SAUTJÁN BJÁNAR..

..voru stöðvaðir um helgina vegna ölvunaraksturs á höfuðborgarsvæðinu.  Rosalega er fólk tornæmt.  Það er haldið áfram að keyra undir áhrifum, alveg sama á hverju gengur. Núna voru þrjár konur í hópnum. 

Ef svona margir eru gómaðir og bara á höfuðborgarsvæðinu hver er þá hin raunverulega tala?  Ef  viðmiðunin er hin hefðbundnu 10% þá gera þetta 1700 manns á einni helgi.

Ég fer ekki út fyrir hússins dyr fyrr en búið er að laga þetta.

Ok, ég er dauðþreytt á hálfvitum sem keyra eins og brjálæðingar, eru fullir í leiðinni og setja þá sem ég elska og alla hina í lífshættu á hverjum einasta degi.

Væri ekki lag að gera eins og Svíarnir hafa gert í fjölda ára?  Ef þú ert tekinn fullur þá ferðu í fangelsi, það er náttúrulögmál og jafn óumbreytanlegt og að það kemur nýr dagur á morgun.  Skilaboðin verða að vera skýr.

ARG

17 ölvaðir undir stýri

Athugasemdir

[Jóna Á. Gísladóttir, 10.7.2007 kl. 14:47]

Sammála. Of vægt tekið á málinu. Í rauninni er þetta manndrápstilraun í hvert einasta sinn... í besta falli sjálfsmorðstilraun.

[Edda Agnarsdóttir, 10.7.2007 kl. 15:28]

Nú geta þeir sem teknir eru undir áhrifum tekið út dóminn í samfélagsþjónustu - það er merkilegt fyrirbæri - en svo getur verið að rimlar virki betur.

[Kristín M. Jóhannsdóttir, 10.7.2007 kl. 16:52]

Þetta hlýtur að vera að aukast. Mér fannst þegar ég flutti hingað út að hér væri miklu afslappaðra viðhorf gagnvart því að fá sér einn tvo bjóra og keyra svo. Allir virðast gera það. Ég þreyttist ekki á að segja fólki að heima keyrði fólk vanalega ekki eftir að það drykki. Það virðist vera rangt eftir þessu. Reyndar er kannski ástæðan fyrir því að heima drekkur fólk ekki einn eða tvo bjóra og keyrir svo af því enginn hættir eftir einn tvo bjóra.