VONT VERSNAR

 

Ég hef ekki getað hugsað mér að setja mig inn í viðurstyggilegt drápið á litla hundinum Lúkas.  Get hvort sem er ekki skilið hvaða grimmd það er sem nær svona tökum á fólki og ég verð satt að segja svo döpur að ég get varla hugsað mér að dvelja við svona atburði.

En vont versnar.  Nú eru sömu hvatir á ferð hjá fólki sem er að morðhóta ungum manni sem á að hafa staðið að þessum voðaverknaði.  Ég veit ekkert um það hvort þetta er einu sinni réttur maður, það virðist ekki skipta máli.  Þarna er einfaldlega sama grimmdin að baki og við hundsdrápið. 

Ég held að hver og einn mætti líta sjálfum sér nær.  Nógu slæmt er þetta mál alltsaman þó það haldi ekki áfram að vinda upp á sig.

Morðhótunum rignir yfir ungan mann

Athugasemdir

[Hrönn Sigurðardóttir, 29.6.2007 kl. 11:37]

Segi það með þér. Ég gat ekki fengið mig til að hlusta á þetta í fréttum. Hvað þá horfa á það í sjónvarpinu....

Ömurlegt!

[Ólína Kjerúlf Þorvarðardóttir, 29.6.2007 kl. 11:51]

Ég er sammála þér Jenný Anna - þetta mál er nógu sorglegt þó að drengurinn verði ekki fyrir samskonar grimmd sjálfur. Hann lærir fátt gott af því.

[Jenný Anna Baldursdóttir, 29.6.2007 kl. 12:01]

Stelpur vitið þið að ég er með hnút í maganum út af þessu máli.  Þvílík mannvonska í báðar áttir.

[gerður rósa gunnarsdóttir, 29.6.2007 kl. 12:36]

En skjúsmí! Voru VITNI að atburðinum??!! Ef það fólk stöðvaði ekki atburðinn má hengja ÞAÐ fólk í hæstu ljósastaura fyrir mér.

Annars er til margskonar dýraníðsla, til dæmis er langvarandi hirðuleysi gæludýraeiganda, vegna tímaleysis og annars, ekkert betra í mínum augum. Eins og allir vita er andlegt ofbeldi ekkert betra en beint líkamlegt ofbeldi. Einnig erum við sjálf ábyrg fyrir massívri dýraníðslu með því að neyta kjöts dýra sem eru látin lifa og deyja við óviðunandi aðstæður. Fyrir því lokum við augunum, horfum bara í budduna og á kílóverðið og spáum svo ekki meira í því.

[Ásdís Sigurðardóttir, 29.6.2007 kl. 12:40]

Nákvæmlega það sem ég kommentaði hjá Stebba Fr dómstóll götunnar er ekki sú hegning sem svona menn þurfa að fá.

[Jenný Anna Baldursdóttir, 29.6.2007 kl. 12:51]

Ofbeldi er ofbeldi, sama hvaða birtingarmynd þess sýnir sig.  Sorrí Gerður mín er kjötæta, óforbetranleg en borða hamingjusamt kjöt.  Tryllingslega hamingjusamt kjöt.

Hvað getur maður sagt?  Svo sekur inn í bein.

[gerður rósa gunnarsdóttir, 29.6.2007 kl. 20:00]

Ég borða líka kjöt, elsku Jenný. Með ´við´ meina ég líka ´ég´. Er bara að benda á fleiri hliðar á málinu :)
En athafna- og sinnuleysi manna sem verða vitni að óhæfu fer alltaf í taugarnar á mér.