ÞAÐ ER GREINILEGA GOÐSÖGN..

..að allir bifhjólamenn séu ábyrgir í umferðinni.  Svei mér þá ég var farin að trúa því þar sem talsmenn t.d. Sniglana hafa alltaf verið svo ábyrgir í tali.  Nú var fyrrverandi stjórnarmaður í Sniglunum einn af þeim sem lentu í slysinu alvarlega í vikunni, þar sem hraðinn var ótrúlega mikill.  Ekki virðist það slys ætla að verða sumum bifhjólamönnum víti til varnaðar.  Í gærkvöld var hópur bifhjólamanna staðinn að ofsaakstri á Þingvallavegi en þeir óku á 174 km. hraða.

Helmingur þeirra virtu að vettugi stöðvunarmerki lögreglu og héldu áfram sinni dauðakeyrslu.  Látum vera ef fólk vill endilega leika sér með líf sitt, það er ekkert við því að gera. En vinsamlegast gerið það ekki á kostnað saklausra borgara sem á vegi ykkar verða, ökufantarnir ykkar.

Hópur bifhjólamanna mældur á 174 km hraða

Athugasemdir

[Jóna Á. Gísladóttir, 13.6.2007 kl. 17:14]

Maður þorir nú varla að kommentera á þetta svona miða við æsinginn í kommentum hjá Rúnu bloggvinkonu í gær http://marzibil.blog.is/blog/marzibil/ um slysið alvarlega í vikunni.

[Jenný Anna Baldursdóttir, 13.6.2007 kl. 17:19]

Þvílík læti en ég hugsa að bifhjólamenn rati ekki hér inn, ég er nefnilega með dyravörð og hann biður alla um "backstage" passa.  Tek enga sénsa, er svo vinsæl hjá þjóðinni

[Ásdís Sigurðardóttir, 13.6.2007 kl. 17:34]

Já, veistu þetta er rosaleg vandmeðfarið að ræða þessi mál. Þau eru mér nokkuð tengd því fyrri maðurinn minn lést eftir mótorhjólaslys þar sem hjólið bilaði og svo er sonurinn ALGJÖR hjólari og ég veit að hann hefur ekið eins og glanni en sloppið hingað til guð einn veit hvernig allt endar, en ég er oft óróleg.

[Eva Þorsteinsdóttir, 13.6.2007 kl. 17:58]

[Kristín Katla Árnadóttir, 13.6.2007 kl. 18:36]

þetta er mjög alvarlegt mál og sorglegt.

[Jenný Anna Baldursdóttir, 13.6.2007 kl. 18:49]

Ég skil vel að þú eigir erfitt með þetta Ásdís mín og ég votta þér samúð mína.