ERFITT AÐ SKILJA..

..að kona, dönsk að uppruna skuli sjálfviljug byrja að hylja andlit sitt með búrku, eftir að hún tók múslimatrú.  Ég skil að hún hafi verið rekin af barnaheimilinu þar sem hún starfaði því ég myndi ekki kæra mig um að manneskja með hulið andlit væri að ala upp börn mín eða barnabörn.  Ég er svo hissa yfir því hversu sumir, svo auðveldlega, fórna mannréttindum sínum í skjóli trúar sem er það að auki svo kredduföst og kvenfjandsamleg.

Ég ætti auðveldara með að skilja þetta ef konan væri alin upp meðal múslima og þetta því hluti að hennar sjálfsmynd, þótt það sé hryllingur að einhver þurfi að bera kinnroða fyrir því að láta sjást í andlit sér.

 

Má reka konur í búrkum

Athugasemdir

[Eva Þorsteinsdóttir, 21.6.2007 kl. 18:36]

Þetta er samt arfasniðugt ef maður nennir ekki að hafa fyrir því að setja upp andlitið á morgnana.... ég vil búrku ;)

[Jens Guð, 21.6.2007 kl. 18:40]

  Fjöldi innfæddra Dana,  ljóshærðra og bláeygra,  gerast múslimar í hverjum mánuði.  Margir þeirra reyna að tengja sig við trúna með táknum.  Karlar lita höfuðhár svört og safna síðu skeggi.  Konur setja upp andlitsblæju.

  Það er algengt meðal fólks almennt að það tengir sig trú sinni með táknum.  Margir kristnir ganga með í hálsfesti eftirlíkingu af gömlu pyntingar-  og aftökutæki (krossi).  Margir ásatrúarmenn eru með ægishjálm húðflúraðan á upphandlegg.  Margir ásatrúarmenn safna skeggi og síðu hári.

  Fyrir mörgum árum gerðist einn kunningi minn mormóni (frekar en Vottur Jehóva.  Man það ekki alveg).  Fram að því var hann síðhærður gallafatahippi.  Hans fyrsta verk eftir að hann gekk í sértrúarsöfnuðinn var að láta stuttklippa sig.  Gallafötin viku fyrir svörtum jakkafötum.   

[Jenný Anna Baldursdóttir, 21.6.2007 kl. 18:44]

Ég veit þetta Jens og skil að það er allt löðrandi í trúartáknum.  Mér finnst það að hylja andlit sitt svo hryllilega niðurlægjandi og börn sem lesa í allar hreyingar okkar og svipbrigði verða bara að geta séð framan í fólk.

Eva mín hvernig væri að kaupa eina, þú ert í landi andstæðnanna og hins margbreytilega mannlífs eða er Búski búinn að reka alla múslima frá USA?

[María Kristjánsdóttir, 21.6.2007 kl. 20:26]

upprunalega huldu konur í arbísku löndunum andlit sitt til þess að fá frið fyrir Evrópubúum.

[Ester Sveinbjarnardóttir, 21.6.2007 kl. 20:30]

Fólk er að reyna að kaupa sér sannfæringu og frið með svona athæfi.  Fólki sem gengur illa að vera þaðsjálft og filgja sinni eðlisávísun og rökfestu hættir til þess að hengja sig á aðra en eðlilega finnur aldrei sinn sanna farveg.  Er því leitandi og rótlaust allt sitt líf.

[halkatla, 21.6.2007 kl. 20:37]

ég tek 100% undir með' þér Jenný og vil bara bæta þessu við;

það er ólýsanlega hallærislegt af fólki, sérstaklega konum, að gerast múslimi nú til dags. Það er hreint mannfjandsamlegt. Danir sem gera þetta eru fávitar og sennilega er það að miklu leyti tilgerð og ofuröfgafull pólitísk rétthugsun sem því veldur. Ég hef rannsakað islam og þessi mál í mörg ár og ég vil endilega að þið' takið það til athugunar áður en einhver segir mér að fara og lesa mér til eða að vera ekki svona fordómafull. Ég á handhægar mjög margar sannanir fyrir því að í upphafi var ég einmitt hlynnt múslimum, Islam og öllum þessum viðbjóði - þangað til ég lærði meira og hugsaði útí það sem ég lærði. 

