AF DRAUMUM OG HINDURVITNUM

Mig dreymir mikið börn þessa dagana.  Allt löðrandi í krúttum hjá mér á nóttunni.  Ekki skrýtið þar sem ég er upptekin af barnabörnunum og svo er eitt á leiðinni í desember.  Þannig að ég er gætandi barna á nóttunni, alveg út í eitt.

Barn er fyrir böli nema drengur sé og sjálfur eigi, sagði amma mín um túlkanir á draumum um börn.  Gat nú verið.  Ómögulegt að dreyma stúlkubörn og annarra manna börn.  Ég blæs á svona kjaftæði.  Kommon fyrir utan Oliverinn minn í London og Jökul Bjarka stóra barnabarnið mitt þá er allt löðrandi í kvenfólki í kringum mig.

Dæmi:

Sex systur, ég sú sjöunda sko.

Þrjár dætur.

Eitt hundrað stykki vinkonur (ég að ýkja, nei, nei, híhí)

Jenny Una Errriksdóttirrrr (hefur tífalt vægi í kvenkostum)

Væri ekki undarlegt ef meybörn þvældust ekki inn í drauma mína og þá auðvitað bara til góðs?

Ég held áfram að láta mig dreyma.

Hindurvitni, hindurvitni.

Góðan daginn annars.

Eintlæfbjútifúl?

Athugasemdir

[Edda Agnarsdóttir, 23.7.2007 kl. 09:57]

Ertu ekki að drepast úr þreytu?

[Kristín Katla Árnadóttir, 23.7.2007 kl. 10:05]

Þú er sko rík kona Jenný mín  og þessir draumar eru bara fyrir góðu.

[Jenný Anna Baldursdóttir, 23.7.2007 kl. 10:14]

Jú soldið þreytt svona Edda mín, en glöð eftir næturdjobbið.  Hvernig líður í útlandinu?

Takk Kristín Katla

[Guðríður Haraldsdóttir, 23.7.2007 kl. 10:16]

Hef mikið kynnt mér þessi mál, sérstaklega af því að ég sé um Galdrahornið í Vikunni ... og hef skrifað um drauma. Að dreyma börn er fyrir FRJÓSEMI OG GRÓSKU,  ertu að fara að hlaða niður (fordæmi fyrir því) eða skrifa bók, eða skreyta brauðtertur eða eitthvað? Já, góðan daginn ´skan!!!

[Jenný Anna Baldursdóttir, 23.7.2007 kl. 10:18]

Já skólasystir mín var að eiga um daginn, jafngömul mér nottla.  OMG frjósemi, og þá væntanlega mikla lukku í péningum.  Ég verð enn auðugri.

Góðan daginn tú jú tú Frú Guðríður.

[Jenný Anna Baldursdóttir, 23.7.2007 kl. 10:18]

Já skrifa bók, hún er í vinnslu, sko bókin, brauðtertan löngu étin.

[Hrönn Sigurðardóttir, 23.7.2007 kl. 10:24]

góðan daginn luv.....