LYKTAROFSKYNJANIR FRÚ JENNYAR

Eftir að ég varð edrú og flott hefur lífið leikið við mig.  Slæmu dagarnir heyra til undantekninga og eru ekkert, bókstaflega nada, í samanburði við það helvíti sem fylgir virkum alkahólisma.  Nóg um það í bili.

Þegar ég verð þreytt hins vegar, trassa svefninn minn og máltíðirnar, sem stundum kemur fyrir (okokok ég veit að þið bloggvinir mínir eru sannfærðir um að ég sé fullkomin) fæ ég stundum "flashback" í formi lyktar.  Þetta er oft "lyktarminni" frá erfiðum tímum, eins og þegar ég var lögð inn á spítala á Spáni, lyktin af olíunni, matnum og dauðhreinsuðu umhverfi, skellur fyrir vit mér af öllu afli.  Þetta gerðist síðast í morgun.  Ég fæ líka stundum lykt í nefið sem er eins og lykt á bar, svona súr rauðvínslykt, rykug, klístruð með úldnu nikótínívafi.  Ákaflega yndisleg nostalgia eins og fólk getur ímyndað sér.

En stundum sigrar maður í ofskynjunardeildinni.  Þar sem ég sat hérna áðan úti á svölum þá fann ég allt í einu sterka rjúpulykt.  Lynglyktina sem kemur þegar ég sýð rjúpur, alveg jóla sko.  Ég leið nánast út af af hamingju, þefaði út í loftið eins og perrinn í "parfume" og lyktin varð bara sterkari og sterkari.  Jesús ég er komin í jólaskap og það í byrjun júlí þegar lyktin á að vera af nýslegnu grasi, óhollum grillmat og sætri blómaangan.

Mig langar svo í rjúpu.

Sorry Anna Karen

Síjúgæs

Athugasemdir

[Jóna Á. Gísladóttir, 3.7.2007 kl. 19:24]

Á meðan það fylgja ekki ofskynjanir þessari jólafílingu hjá þér þá er ég tiltölulega róleg. Annars langar mig í laptop tölvu í jólagjöf.

[Guðríður Hrefna Haraldsdóttir, 3.7.2007 kl. 19:32]

Vá, skrýtið að fá svona flassbakk! Gott þó í þessu tilfelli með rjúpulyktina. Hef bara tvisvar smakkað rjúpu ... alveg skömm að þessu. Fer bara út og skýt kjúklinga mér til matar og stöku kótilettu. Þyrfti að eiga jeppa til að komast í rjúpuna. 

[Kristín Katla Árnadóttir, 3.7.2007 kl. 20:32]

Oh Jenný mamma hafði alltaf rjúpur á jólunum en mér finnst þær vondar .

[Ásdís Sigurðardóttir, 3.7.2007 kl. 20:38]

Hæ skvís.  Skil svona lyktarflassbökk. Fæ oft svona og stundum finn ég lykt af einhverju eins og t.d. ilmvatn sem einhver notaði við kistulagningu eða eitthvað svoleiðis. Verð bara brjál.

[Jenný Anna Baldursdóttir, 3.7.2007 kl. 20:39]

Haldið þið að það sé einhver sæla að líða eins og Þorláksmessu á björtum nóttumþað er kvöl og pína. Híhí

[Anna Ólafsdóttir (anno) (IP-tala skráð) 3.7.2007 kl. 20:54]

Getum við ekki verið á sama elliheimilinu? Ég sé okkur einhver veginn fyrir mér með nefin oní rjúpupottinum, rífast um hvort það á að vera gráðostur eða ekki í sósunni og hvort við eigum að nota rifsberja- eða hrútaberjahlaup í hana. Það ERU komin jól! Af hverju er svona bjart úti?

BTW Youve got meil bakk :)

[Jenný Anna Baldursdóttir, 3.7.2007 kl. 21:01]

Anna ég persónulega vill gráðost í sósuna ásamt rifsberjahlaupi.  Ef þú getur lifað með því þá er ég game.  Hvað er í gangi af hverju er svona bjart?