Þeir eru fúlir yfir átroðningi útlendinga í árnar og ég skil það vel.  Veiðiþjófnaður er bannaður með lögum.  Í löngu bréfi sem fylgir viðhangandi frétt, fer Bjarni Júlíusson, formaður SVFR mikinn.  Honum er stórlega misboðið vegna málflutnings Einars Skúlasonar, framkvæmdastjóra Alþjóðahúss, vegna viðbragða SVFR við tilraunum til veiðiþjófnaðar í ánum. 

Lagabrot eru ólíðandi og það ber að fara hina réttu leið þegar slíkt kemur upp.

Er málflutningur formanns og stjórnar SVFR til þess fallinn að leysa eitthvað? Ég held ekki.  Málflutningurinn felur í sér árásir á ákveðin þjóðarbrot og það kallast rasismi.  Alveg sama hvernig fólk vill snúa út úr þeirri staðreynd máls.  Mér finnst það félagsmönnum ekki til framdráttar.

Ætli allur heimurinn viti að á Íslandi er veiði í laxveiðiám fyrir forréttindafólk, þ.e. fólk sem á nægja fjármuni?  Ég er ekki svo viss.  Skilti væri sniðug byrjun til að laga ástnadið, þótt SVFR finnist það út úr kortinu að setja svona sjálfsagðan hlut á skilti, að veiðar séu bannaðar.  Bjarna Júlíussyni finnst það í verkahring Alþjóðahúss að fræða "skjólstæðinga" sína. 

 Að tala um tvær, þrjár eða fleiri þjóðir í einu landi.

Fruuuuuusss

Stjórn SVFR furðar sig á ummælum framkvæmdastjóra Alþjóðahússins

Athugasemdir

[Predikarinn - Cacoethes scribendi , 23.7.2007 kl. 14:52]

GJÖF MÍN TIL STANGAVEIÐIFÉLAGSINS Á BANNMERKI - TIL AÐ FORÐAST ÁGREINING OG ÁMÆLI UM RASISMA Predikarinn leyfir sér að færa Stangaveiðifélaginu bannmerki það sem fylgir með þessu bloggi að gjöf. Þetta merki getur félagið sett upp hér og þar um veiðisvæði sitt. Þetta merki verður að teljast að muni skiljast á öllum tungumálum.

[Predikarinn - Cacoethes scribendi , 23.7.2007 kl. 14:54]

[Arnfinnur Bragason, 23.7.2007 kl. 15:13]

Jenný gættu líka orða þinna. "Hvítir karlar á miðjum aldri með sterk fjárráð.." nú ert þú að draga í dilka rétt eins og gerist með rasisma. Nú er ég ekkert í veiði en þín fullyrðing þín um að íslenskar veiðiár séu aðeins fyrir forréttindafólk er bara ekki rétt. Ég á þó nokkuð marga vini sem stunda bæði silungs og laxveiði af miklum áhuga og þeir vaða sko ekki í peningum nema síður sé. Ég hef líka heyrt að íslenskar ár séu ekkert dýrari en gengur og gerist annarsstaðar

[Fannar frá Rifi, 23.7.2007 kl. 15:28]

Það eru hinsvegar margar ár sem eru dýrar. En hvað með það? Ef ég vil sólunda peningum mínum lax kemur það einhverjum við? Er ég að stela af þér eða einhverjum öðrum peningum ef ég eyði? Laxveiði og önnur veiði fylgja vötnum og ám með lögum frá fornu fari. Hvað það kostar að veiða í ám eða vötnum fer síðan eftir því hversu eftir sótt það er. Ef enginn vill veiða í ánni þá kostar það kannski ekki neitt því enginn sér sér kost á að standa í að selja veiðileyfi sem enginn vill kaupa. En í á þar sem ásókninn er meiri heldur en úthlutun, þ.e.a.s. að það séu kannski hægt að veiða 50 daga ár og tvær stengur hvern dag, 100 skipti semsagt, og 1000 manns sækja um þessi 100 skipti þá getur landeigandi hækkað verðið þangað til að aðeins 100 eru tilbúnir að borga fyrir þessi 100 skipti. Þetta kallast framboð og eftir spurn. Ef það eru 1000 skipti og 100 sem sækja um þá verðu verðið mun lægra því þá reynir landeigandi að lokka fleyri að til að kaupa veiðileyfinn.

