HILLARY FER ÚR HÁRUM..

 

..og lætur gott af sér leiða í góðgerðarskyni við Pantene Beutiful Lengths, sem lætur gera hárkollur og gefur þær krabbameinssjúkum konum.  Flott framtak hjá stelpunni.

Ég hef aldrei geta safnað neinu nema bókum og hári.  Ég spurði mig þeirrar samviskuspurningar þegar ég las fréttina, hvort ég myndi fórna hárinu til svona starfsemi, væri ég beðin um það.  Svei mér þá, þar kom vel á vondan.  Ég ætti asskoti erfitt með það.  Erfitt að vera heiðarlegur stundum.  Ég óttast bara að minn litli haus kæmi hroðalega út hárlaus.  Að ég yrði arfaljótur skalli.  Sumar konur eru þannig að þær geta verið hárlausar, með hár út um allt og meira segja farið með blautt, olíuborið hár á mannamót og alltaf verið ómótstæðilega fagrar og sjarmerandi.  Ég er ekki ein af þeim.  Hillary Swank er örugglega svoleiðis kona.  Brittney Spears er EKKI þannig kona, en það á ekki heima hér.

Annars keypti ég klippiskæri um daginn sem eru beitt og flott og húsbandið á flotta rakvél.  Ætti ég?  Nebb en ég get læðst að húsbandinu í skjóli nætur og látið hann dónera sínu.  Verst að hann er nýlega búinn að klippa svo mikið af haddinum.

Þetta var svona hugleiðing með frétt.

Súmí.

Swank lætur allt fjúka

Athugasemdir

[Jenný Anna Baldursdóttir, 23.7.2007 kl. 12:48]

Kristjana þú ert betri manneskja en ég.  Ég sem er svo félagslega sinnuð féll á hégómaprófinu.  Smjúts.

[Guðrún B. (IP-tala skráð) 23.7.2007 kl. 12:53]

Láttu ekki svona Jenný.. þú yrðir flott með "buff".  Þau eru til í öllum myndum, smart, græn, litrík, svört, með og án blúndu!! Allt hægt

[Jóna Á. Gísladóttir, 23.7.2007 kl. 15:48]

Æi hvað það er leiðinlegt að spyrja sjálfan sig svona samviskuspurninga. Ég er ansi hrædd um að ég þyrfti að hugsa mig a.m.k. 4 sinnum um áður en ég gæti svarað svona beiðni. Er svo andskoti shallow og hégómagjörn.

[Jenný Anna Baldursdóttir, 23.7.2007 kl. 15:55]

Ég spurði sjálfa mig x5 og fékk alltaf sama svar: "NO WAY HOSÉ" lalalalala

[Maja Solla (IP-tala skráð) 23.7.2007 kl. 21:43]

Ég var krúnurökuð þegar ég var unglingur...
Gæti alveg hugsað mér að gera það aftur fyrir góðan málstað, þetta er svo fljótt að vaxa aftur, maður!