FJÖLDAHYSTERÍA BÚIN TIL

 

Rosalega er þetta Harry Potter fár farið að taka á sig óhugnanlegar myndir.  Allir spila með í þessari markaðssetningu og nú búa hjálparlínur í Bretlandi sig undir að fá hringingar frá örvæntingarfullum aðdáendum HP-bókanna eftir að síðasta bókin kemur út í kvöld.  Það er talin hætta á að lesendum bókarinnar finnst þeir hafa misst einhvern náinn þegar bókaflokknum lýkur.

Þetta er í besta falli brosleg múgsefjun í gangi allsstaðar í kringum okkur.  Í versta falli óhemju sorgleg vegna allra þeirra sem eru að missa einhvern náinn á hverjum degi, eiga ekki að borða og búa við stöðugar stríðsógnir og sjúkdóma.

Þegar grannt er skoðað verður þessi ballett allur svo skeflilega kjánalegur.

 

Breskar hjálparlínur búa sig undir hringingar frá örvæntingafullum Harry Potter lesendum

Athugasemdir

[Jóna Á. Gísladóttir, 20.7.2007 kl. 21:32]

Bloggaði líka um bilunina. Knús

[Meistari Jakob (IP-tala skráð) 20.7.2007 kl. 21:43]

Húsmæður á níunda áratugnum treystu sér ekki til að sækja tíma í Öldungadeild MH á þeim tíma sem Dallas var sýnt í Sjónvarpinu. Þær þurftu oft á áfallahjálp að halda vegna þessara frómu þátta, til dæmis þegar Bobby hrökk upp af standinum. Þær tóku hins vegar gleði sína á ný þegar hann birtist aftur í sturtunni, "skömmu síðar". Í fermingarveislum var Ewing-fjölskyldan aðalumræðuefnið og þar sem tvær konur komu saman var rætt um Pamelu í Dallas.   

[Guðríður Haraldsdóttir, 20.7.2007 kl. 21:43]

Þetta er bilin. Ætla að reyna að kaupa mér bókina á morgun í bókabúð hér á Skaga, eða bara eftir helgi. Ekki út af látunum og sölubrellunum, heldur af því að mig langar að lesa bókina ... og svo aftur á íslensku.

Við erum náskyldar, frænka, eða tímenningar!!! Komnar af þessu fólki:

Stefán Ólafsson Guðrún Þorvaldsdóttir

1619 - 29. ágúst 1688 1625 - 1700

Stefán langalanga.... afi okkar dó nákvæmlega 270 árum upp á dag áður en Michael Jackson fæddist! Finnst þér það ekki merkilegt?

[Jenný Anna Baldursdóttir, 20.7.2007 kl. 21:46]

Kæra frænka afi okkar lagði línuna að stórveldinu - okkar á blogginu.  Michael Jackson hvað!

[Guðríður Haraldsdóttir, 20.7.2007 kl. 21:49]

var bara að djóka með Jackson ... hann á bara sama afmælisdag (29.8) og tvær vinkonur mínar ...

[halkatla, 20.7.2007 kl. 22:22]

ég ætlaði að tjá mig um múgsefjun í kvöldpistli en hætti svo við, því það væri líka múgsefjun

[Jenný Anna Baldursdóttir, 20.7.2007 kl. 22:46]

Gurrí gleymdi skelfingarkarlinum en var líka að djóka.  Híhí.  Ég meinti sko hvað vill svona fýr upp á dekk gagnvart annari eins familíu og okkar. Muhahahahaha

[Jenný Anna Baldursdóttir, 20.7.2007 kl. 22:47]

Meistari Jakob:  Þar sem tvær konur koma saman, þar er ráðstefna!!!

[Karl Tómasson, 20.7.2007 kl. 23:17]

Var þessi Potter í Bítlunum???

[Ólöf Anna , 20.7.2007 kl. 23:21]

Karl hvar hefur þú verið seinustu 7 ár eða svo? Á tunglinnu eða .....

[Jenný Anna Baldursdóttir, 20.7.2007 kl. 23:27]

Hahahahahahaha