MIG LANGAÐI AÐ SPYRJA..

..svo margra spurninga í dag en stjörnuspáin bannar mér það eins og sjá má:

:Steingeit: Hvers vegna að spyrja spurninga þegar allt er í þessu fína? Eða á hvolfi? Engar spurningar í dag. Einbeittu þér að því að standa við gefin loforð.

Allir sem mig þekkja vita að ég bókstaflega lifi eftir stjörnuspá Moggans.  Nú verð ég að hemja mig í allan dag.

Mig langaði að spyrja um:

..Þetta undarlega talningafyrirkomulag sem er núna á blogginu.  Af hverju datt ég úr 13. sæti niður í hið alræmda 16. og stökk svo þaðan upp í það 12?  Ég botna ekki neitt í neinu.

..Af hverju það skíðlogaði í maríneraða grillkjötinu sem ég var með í gærkvöldi?

..Af hverju stjörnuspáin er að biðja mig um að standa við gefin loforð?  Af hverju er verið að ráðleggja manni að brjóta upp vanann?

..Af hverju ég læsti mig úti á svölum í morgun þegar ég fór og fékk mér sígó?

..Af hverju ég er viss um að Eiríkur skíttapar í kvöld þrátt fyrir að vera flottastur?

Neh. ég má ekki spyrja?  Ég verð að hemja mig í dag.  Stjörnuspáin er mín biblía og ég fer ekki að lifa lífinu á skjön við hana.  Geisp.. ég er of syfjuð til að geta pirrað mig á þessu.   Ég ætla að sofa í klukkutíma og fara svo að undirbúa heimilið fyrir Júró. 

Smútsj.

Athugasemdir

[Ragnheiður , 10.5.2007 kl. 10:14]

Hvað felst í svona júró undirbúningi ? Ekki skil ég þetta teljarasystem heldur...var 40 og eitthvað og er 24 núna. Það geta bara ekki svona margir verið að rápa á síðunni minni. Maður verður smá spéhræddur

[Kristín Katla Árnadóttir, 10.5.2007 kl. 10:27]

Já er farinn að hlakka til í kvöld  vonandi kemst Eiki áfram.

[Steingerður Steinarsdóttir, 10.5.2007 kl. 10:32]

Jamm, stjörnuspáin getur verið „tricky“. Ég fékk um daginn þá spá að einstakt tækifæri gæfist ef ég hefði bara vit á að þekkja minn vitjunartíma. Allan daginn æddi ég um í stressi í leit að þessu tækifæri sem ætlaði aldeilis ekki að láta mér úr greipum ganga. Mér tókst ekki að þekkja það og nú naga ég mig í handabökin og ímynda mér hvað þetta hafi getað verið sem slapp svona rækilega framhjá mér.

[Ósk Sigurðardóttir, 10.5.2007 kl. 11:05]

Auðvitað kemst Eiki áfram......búin að plana Eurovision partý á laugardaginn þannig að hann bara VERÐUR að vera með ;) Held með Danmörku eða Spáni til vara, eitthvað af þessum 3 löndum hljóta að komast áfram!

[Jenný Anna Baldursdóttir, 10.5.2007 kl. 12:32]

Ósk auðvitað vona ég að Eiki komist áfram. Smútsj. til þín í Madrid.

Steingerður við verðum að hætta þessu með stjörnumerkin svo við missum ekki af sjálfu lífinu.

Hrossí: ´Stjörnuspáin þín segir: Eftir að þú ákvaðs að kjósa VG hefur ára þín orðin tandurhrein með grænu blissi og fólk dregst að þér eins og flugur að mykjuskán.  Smútsj.

[Hrönn Sigurðardóttir, 10.5.2007 kl. 12:48]

vúppí Eiki OG dr. House í kvöld - betra verður það varla

[Jenný Anna Baldursdóttir, 10.5.2007 kl. 12:50]

Ég er með skjáinn á +(einum tíma á eftir áætlun) ef þetta skarast Hrönnsla mín þá kemurðu til mín honí.