MOGGINN..

..fær dúlluverðlaun dagsins, þessa fallegu slaufu, fyrir að hafa alla hausa á forsíðunni bleika í tilefni dagsins og minna um leið gesti og gangandi á að í dag er 19. júní!  Stundum er Mogginn einfaldlega dúllurass og ef hægt væri að knúsa fyrirbærið myndi ég gera það og klípa í  hann í kinnina líka.

STYRMIR ÉG ER Á LEIÐINNI!

Athugasemdir

[Jóna Á. Gísladóttir, 19.6.2007 kl. 12:35]

Sammála! Hrikalega krúttlegt.

[Ragnhildur Sverrisdóttir, 19.6.2007 kl. 13:23]

Mogginn dúllurass?! Hmm, ég vann þarna í ríflega tvo áratugi og fattaði þetta aldrei... En bleiki liturinn á mbl.is er frábær og raunar má segja að "dúllurassinn" sé alltaf að stækka, því heimasíðan var líka bleik í fyrra

[Ester Sveinbjarnardóttir, 19.6.2007 kl. 13:35]

Til hamingju kæra bloggvinkona með 19. júní, baráttudag kvenna! 

Gaman til þess að hugsa að amma mín í föðurætt var fædd þennan dag.  Hún bjó í sveit þar sem ágangur ár skemmdi landið og eftir að barn var nær drukknað í ánni, bjó hún sig til ferðar og fékk þingmenn til þess að beita sér fyrir því að áin var beisluð og hefur hún æ síðan runnið eftir sínum farveg án þess að ógna lífi fólks í sveitinni.

[Hrönn Sigurðardóttir, 19.6.2007 kl. 13:39]

Til hamingju með ömmu þína Ester - hún hefur verið kjarnakona!

[Jenný Anna Baldursdóttir, 19.6.2007 kl. 13:47]

Ester sammála Hrönn, flott kona amma þín eins og velflestar formæður okkar, sem þurftu að berjast við misrétti, fátækt, náttúruöflin og allt hitt.