SNÚRA

Ég var að velta því fyrir mér hversu heppin ég væri að vera edrú og að ég skuli eiga heilan meðgöngutíma að baki (eftir nokkra daga).  Hvað skyldi ég hafa verið að gera fyrir einu ári síðan?  Ég man það að sjálfsögðu ekki nákvæmlega þar sem það er hulið óminnisskýi en ég held að ég geti sagt með nokkurri vissu að:

ég hafi setið í stólnum mínum inni í stofu, með bjórglasið í hendi, pillurnar innan seilingar, gluggatjöldin niðurdregin og ég fer nærri um að ég hafi verið að velta fyrir mér hvernig ég gæti bundið enda á þessa djöfulsins kvöl.  Að sjálfsögðu hef ég líka verið að hugsa um hvað ég ætti helvíti bágt.  Ég hef auðvitað verið kvaldasta, misskildasta og sárasta konan á jarðríki.  Þannig er alkahólismi.  Ein stór sjálfsvorkunn þótt auðvitað sé það sorglegt að vera komin eins langt og hægt er að komast án þess að hrökkva upp af.

Núna er ég með heppnari konum, gluggatjöldin eru uppi að sjálfsögðu og það eina sem er innan seilingar er kaffibolli (lesist kaffi og sígó) og ég á að sjálfsögðu ekki vitund bágt.

Svona er lífið í dag ó je.

Athugasemdir

[SigrúnSveitó, 6.7.2007 kl. 11:33]

Til hamingju.  Yndislegt :)

[Edda Agnarsdóttir, 6.7.2007 kl. 12:09]

Knús og haltu áfram - þú ert besta fyrirmynd.

[Jóhannes Ragnarsson, 6.7.2007 kl. 12:22]

Til hamingju - þetta er mikið frelsi. Þekki það af eigin reynslu.

[Sigurbjörg Sigurðardóttir, 6.7.2007 kl. 12:24]

Frábært,eygum að þykja vænt um okkur sjálf,til hamingju

[Guðríður Haraldsdóttir, 6.7.2007 kl. 12:33]

Frábært hjá þér, gjörsamlega æðislegt. Það er svo dýrlegt að vera bara maður sjálfur!

[Orri Harðarson, 6.7.2007 kl. 12:54]

Þú stendur þig rosalega vel, Jenný mín! Ég er stoltur af þér!

[Ásdís Sigurðardóttir, 6.7.2007 kl. 13:02]

Frábæra stúlkan mín. Til lukku með dugnaðinn. Núna er bara gott framundan hjá þér, ég er viss um það.  Er flensan ekki betri?? Þarf að skreppa til Rk. hlakka til að kíkja betur á færslurnar í kvöld.  smúts til þín.  Heldurðu að við þurfum að fara að loka Ellý

[Jenný Anna Baldursdóttir, 6.7.2007 kl. 13:03]

Takk elskurnar.

Ásdís ég held að það verði að banna Ellý innan 75.  Eða meira.  Andskotans klám og nú eru það loðin bök.  Ég æli.

[Fanney Björg Karlsdóttir, 6.7.2007 kl. 13:29]

Sæl.... ég get varla orða bundist.... til hamingju með þennan árangur, gott gengi í framtíðinni.....

[Báran, 6.7.2007 kl. 13:31]

Einn dagur í einu... en þeir safnast svo saman og gera eitt gott líf  Til hamingju með daginn.

[Jenný Anna Baldursdóttir, 6.7.2007 kl. 13:45]

Æi hvað þið eruð sætar Fanney og Báran. Takk, takk.

[Maja Solla (IP-tala skráð) 6.7.2007 kl. 13:59]

Æi, mikið vildi að ég að pabbi minn hefði verið eins duglegur og þú. Sjúkdómurinn tók hann nefnilega fyrir nokkrum árum. Þú lætur okkur vita þegar þú nærð "meðgöngutímanum".

[Jóna Á. Gísladóttir, 6.7.2007 kl. 14:03]

 fallega hreinskilna kona.

[Anna Ólafsdóttir (anno) (IP-tala skráð) 6.7.2007 kl. 14:06]

Góður dagur fyrir snúrublogg - hef oft velt fyrir mér hvað prógrammið gæti komið að góðu gagni í fleiru en þessu, t.d. í fótboltabransanum þessa dagana - en æ nú er ég aftur farin að tala kínversku - þorrý  til lukku með hvern dag mín kæra bloggvinkona

[Jenný Anna Baldursdóttir, 6.7.2007 kl. 14:49]

Alltaf regluleg snúra hér stelpur mínar og 20. júlí verður viðkomandi bjútíkvín 9 mánaða.  OMG (skelfingarkarl og henyksliskarl vegna feimni) og anna what are you saying?  Pratar du svenska?  Jag förstår inget av vad du säger. Híhí

[Jenný Anna Baldursdóttir, 6.7.2007 kl. 14:50]

Leiðinlegt að heyra Maja Solla, svo margir deyja af völdum sjúkdómsins.  4 sem ég þekki til eru dánir á árinu (þar af ein góð vinkona).

[Hrönn Sigurðardóttir, 6.7.2007 kl. 16:52]

[Maja Solla (IP-tala skráð) 6.7.2007 kl. 20:43]

4 á árinu, það er leiðindatala. Gangi þér vel, ég man þig 20. júlí.

[Birna Dis Vilbertsdóttir (IP-tala skráð) 7.7.2007 kl. 09:15]

Til hamingju með 9 mánuðina