ENN BÆTA VG OG SAMFYLKING VIÐ SIG

VG og Samfylkingin eru á fullri ferð.  Þetta endar með dásamlegu og langlífu sambandi við stjórn landsins eftir 12. maí.  Til lukku við vinstri menn og konur.

Þetta er könnun dagsins frá Capacent þessi sem sýndi "gífurlega" aukningu Framsóknar í gær.  Þeir eru á niðurleið aftur samkvæmt þessari könnun. Svona er spurt í þessari daglegu könnun sem gerð er fyrir Mbl. og RÚV:

"Fylgistölur eru reiknaðar út frá svörum við þremur spurningum: „Ef kosið yrði til Alþingis í dag, hvaða flokk eða lista myndir þú kjósa?“ Þeir sem voru óákveðnir voru spurðir: „En hvaða flokkur eða listi yrði líklegast fyrir valinu?“ Þeir sem enn voru óákveðnir voru spurðir: „Hvort er líklegra að þú kysir Sjálfstæðisflokkinn eða einhvern hinna flokkanna?“

Halló, halló, Ríkisútvarpið-Sjónvarp!!   Hvaða undarlegu vinnubrögð eru þetta?  Eruð þið ekki dýrgripur í þjóðareign?  Menningarlega ómissandi dásemdarfyrirkomulag?  Útvarp ALLRAR þjóðarinnar?  Hvaða hagsmuna eigið þið að gæta þegar þið spyrjið svona?  Ég skil vel að Mbl. vilji pressa á svör varðandi Sjálfstæðisflokkinn en RÚV!  Veit einhver tilganginn og hefur gleymt að segja mér það?

Úrtakið er 1097 manns og svarhlutfall 64,2%.  Það virðist vera náttúrulögmál að svarhlutfall í skoðanakönnunum er rétt yfir 60%.

Vér bíðum pen eftir könnun morgundagsins.

Samfylking og VG bæta við sig

Athugasemdir

[Ásthildur Cesil Þórðardóttir, 10.5.2007 kl. 14:00]

Þetta er alveg ótrúlegt með spurninguna, af hverju í ósköpunum er það einhver sjálfgefin réttindi að þessi flokkur sé í fyrirrúmi fram yfir aðra flokka ?  Ég skil þetta ekki.  Og Þeir eiga RÉTT Á að vera í ríkistjórn að því að sagt er. Köstum þeim út á heimsenda og leyfum þeim bara að vera þar.

[Anna Einarsdóttir, 10.5.2007 kl. 14:15]

Hvar á landinu viltu búa ?

Hvort vildir þú heldur búa á landsbyggðinni eða á höfuðborgarsvæðinu ?

Hvort er líklegra að þú vildir búa í Borgarnesi eða á einhverjum öðrum stað ?

Algjörlega hlutlausar kannanir, (krossa fingur og tær, gretti mig, fitja upp á nefið og hlæ).

[Jenný Anna Baldursdóttir, 10.5.2007 kl. 15:19]

Ég er að pissa á mig af hlátri stelpur.  Lovjúgörls!