[Jenný Anna Baldursdóttir, 23.7.2007 kl. 15:41]

Hið alræmda meðaltal segir að hvítir karlmenn á besta aldri með rúm fjárráð stundi ákveðin sport.  Ég leyfi mér að kasta þessu meðvitað fram af ákveðinni ástæðu sem þú væntanlega áttar þig á.

Fannar frá Rifi, mér er nokk sama hvort þú eða aðrir borgi hönd, fót og hvítu úr augum fyrir laxveiðileyfi í ákveðnum ám.  Það er hinsvegar gífurleg mannfyrirlitning fólgiin í þeirri aðferðarfræði sem SVFR notar í þessu máli og það er það sem ég er að benda á. 

[Ólafur Jóhannsson, 23.7.2007 kl. 18:09]

Þú ert enn við það sama horn á  heygarðinum að það að tilgreina þjóðerni veiðiþjófanna sé rasismi.  Með hverskonar gleraugum lítur þú á heiminn eiginlega??  Það er ekki verið að leggja neina þjóð eða þjóðarbrot í einelti með því að reyna að stöðva veiðiþjófnað áhveðinna einstaklinga í veiðiám landsins. Þessir menn eru fyrst og fremst veiðiþjófar, en ekki pólverjar, tékkar eða íslendingar eða hverrar þjóðar sem þeir eru. Eg spurði þig á blogginu þínu um daginn: Hvort þú héldir að SVFR hvetji félagsmenn sína aðeins til að halda pólverjum sem þeir koma að við veiðiþjófnað en ekki fólki af öðru þjóðerni.  Eða viltu hafa það þannig að það eigi að láta alla útlendinga sem brjóta lögin vera?  Þeir eru vissulega í minnihluta hér á landi og því hægt að túlka allar aðgerðir gegn þeim sem kynþáttamismunun. Þú vildir ekki svara mér þá, sennilega rökþrota.  Kannski þú getir svarað mér núna?? Ég set nafnið mitt hér undir svo þú getir ekki borið við að þú svarir ekki nafnlausum athugasemdum.

Kveðja; Ólafur Unnar Jóhannsson

[Jenný Anna Baldursdóttir, 23.7.2007 kl. 18:32]

Ég svara nafnlausum athugasemdur þegar mér býður svo við að horfa. Engar reglur þar um.  Þarf ég að klippa þetta út í pappa og gefa inn með skeið?  Það er rasismi að leggja fyrir hóp fólks af ákveðnu þjóðerni.  Þannig er það bara.  Það er ósmekklegt að fara í rassíu sem þessa, með ófriði og borgaralegum handtökum.  Hvað haldið þið að þið séuð?  Getið þið ekki rölt niður á löggustöð eða hringt á lögguna og látið vita ef þið haldið að verið sé að brjóta lög?  Þetta gerum við almennir borgarar ef á okkur er brotið.

Með kveðju til numero 11

[Jenný Anna Baldursdóttir, 23.7.2007 kl. 18:33]

"að taka fyrir ákveðinn hóp fólks" á að standa þarna svo ég fái það nú ekki í hausinn.

[Jenný Anna Baldursdóttir, 23.7.2007 kl. 18:35]

Hverju erum við nær hérna úti í þjóðfélaginu að fá að heyra t.d. eftirfarandi:

2 svíar, læðupokast við á sóandsó

3 kólumbíumenn við sóandsó

1 færeyjingur, 1 sómali, 3 spánverjar.

Strákar er veiðþjófnaðurinn mikið öðruvísi m.t.t. hver fremur hann?  Kommon

ARG

[Guðmundur Steinbach (IP-tala skráð) 23.7.2007 kl. 20:36]

Já veiðiþjófnaður er veiðiþjófnaður sama hver fremur verknaðinn.

Munurinn er í úrræðunum. Þar sem þetta eru útlendingar þá má leiða að því líkum að þeir viti ekki betur og þá er hægt að fræða viðkomandi um landslögin. Íslendingar vita þetta yfirleitt.

Ef það má eki segja hverra þjóðar fólkið er án þess að fá yfir sig fólk sem hrópar rasisti þá er málfrelsið farið til andskotans.

