DÝRASMYGL

Einhver maður var handtekinn í Kaíró fyrir að ætla að smygla 700 lifandi snákum til Sádí-Arabíu.  Það er nokkuð langt í burtu þannig að ég geri mér ekki grillur út af því.  Auðvitað er þetta alvarlegt mál þegar verið er að smygla dýrum á milli landa.  Ég er eins og komið hefur fram hér á blogginu mínu, rosalega hrædd við skordýr, köngulær t.d. eru skelfilegastar að mínu mati.  Þótt þær séu hættulausar og mikið minni en ég.  Það eru lappirnar sko og hvernig þær hlaupa sem geta ært mig að viðbjóði og hræðslu.  Þegar ég var við nám í Gautaborg labbaði ég einu sinni inn á kaffihús sem oftar og var að lesa Göteborgs Posten.  Á forsíðunni var mynd af Tarantúllu.  Spikfeitri, kafloðinni og kvikindið var með attitjúd.  Í greininni stóð að hún hefði "stokkið" frá lögreglu þegar hann var með hana á leið inn á lögreglustöð en henni hafði verið smyglað til Svíþjóðar.  Lögreglustöðin var bara steinsnar þaðan sem ég var.  Lappirnar á mér hentust upp á vegg ég urlaðist í sætinu, reyndi að gera mig ósýnilega og þá rann það upp fyrir mér að ég væri hvergi óhult.  Ég komst heim  við illan leik og það tók mig marga daga að hætta að svipast um eftir kvikindinu.  Auðvitað er þetta geðveiki en eru fóbíur ekki brjálsemi af verstu sort?  Þess vegna er ég að hugsa um alla dýrasafnarana sem smygla svona dýrum til landsins.  Snákar, köngulær og fleiri ófreskjur.  Jafnvel konan með viðhorfið í þvottahúsinu gæti verið sek um dýrasmygl.  Hverjum á ég að treysta?  Get ég farið í heimsóknir?  Getur verið að það sé kominn tími á Bio-feedback meðferð, þe að horfast í augu við hræðsluna? Ónei ég fer til sálfræðings.  Þar mun ég ekki þurfa að halda á óttaelementinu með lappirnar óteljandi, grimmdarglampa í augum og illkvittnislegt glott út í annað munnvikið.

Sofið rótt krakkar

Ætlaði með 700 snáka um borð í flugvél

Athugasemdir

[Guðríður Haraldsdóttir, 25.5.2007 kl. 00:48]

Skil þig vel. Ég þjáist af HOBLOFÓBÍU (hræðslu við slökkviliðsbíla).

[Jenný Anna Baldursdóttir, 25.5.2007 kl. 00:52]

Hoblofóbía flott nafn á veikindum ég ætla að koma mér upp svona fóbíu.

[Guðríður Haraldsdóttir, 25.5.2007 kl. 00:55]

Hvað segir þú þegar vinnuveitandinn spyr hvernig veikindi þetta eru? Eða gúglar? Heheheheheh! Þetta er í alvörunni hræðsla við slökkviliðsbíla. Er með bók hjá mér sem heitir BLA BLA, 600 ótrúlega gagnslausar staðreyndir. Margt hrikalega fyndið í henni. 

[Jóna Á. Gísladóttir, 25.5.2007 kl. 01:24]

Yndisleg lesning svona rétt fyrir svefninn þegar alls konar kvikyndi, af þessum heimi og öðrum, eiga svo gott að krípa upp að manni. Þakka þér fyrir Jenný.

Ég legg til að Gurrí deili með okkur einni og einni staðreynd úr Bla Bla öðru hverju.

[Guðríður Haraldsdóttir, 25.5.2007 kl. 01:41]

Heyrðu Jóna, ég geri það! Hef líka fengið beiðnir um fleiri dýrlinga (skelfilega dauðdaga þeirra) og hverra verndardýrlingar þeir séu ... alveg uppáhaldið hennar Jennýjar ... múahahahhaha. Það skal bloggað á morgun, maður minn, ég meina, kona mín!!!

[Katrín Snæhólm Baldursdóttir, 25.5.2007 kl. 08:19]

Af hverju að fara til sálfræðings og eyða trilljón mínútum i að reyna að losna við fóbíur þegar hægt er að "Tappa" þær burtu á nokkrum mínútum. Fara að lifa í nútímanum Jenný mín..nútímanum!!!! Þú verður töppuð vel og vandlega næst þegar ég kem til landsins. Hlakka svo til að sýna þér litlu sætu tarantúllurnar mínar. Vissiru að það er hægt að koma þeim fyrir í eldspýtustokkum þegar maður flytur á milli landa??? SÍJÚ