AF STJÓRNARMYNDUN OG BARNI

Þetta er merkilegur og spennandi dagur.  Ríkisstjórn sem sumir telja farsæla en ég arfalélega hefur runnið sitt skeið á enda.  Geir nefnir til ástæðuna um nauman meirihluta.  Halló, halló það hefur verið ljóst síðan á sunnudagsmorgun og ekki miklir möguleikar á að meirihluti stjórnarinnar stækkaði við það að þeir töluðu saman.  Hver sem ástæðan er þá er þessu lokið og það er gott.

Geir og ISG hafa ákveðið að hefja formlegar stjórnarmyndunarviðræður á morgun.  Það er betri kostur en hin upphaflega vitleysa í Jóni og Geir.  Samt er ég ekki neitt rosa glöð, hefði viljað að Geir hefði byrjað á VG.  Ég er að hugsa um stóriðjuna og tekjulægstu hópana.  Samfylkingin ræddi mikið um biðlistana sem er gott og gengt en hvað með elli- og örorkuþega.  Mig minnir að Samfylkingin hafi talað um að eitthvað yrði gert í þeim efnum þegar svigrúm gæfist.  Ef það er eitthvað sem ég þoli ekki í pólitík svona "frasawise" þá er það svigrúms- og stöðugleikafrasinn. 

Nú ég var með hana Jenny Unu Errriksdótturrr í nótt og við skemmtum okkur all-svakalega vel.  Jenny er alltaf að læra ný orð og orðasambönd.  Núna er "harrrrðbannað að killa og klípa", ekki að ég hafi verið með fyrirætlanir í þá átt hún bara tilkynnti mér það svona óforvarendis.  Svo er hún að fá hugmynd um tímann þessi elska.  Allt sem er leiðinlegt ætlar hún að gera á "ettir" eða á "morgun" en hún var á kaffihúsi í "gær" og risessan fór í sturtu úti í öllum fötunum í "fyrramálið" (lesist í gærmorgun) Svo segir hún "manstu amma" og "Jenny er feimin" en "alltaf kutteis" svo er hún komin upp á lag með að segja "amma Jenny fá ís, gerru ða" og amman engist í krúttkasti og langar að BORÐA barnið.  Jenny fór svo í afmæli suður með sjó.

Nú er að bíða frétta af nýhöfnum rómans Sjálfstæðisflokks og samfylkingar.  Biðlund, biðlund, æðruleysi og sjálfstjórnarfyrirkomulag.

Lofjúgæs!

Athugasemdir

[Ásthildur Cesil Þórðardóttir, 17.5.2007 kl. 17:58]

Jamm einmitt nýhöfnun er ef til vill rétta orðið.  Úr því sem komið er vil ég sjá Samfylkingu, Vinstri græna og Framsókn.  Með stuðningi Frjálslyndra í góðum málum,  ef sú staða kemur upp.  Það er allavega betri ávísun á velferð og uppstokkun í kvótakerfinu.  Sorglegt samt að við fáum ekki að vera með.  

[Jenný Anna Baldursdóttir, 17.5.2007 kl. 19:23]

Jenny er stórkrútt!

[Jóna Á. Gísladóttir, 17.5.2007 kl. 21:18]

''amman engist í krúttkasti''  Ji minn hvað þetta er krúttlegt allt saman.

Hef ákveðið að kommentera ekki á stjórnmálaumræðuna þína því ég er með samviskubit.

[Jenný Anna Baldursdóttir, 17.5.2007 kl. 21:28]

Jóna ert með samviskubit?  Sjitt þú kaust Samfó og ég sem lagði upp þessa rosaflottu fræðslu um kosti VG.  Hehe þú MÁTT vera með samviskubit stelpa.

[Jóna Á. Gísladóttir, 17.5.2007 kl. 23:15]

[Laufey Ólafsdóttir, 18.5.2007 kl. 00:11]

Elska þegar þau eru á þessu stigi! Það sem veltur uppúr þeim þessum elskum! Ég er í krúttukasti yfir þessari mynd...