[Steinríkurkrati, 23.7.2007 kl. 21:23]

Er þetta ekki spurningin um ekki hvað heldur hvernig hluturinn er sagður. SVFR virðist vera fyrirmunað að virða skoðanir annarra í þessum efnum. Einhver greining er þannig " Virðist vera fyrirmunað að setja sig í spor annarra" Veiði á að vera skemmtilegt sport fyrir alla. Vonandi að núverandi forysta SVFR skaði ekki ýmind sportsins þannig að það sýnist einungis vera fyrir. fúla, miðaldra, hrokafulla, hvíta karla sem skrifa yfirlætisleg bréf á mánudegi þjakaðir af  brennivínspirringi

[Eiríkur St. Eiríksson (IP-tala skráð) 23.7.2007 kl. 21:28]

Er ekki komið nóg af sleggjudómum? Það má e.t.v. finna til með fólki sem er með rasisma á heilanum og sér hann í öllum hornum en þetta mál snýst ekki um rasisma. Það snýst um að segja satt og rétt frá og að virða lög landsins. Hvað varðar hvítu miðaldra karlana, sem eiga að deila og drottna í ám landsins, að sögn Jennýjar Önnu, þá eru örugglega margir á þeim aldri innan vébanda SVFR. Hins vegar er sjálfsagt að geta þess að af rúmlega 3000 félagsmönnum í SVFR er fólk á öllum aldri og af báðum kynjum. Það að endurtaka dylgjur, gera stjórnarmönnum upp skoðanir og yfirfæra það á félagið er vægast sagt aumkunnarvert. Það að endurtaka lygina gerir hana ekki að sannleika.

[Ólafur Jóhannsson, 23.7.2007 kl. 22:24]

Þu ert ekki að fatta þetta greyið mitt.  Það er sjálfsagt öllum sama sem koma að veiðiðþjófum að eyðileggja eigur manns, hvort viðkomandi sé pólskur eða íslendingur eða hvað það nú er. En það er engum veiðimanni sama hvort einhver sé að veiða í óleyfi og þess vegna þarf að stöðva viðkomandi.  Það er kannski góð hugmynd að hringja í lögguna og bíða síðan rólegur í 1 - 2 tíma.  Hvað á að gera við veiðiþjófinn á meðan?  Horfa á hann veiðiþjófast meira eða lofa honum að láta sig hverfa??  Þú myndir sjálfsagt reyna að bjóða honum kaffi og ræða við hann um hvað það væri nú gaman að hafa efni á því að veiða í þessari fínu á... Fyrir alla muni, reyndu að komast til smá meðvitundar.

Eg vil benda þér enn einu sinni á það að það er verið að reyna að ná til pólverjanna með fræðslu, vegna þess að það höfðu eingöngu verið pólverjar gripnir við veiðiþjófnað.  Það var engin að segja að það eigi að leggja pólverja í einelti, - nema þú. 

[Jenný Anna Baldursdóttir, 23.7.2007 kl. 23:34]

Guðmumundur S. ertu í alvörunni að meina að þeir litlu peningar sem lagðir eru til Alþjóðahúss og til tungumálakennslu innflytjenda, eigi að spandera í kennslu um þetta sérstaka málefni?  Ef að SVFR er svona með að á hreinu að veiðiþjófnaðurinn einskorðist við útlendinga því í ósköpunum sjá þeir ekki um þá fræðslu sjálfir?

Nr. 11 það lýsir ekki miklum þroska að kalla andmælendur sína grey, en ég skal virða þér til vorkunar að þér er heitt í hamsi.  Hver er að reyna að ná til pólverjanna með fræðslu?  Flest fræðslan í að elta þá uppi, handtaka þá og halda þeim þar til lögregla kemur? 

Eiríkur Stefán: Ég setti þessa fyrirsögn á færsluna af ásettu ráði.  Alhæfingar eru ekki góðar.  Auðvitað veit ég að það eru fleiri í SVFR en bara hvítir menn á besta aldri og vel fjáðir.  Þessi herferð gegn ákveðnu þjóðarbroti er rasismi, ílla ígrunduð árás og engum til sóma.  Sama árangri er hægt að ná með öllu kurteisari nálgun. 

