Á NÚ AÐ KJAFTA SIG ÚT ÚR VÆNDI?

Svona, svona elskurnar mínar, ekki láta fyrirsögnina stuða ykkur.  Þetta er bara fíflagangur í mér.  Ég er mjög hrifin af framtaki borgarstjórnar Kaupmannahafnar að bjóða meðferð fyrir kúnna vændiskvenna í borginni.  Þetta er ein af þeim leiðum sem þeir eru að fara þar í borg til að draga úr vændi.  Þetta er ábyggilega bara gott eitt að bjóða upp á þennan möguleika.  Ég held að það hljóti eitthvað mikið að vera að mönnum sem kaupa sér vændisþjónustu.  Viðhorf þeirra til kvenna er alla vegar arfabrenglað.  Gott er ef hægt er að hjálpa þeim til heilsu.

Þessi leið hefur verið farin í Gautaborg og í fréttinni stendur þetta:

"Í þau 10 ár sem borgaryfirvöld í Gautaborg hafa boðið upp á meðferðarúrræði fyrir kaupendur vændis, hafa um 300 karlmenn leitað sér aðstoðar og um helmingur þeirra eru í samböndum. Þeir sem leiti eftir meðferð séu þeir sem vilji hætta að kaupa kynlífstengda þjónustu en ekki þeir sem beiti vændiskonur alvarlegu ofbeldi. Í gegnum samtalsmeðferð finni þeir orsökina að því að kaupa líkama konu."

Þetta mætti reyna hér, þ.e. ef einhvern tímann verður farið að taka á vændi hér sem félagslegu vandamáli og  sem hluta af ofbeldi gegn konum.

Svo mörg voru þau orð.

Vændiskaupendur fari í samtalsmeðferð

Athugasemdir

[Jenný Anna Baldursdóttir, 25.5.2007 kl. 23:44]

Ég reikna með Jón Arnar að þetta snúi að götuvændi.

[Anna Einarsdóttir, 26.5.2007 kl. 00:17]

Í hverju felst meðferðin ?  Að læra að draga ekki veskið úr vasanum ?

[Ásdís Sigurðardóttir, 26.5.2007 kl. 01:01]

Kill the fockers !!!!

[halkatla, 26.5.2007 kl. 01:09]

aumingja þetta fólk - það er flott ef svona meðferð virkar eitthvað, annars væri líka ráð að senda svona menn bara til presta. Íslendingar gætu reynt það.

[Jenný Anna Baldursdóttir, 26.5.2007 kl. 02:01]

Sammála hér allir (Anna það mætti byrja á veskinu já) nema þetta með prestana AK, vegna þess að þeir eru ekki fagfólk í meðferðum.  Þrátt fyrir að þeir kannski geti spjallað við fólk ef því líður illa.

[Jenný Anna Baldursdóttir, 26.5.2007 kl. 02:02]

Ásdís let´s kill the SOB´s

[Kristín Katla Árnadóttir, 26.5.2007 kl. 11:50]

Ég er alveg sammála  Önnu í þessu máli.