ÉG ER ÁHUGMAÐUR UM MATREIÐSLU..

og norræn í þokkabót þannig að ég ætti kannski að taka þátt í keppni um norræna matargerðarlist  sem er verkefni sem stuðla eiga að því að gera hana sýnilegri.  Markmiðið er að vekja athygli á gæðum hráefnis á Norðurlöndum og hvetja til þess að  þau verði meira notuð í eldhúsinu.

Annars er nú mín reynsla af norrænni matargerð ekki til að hrópa húrra fyrir.  Danirnir brillera auðvitað í sínum hefðbundna mat, sem er frekar fitandi og óhollur en ótrúlega girnilegur.  Reynsla mín af norskum og sænskum mat er að hann er frekar "dull", fyrirsjáanlegur og óspennandi. 

Það mætti alveg borga Norðmönnum fyrir að hætta með eða endurnýja innihald "matarpakkanna" sem þeir taka með sér í vinnuna, sama hvað á gengur.  Eða þá Svíunum fyrir "blóðbúðinginn" steikta með sultusmurningunni. 

Æi ég held að ég láti vera að fara í þessa keppni fyrir áhugamenn, ég myndi rústa liðinu.

Er eins og venjulega að þjást af mikilli hógværð.´

Góðan daginn annars.

Norræn keppni fyrir áhugamenn um matreiðslu

Athugasemdir

[Maja Solla (IP-tala skráð) 12.7.2007 kl. 09:44]

Ég hugsa alltaf til "blóðbúðingsins" með miklum söknuði á Íslandi, síðan fer ég út og fæ mér svoleiðis einu sinni og þá er ég strax komin með ógeð...

[Ester Júlía, 12.7.2007 kl. 10:20]

Mig langar í sænskar kjötbollur........

[Ósk Sigurðardóttir, 12.7.2007 kl. 11:06]

Danskar frikadellur á 100 korna rúgbrauði! og sænski pylsupottrétturinn eru í miklu uppáhaldi hjá mér. Man ekki eftir öðrum spennandi norrænum mat, fyrir utan íslenska lambið og rjúpuna auðvitað ;) En já, GO Jenný, endilega skelltu þér í keppnina.

[Ásdís Sigurðardóttir, 12.7.2007 kl. 13:27]

Þessi diskur á myndinni er nú frekar óspennandi.