María, farðu endilega til suður evrópu og kynntu þér sögu múslimakvenna þar á miðöldum! þú ert nefninlega bara að bulla. Þetta er sennilega einhver saga sem múslimar bjuggu til í nútímanum og á nákvæmlega ekkert skylt við það sem raunverulega gerðist.

p.s bara svona til öryggis þá vil ég líka segja að það er ekki trúarlegt atriði að vera með blæju, engan vegin. Það er hinsvegar trúarlegt að það megi eiga margar konur, nauðga ákveðnum hópum og að konur hafi engan rétt til að segja nei við kynlífi með maka sínum, það er trúarlegt. Hijab er það enganvegin! 

[Edda Agnarsdóttir, 21.6.2007 kl. 20:44]

Þetta er ansi góð hugmynd kennara, það veitir ekki af að vera stundum í felum fyrir blessuðum börnunum!

[Edda Agnarsdóttir, 21.6.2007 kl. 20:45]

'atti að vera FYRIR kennara

[Óskar Helgi Helgason (IP-tala skráð) 21.6.2007 kl. 21:25]

Heil og sæl, Jenný Anna og aðrir skrifarar !

Jens ! Illt er, ef satt er, að Eydanir, afkomendur Gorms gamla konungs, og þeirra Haraldar, séu; að falla í þessa ömurlegu hindurvitna- og ofstækis  gryfju Múhameðs, og hans óþokka kenningar. Því miður Jens;; því miður segir þú rétt og satt frá, hvað þessi ósköp snertir.

Á sama tíma, og flestar þjóðir heims; eru að byggja upp, og betrumbæta sinn hag, að þá líður vart sá dagur, að ekki heyrist fregnir; af skefjalaus  um morðum og ýmsu öðru, miður þokkalegu, frá þessum illa heimi, austur þar. 

Það er, sem ég segi;; Arabar og aðrir trúbræður þeirra, hefðu betur haldið sig, við hin fornu skurðgoð; sem og ýmsa ágæta anda, hverja þeir höfðu artir til, í fornöldinni, sem og á seinni tímum einnig, sumar þessarra þjóða. 

Með beztu kveðjum / Óskar Helgi Helgason    

[Guðmundur Auðunsson, 22.6.2007 kl. 10:14]

Anna Karen, getur þú frætt mig á því hvernig það tengist "öfgafullri pólitískri rétthugsun" að taka upp íslamska trú? Ég sé bar alls ekki tenginguna. Persónulega tortryggi ég alla sem "taka upp trú". Skiptir þá engu máli hvort menn ganga íslam á hönd og taka upp miðaldasiði eða gerast kaþólikkar (eins og Tony Blair) og vilja banna getnaðarvarnir þrátt fyrir það að þessi fáránlega stefna kosti milljónir manna lífið í Afríku þar sem smokkar eru lang besta vörnin gegn Alnæmi. Slíkur miðaldahugsunarháttur er óhugnanlegur, ekki síður en kvenfyrirlitning sem virðist vera algengi hjá mörgum íslömum. Það er eitt að vera "fæddur inn í trúarbrögð" en allt annað og miklu meira "pro-aktív" að taka upp aðra trú.

Varðandi umræðuefnið þá er alveg sjálfsagt að banna slíkan klæðnað þar sem hann hindrar eðlileg samskipti eins og á barnaheimilum. Menn eiga ekki að komast upp með hvaða þvælu sem er i nafni trúarbragða. Tökum dæmi. Í Bandaríkunum finnast hópar mjög trúaðra kristinna sem lifa í nektarnýlendum. Þeir telja sig vera sem næst guði með því að lifa eins og guð skapaði þau, eins og Adam og Eva gerðu í Eden. Myndum við þá sætta okkur við að leikskólakennari mætti í vinnuna alsber þar sem það samræmdist trú þeirra?! Varla.