ÉG HEF GERT SAMNING...

..við hana Jenny Unu Errriksdóttur og við urðum sammála um að senda "Emma meiðir sig" í tímabundna útlegð, þar sem amman var að flippa á viðkomandi bók, og í staðinn sammæltumst við um að taka "Emma eignast litlabróður" inn í staðinn þar sem það er aktuellt málefni í fjölskyldunni og við munum halda henni á leslistanum amk fram á haust.

Þetta bað hún Jenny mig að segja ykkur gott fólk áður en hún fór að sofa.

Lofjúgæs!

Athugasemdir

[Þröstur Unnar, 26.6.2007 kl. 22:25]

Yndisleg mynd

[Aðalheiður Ámundadóttir, 26.6.2007 kl. 22:39]

ég var einmitt kölluð 'Alla öfugsnúna' þegar ég var lítil, í höfuðið á henni Emmu

[Eva Þorsteinsdóttir, 26.6.2007 kl. 22:42]

Mínar eru líka í Emmi bókunum...... og finnst líka alltaf gaman að kíkja í "Eggið hennar mömmu!"

Og rella svo og biðja um fleiri börn........nó vei

[Ásdís Sigurðardóttir, 26.6.2007 kl. 22:54]

Man vel eftir henni Emmu, hún var góð. Mikið er Jenni yndislegt barn.  Heppin amma þú ert,  þó dauðleg sé. Sorry, ætlaði ekki að særa þig sæta spæta.

[Jóna Á. Gísladóttir, 26.6.2007 kl. 23:34]

Jenfo. Er þetta mynd af ömmuskottinu? Þvílík fegurð. Þetta líkist eiginlega meira teikningu, eða einu af þessum fjöldaframleiddu málverkjum sem maður átti upp á vegg sem krakki. Muniði? Franski strákurinn með langa snittubrauðið í bréfpoka... Muniði ekki?

[Jenný Anna Baldursdóttir, 26.6.2007 kl. 23:36]

Ég var að djóka Ásdís mín, híhí.  Jabb Jóna mín þetta er hennar hátign sjálf í lúlluheimum.  Man eftir þeim með snittubrauðið ójá.  Those were the days.  Eva hvern fjárann munar þig um eitt barn enn fyrir börnin þín?  Ömurlega óliðleg ertu. 

[Anna Ólafsdóttir (anno) (IP-tala skráð) 26.6.2007 kl. 23:39]

Emma öfugsnúna gagnaðist best í uppeldinu hjá mér.  Svo snerum við bara öllu við, ég sagði: Ninna má EKKI fara að sofa og þessi engill tók strax við sér og kallaði stuttu seinna: Mamma ég er komin upp í rúm

[Guðríður Hrefna Haraldsdóttir, 26.6.2007 kl. 23:50]

Mikið er þetta dásamlegt barn sem þú átt (eiga ömmur ekki barnabörnin sín?) og ekki er kötturinn síðri! Man eftir rosalega skemmtilegri bók sem erfðaprinsinn átti og ég las aftur og aftur fyrir hann. Hét Fíll ... eitthvað og kenndi drengnum húmor. ALlt var öfugsnúið í henni, ferlega fyndin bók sem nú er í bókasafni Ævintýralandsins á Hellu. Yngstu snúllurnar þar geta hlegið yfir henni.

[Jenný Anna Baldursdóttir, 26.6.2007 kl. 23:50]

Ég er eimitt að taka þessa sálfræði á Jennsluna núna bara ekki of mikið af því börn eru svo saklaus og yndisleg.  Ég segi Jenny má ekki fara í bað og samstundis rífur sú stutta sig úr og hendist inn á baðherbergi og kallar: Jú víst Jenny fara bað.

Oh ég fer í krúttkast.

[Jenný Anna Baldursdóttir, 26.6.2007 kl. 23:51]

Tékkaðu á hvað hún heitir Gurrí næst þegar þú ferð.  Vil svona húmorbók (ekki það að barnabörnin hafi ekki húmor).  Heitir örgla húmórfíllinn.

[Kristín M. Jóhannsdóttir, 27.6.2007 kl. 00:30]

Dásamleg mynd. Svona svaf hún Rósa mín líka alltaf hjá mér, og stundum alveg ofaná mér.

[Laufey Ólafsdóttir, 27.6.2007 kl. 00:44]

Dásamleg mynd og dásamlegt barn!!! Minnir mig á mynd sem ég á af Törunni. Ég skal skella henni inn við tækifæri

Ég átti flestallar Emmu og Tumabækurnar þegar ég var lítil og að sjálfsögðu dró mamma þær fram þegar Maya var lítil. Ég byrjaði svo að glugga í þær aftur fyrir stuttu vegna Töru og rak þá augun í að Maya hafði dundað sér við að lagfæra eina Tumabókina með smá lit. Nú er þetta semsagt eina eintakið af "Tumi tekur til" þar sem Tumi er blökkudrengur og tekur sig ansi vel út. Góð leið til að jafna út kynþáttakvótann og ég er stolt af barninu fyrir að hafa tekið málið í sínar hendur. Aktivisminn er arfgengur.

[Ragnhildur Sverrisdóttir, 27.6.2007 kl. 10:41]

Ég var komin með bullandi móral þegar ég hafði látið Emmu detta hundrað sinnum úr þessu blessaða tré! Þá var bókin lögð til hliðar. En mikið óskaplega höfðu systur mikinn áhuga á þessum meiðslum!

[Jenný Anna Baldursdóttir, 27.6.2007 kl. 11:19]

Ragnhildur segðu:  Jenny botnar hverja blaðsíðu með tam. "Emma hlær hátt og NJALLT" og "sveiflar fótunum til og FRRRRÁ"