ÞAÐ SVÍÐUR BEINLÍNIS UNDAN AGÚRKUNNI

Ég var ekki að setja á mig agúrku maska eða neitt svoleiðis heldur svíður mér undan gúrkutíðinni í fréttunum.  Það er fátt bitastætt þessa dagana enda sér maður það á allri umfjölluninni um lítið sem ekkert, þar sem smæstu málum er gerð góð skil.  Svo góð að eftir lesturinn áttar maður sig á að fréttagildið er ekkert.

Stórsveit Samúels Jóns Samúelssonar, breytti nafni á lagi á nýrri plötu sveitarinnar, vegna heimsóknar til Ísafjarðar.  Lag sem hét BBQ-rigs heitir nú Muurikka.  En það er finnsk panna sem þeir félagarnir fengu steikta lúðu af í matinn.

Kannski eru engar fréttir góðar fréttir en það er nú alveg óþarfi að drepa mann úr leiðindum.

Hér fyrir neðan er svo mynd af merkispönnunni Muurikku!

Breyttu lagatitli eftir Ísafjarðardvöl

Athugasemdir

[Guðríður Hrefna Haraldsdóttir, 23.6.2007 kl. 19:46]

Þetta eru samt stórfréttir ... Kveðjur úr moldrokinu á Suðurlandi!

[Karl Tómasson, 23.6.2007 kl. 20:02]

Það vekur alltaf jafn mikla athygli mína þegar það er mynd af tveimur manneskjum.

Hvor ykkar er Jenný.

Bestu kveðjur frá Kalla Tomm úr Mosó. 

[Jenný Anna Baldursdóttir, 23.6.2007 kl. 20:39]

Á ekki aðra mynd á tölvutæki formi sem gagn er að.  Þess vegna erum við tvær.  Ég er sú ""reyndari" þe sú dökkhærða.  Hehe

[Karl Tómasson, 23.6.2007 kl. 20:59]

Þið eruð báðar dökkhærðar.

Hvor ykkar er reyndari veit ég ekki.

Bestu kveðjur frá Kalla Tomm úr Mosó.

[Birna Dis Vilbertsdóttir (IP-tala skráð) 23.6.2007 kl. 21:06]

Hahahaha.Djúpar pælingar liggja sjálfsagt að baki nafngiftunum

[Laufey Ólafsdóttir, 23.6.2007 kl. 21:10]

Nenni sko ekki þessari. Læt frásögn þína nægja. Örugglega mun skemmtilegri. Nenni ekki að láta drepa mig úr leiðindum strax. Er í miðri vorhreingerningu. Síjú! 

[Björg K. Sigurðardóttir, 23.6.2007 kl. 21:39]

Jenný mín

Skópælingar þínar frá því fyrr í dag eru orðnar landsfrægar og komnar í sunnudagsmoggann sem virðist vita hvor er hvað á myndinni. Kalli Tomm verður bara að kíkja í sunnudagsmoggann

[Ásdís Sigurðardóttir, 23.6.2007 kl. 22:01]

Hæ fræga vinkona. Já, það er gúrkutíð og ég vona að það verði sem lengst, það eru þá ekki slæmar fréttir á meðan, eða þannig. Vona bara að það verði ekki of margar gúrkur, þær súrna. 

[Anna Ólafsdóttir (anno) (IP-tala skráð) 23.6.2007 kl. 22:09]

Ásdís skrifar: Hæ fræga vinkona.  Ertu frægari í dag en síðast þegar ég kommentaði hjá þér???? Hvað meinar hún??? Minns er forvitin - dying to know - hvað er á bak við þessa fullyrðingu  

[Jenný Anna Baldursdóttir, 23.6.2007 kl. 22:32]

Ég er svo þreytt á frægðinni.  Alltaf verið að birta eitthvað eftir mann.  Aldrei friður.  Þeir birta stundum eftir mig HALLÆRISLEGAR FÆRSLUR eins og þessa með skóna og Keith Richards og sollis, aldrei hinar djúpu flottu..  Það er gúrkutíð fyrst þessi rataði í Moggann.  Veit ekki hvað Ásdís á við en aðdáendur mínir eru smá skrýtnir

[Karl Tómasson, 23.6.2007 kl. 22:46]

Jenný, eins og ég sagði við Marlin. Mynd af þér.

Kær kveðja frá Kalla Tomm úr Mosó.

[Jenný Anna Baldursdóttir, 23.6.2007 kl. 23:07]

Ertu ekki VG og baráttufélagi?  Give your kommrat a break.  Ég er til hægri (dem) á myndinni, klikkaðu á hana og þá sérðu það.  Er ég í fegurðarmati?

[Ásdís Sigurðardóttir, 24.6.2007 kl. 00:00]

Hæ. Ég meinti bara að maður getur orðið þreyttur á innihaldslausum fréttum, en síðan þín verður aldrei leiðinleg. smjúts