SUMARRÓS; BRJÓTTU FÓT FYRIR MORGUNDAGINN

 

Mér er gjörsamlega fyrirmunað að hætta að skipta mér af minni eigin stjörnuspá sem er málfarslega misþyrmt nánast á hverjum einasta degi af Sumarrós, þeirri bölvaðri kjéddlingu.  Hún er örgla með enskupróf frá LANDBÚNAÐARHÁSKÓLANUM (já ég er með fordóma gagnvart smölum þessa heims).  Akkúrat núna er ég í draumi mínum segir kerla og ég er að velta fyrir mér í hvaða draum ég eigi að skella mér næst.  Hm.. velja, jú ég vel þennan með blúndunum, þessum hvítu, þær eru algjör draumur. 

 "Steingeit: Einmitt núna - hvort sem þér líkar betur eða verr - lifurðu í einum af draumum þínum, og þú ert upptekinn að pæla í hvað þíg eigi að dreyma næst. Er það það sem þú vilt?"

Já Sumarrós það er draumurinn með hvítu blúndunum sem ég vil. Ók??   Gangi þér vel á morgun elskan og brjóttu fót (hm eða báða)!

(Tek fram að púki Moggans gerði tvær leiðréttingar á þessum línum Sumarrósar, sem ég auðvitað hunsaði.  Vildi ekki taka karakterinn úr skrifunum).

Athugasemdir

[Eva Þorsteinsdóttir, 14.6.2007 kl. 05:06]

Maður ætti kannski að hafa samband við starfsmanninn...... láta hann leiðrétta aftur í tímann :)

[Ásthildur Cesil Þórðardóttir, 14.6.2007 kl. 07:29]

Blessunin, hún hefur einhverjar aðrar gáfur en ritsnilld. 

[Ester Sveinbjarnardóttir, 14.6.2007 kl. 07:54]

Sé að ég verð að fara að lesa stjörnuspána, þó það væri ekki nema til þess að læra nýtt tungumál.

[Jóna Á. Gísladóttir, 14.6.2007 kl. 18:11]

ert þú sem sagt þá sofandi Jenný? Núna?