Haldið þið að það sé gaman að vera pólverji í þessu fáránlega upphlaupi?

Takk fyrir annars fræðandi umræður.

[Guðmundur Steinbach (IP-tala skráð) 24.7.2007 kl. 10:32]

Jenný, ég er að segja að það mætti alveg skerpa á þessu þar sem að tölfræðin segir okkur að sæmilegur hluti pólskra karlmanna virðist vera að stunda þetta. SVFR hefur látið gera skjal sem skerpir á þessu og ég geri ráð fyrir því að það væri auðsótt að fá fólk úr SVFR til að fræða menn um lög landsins. Fræðsla um landslög hlýtur eftir sem áður að vera eitthvað sem er mikilvægt þrátt fyrir það að fjármagn sé af skornum skammti. 

Af hverju má svo ekki segja frá staðreyndum málsins? Það skiptir máli í þessu hverrar þjóðar fólkið er. Þar sem þetta eru ekki íslendingar má leiða að því líkum að þessir menn viti ekki betur (þó svo að hegðun ýmissa veiðiþjófa vorsins gefi annað til kynna). Pólitísk rétthugsun er aðeins að ganga of langt finnst mér.

[Jenný Anna Baldursdóttir, 24.7.2007 kl. 11:06]

Það á ekki að skipta máli Guðmundur hverrar þjóðar fólk er og það er þessi staðfasta áætlun formannsins að tíunda það.  Hann segir í bréfi sínu eitthvað á þessa leið: 98% eru Pólverjar og 2% Tékkar.

Í þjóðfélagi eins og hér þar sem rasismatilhneigingar lifa góðu lífi, þá eru svona yfirlýsingar hættulegar.  Skoðanakönnunin sem gerð var hjá Vinnuskóla Reykjavíkur sýndi t.d. að krakkarnir voru afskaplega neikvæð í garð Pólverja.  Þess vegna finnst mér það á ábyrgð allra í samfélaginu að taka ekki þátt í, né egna til neikvæðra tilfinninga í garð minnihlutahópa.  SVFR er ekki undanþegið þeirri ábyrgð.  Það er það eina sem ég hef um þetta mál að segja í rauninni og ég skil ekki af hverju sú skoðun mín hefur komið öðru eins fári af stað hjá sumu fólki.  Þú ert samt alveg ágætlega málefnalegur Guðmundur og það er búið að vera alveg ljómandi að eiga skoðanaskipti við þig. 

Kveðjur,

[Jenný Anna Baldursdóttir, 24.7.2007 kl. 11:07]

Í efri málsgrein átti að standa:  "og það er þessi stafasta áætlun formannsins að tíunda eimitt það, sem er að fara fyrir brjóstið á mér". 

[Guðmundur Steinbach (IP-tala skráð) 24.7.2007 kl. 12:04]

Þakka þér Jenný. Alltaf gaman að skiptast á skoðunum á rólegu nótunum.

Ég held hinsvegar að við verðum ekki sammála í bráð.
Veiðiþjófnaðurinn í sumar er búinn að vera í gangi í yfir 2 mánuði núna og á endanum held ég að menn hafi fengið sig fullsadda og ákveðið að fara í þetta af hörku í stað þeirra vettlingataka sem hefur tíðkast í gegnum árin þegar veiðiþjófar eiga í hlut.

Það að 100% af þeim sem hafa náðst í sumar séu útlendingar er óheppilegt en samt sem áður staðreynd sem því miður er ekki hægt að horfa framhjá.

Ég hlakka í öllu falli mikið til að sjá hvernig þetta endar því að ég hef haft þá skoðun síðan ég man eftir mér að veiðiþjófa eigi að kæra og dæma en það hefur lítið gerst af svoleiðis frá því að ég man eftir mér.

[Jenný Anna Baldursdóttir, 24.7.2007 kl. 12:09]

Guðmundur don´t get me started.  Hehe ég meina um viðurlög, mis mikil viðbrögð við hinum og þessum afbrotum osfrv..  Af nógu er að taka.

Sem betur fer eru ekki allir sammála.  Það yrði ekki mikið um framfarir í heiminum ef allir væru sömu skoðunar.  Engar umræður, engar pælingar nada.

Takk aftur fyrir góð skoðanaskipti.

Kveðjur,